Бишкектеги Ала-Тоо аянтыдагы жол кырсык

"Ала-Тоо" аянтындагы жол кырсыктан бир нече унаа талкаланды. Видео

566
(жаңыланган 16:44 17.03.2021)
Күбөлөрдүн айтымында, маршруттук такси менен жеңил унаа кагышкан. Кырсыктын кесепетинен жолдун четинде токтоп турган бир нече автоунаа дагы талкаланган.

БИШКЕК, 17-мар. — Sputnik. "Ала-Тоо" аянтына жакын жердеги Киев көчөсүндө ири жол кырсыгы болду. Бул тууралуу окуянын күбөлөрү билдирди.

Маалыматка караганда, маршруттук такси менен жеңил унаа кагышкан. Кырсыктын кесепетинен жолдун четинде токтоп турган бир нече автоунаанын арткы бөлүктөрү майрыйып калган.

  • Последствия крупного ДТП на улице Киевской рядом с центральной площадью Ала-Тоо
    "Ала-Тоо" аянтына жакын жердеги Киев көчөсүндө ири жол кырсыгы болду
    © фото очевидца, отправленное по Telegram-каналу
  • Последствия крупного ДТП на улице Киевской рядом с центральной площадью Ала-Тоо
    Маалыматка караганда, маршруттук такси менен жеңил унаа кагышкан
    © фото очевидца, отправленное по Telegram-каналу
1 / 2
© фото очевидца, отправленное по Telegram-каналу
"Ала-Тоо" аянтына жакын жердеги Киев көчөсүндө ири жол кырсыгы болду

Милициянын кайгуул кызматы кырсыктын себептери такталып жаткандыгын кабарлады.

566
Белгилер:
Ала-Тоо аянты, Бишкек, жол кырсык
Тема:
2021-жылдын башынан бери Кыргызстанда болгон жол кырсыктар (55)
Тема боюнча
Айланма жолдо 4 унаа кагышып, бир аял менен кичине кыз көз жумду. Видео
Чек ара кызматкери. Архив

Кыргыз-тажик чек арасында эки тарап тең кишилерди барымтага алып, кайра бошотту

43
(жаңыланган 15:48 17.05.2021)
Алгач Тажикстан менен чектешкен Ак-Сай айылынын тургундары үч тажик жаранын өлкө аймагында жүргөндүгүнүн себебин тактоо үчүн милицияга жеткиришкен. Ошол эле учурда тажиктер жайлоодон келе жаткан үч кыргызды кармап алышкан.

БИШКЕК, 17-май — Sputnik. Бүгүн кыргыз-тажик чек арасында болгон окуя тууралуу өкмөттүн Баткен облусундагы өкүлчүлүгү маалымат берди.

Ага ылайык, Тажикстан менен чектешкен Ак-Сай айылында тургундар эртең менен үч тажик жаранын кармап, өлкө аймагында эмнеге жүргөнүн тактоо максатында милицияга жеткирип беришкен.

Ошол эле учурда тажик жарандары Тажикстандын Ворух айылы аркылуу жайлоодон келе жаткан үч кыргыз жаранын кармап алышкан. Алдын ала маалыматтарга ылайык, кыргыз жарандарынын сабалганы айтылып, ооруканага жөнөтүлдү.

Бул окуя боюнча Баткен жана Согди облусунун башчылары телефон аркылуу сүйлөшүп, эки облустун күч түзүмдөрүнүн жетекчилерин жеринде жолугуштурууну макулдашышкан.

Натыйжада эки облустун күч түзүмдөрү эл менен сүйлөшүп, эки тараптан тең кармалган адамдар бошотулган.

Өкүлчүлүк учурда аймакта абал тынч экенин, бирок эл кооптонуп жатканын кошумчалады.

43
Белгилер:
барымта, чек ара, Тажикстан, Баткен
Тема:
Баткендеги кыргыз-тажик жаңжалы
Тема боюнча
Чек ара чырында жабыркаган киши көзүнө операция жасаттыруу үчүн Түркияга кетти
ӨКМ Баткенде өрттөлгөн үйлөрдүн орду толугу менен тазаланды. Сүрөт
Тажикстандык жарандын үйүнөн чыккан өрт. УКМК окуя боюнча маалымат берди
Палестиналыктар Иерусалимдеги Акса мечитинде Израилдин коопсуздук күчтөрү менен кагылыш учурунда

Убактылуу баш паанек сурап БУУга 40 миңге чукул палестиналык кайрылды

49
(жаңыланган 12:52 17.05.2021)
Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

БИШКЕК, 17-май — Sputnik. Палестиналык качкындарга жардам берчү БУУнун Жакынкы Чыгыш агенттиги (БАПОР) Газа тилкесинин чек ара аймактарында жашагандардын ичинен 38 миң киши убактылуу баш калкалоочу жай сурап кайрылганын билдирди. Бул тууралуу РИА Новости жазды.

"Газа секторуна Израилдин соккусу токтобой жаткандыктан агенттиктин мектептерине 38 миң палестиналык баш калкалоо үчүн кайрылды", — деп айтылат маалыматта.

Палестинадагы анклавда жайгашкан уюмдун өкүлү Аднан Абу Хасна эгер эскалация улана турган болсо, агенттик качкындар үчүн 50 жай (мектеп) ачуу планын иштеп чыкканын айткан.

Буга чейин БАПОР үй-бүлөлөрдү кабыл алуу үчүн өзүнүн мектептерин ачканын билдирген, ал мектептер дароо эле толуп калган. Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

Куралдуу кагылышуудан Газа тилкесинде 192ден көп адам каза болгон. Анын 58и балдар.

Ошол эле маалда палестиналыктар да Израилге сокку урууда. Мунун натыйжасында 10 киши көз жумуп, 50дөй адам оор жаракат алган.

Эске салсак, ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Буга палестиналыктар нааразы болуп, 7-майда жарандар (палестиналыктар) менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

49
Белгилер:
жай, качкын, сокку, Израиль, Газа тилкеси
Кумтөр Голд Компани ишканасынын кызматкерлери. Архив

Эки талапкер бар. "Кумтөр Голд Компани" ишканасын ким башкарышы мүмкүн

0
(жаңыланган 16:41 17.05.2021)
Негизги талапкер Теңиз Бөлтүрүк Канадада жашап, иштейт. Тоо-кен тармагында 30 жылдан ашык иш тажрыйбасы бар. Ал эми Мексикадан келген Абыл Сыдыков бул тармакта 26 жылдан бери эмгектенип жүргөнү айтылууда.

БИШКЕК, 17-май — Sputnik. Эгер "Кумтөр Голд Компани" ишканасын сырттан башкаруу боюнча токтом кабыл алынса, компанияга ким жетекчи болорун Жогорку Кеңештин кезексиз жыйынында аталган мекеменин ишин текшерүү боюнча комиссиянын төрагасы Акылбек Жапаров билдирди.

Бүгүн парламентте аталган ишкананы сырттан башкарууга алуу маселеси каралып жатат. Анда депутат Улукбек Ормонов компания кыргыз өкмөтү тарабынан башкарыла турган болсо ким жетекчи болоруна кызыкты.

Жапаров учурда жетечилик кызматка Канададан чакырылган тоо инженери Теңиз Бөлтүрүк жана дагы бир вариант катары Мексикадан келген адис Абыл Сыдыков даярдалып жатканын айтты.

"Теңиз Бөлтүрүк ушул тапта Казакстанда бир долбоорду ишке ашырып жаткан экен. Ал чакырылды. Кызыкчылыктар кагылышы болбосун деп ал Centerra Gold Inc. компаниясынын директорлор кеңешинен чыгып кетти (ал кеңешке мүчө катары 11-май күнү тандалган — ред.). Ал эми Абыл Сыдыков Мексикада иштеп жүрөт, бул жакка эмгек өргүүсү учурунда келди. Иштеп бер десеңер Кыргызстанга кайра көчүп келем деп жатат",— деди Жапаров.

"Кумтөр Голд Компани" боюнча абал

Кумтөр алтын кени. Архив
© Пресс-служба правительства / Сабыр Аильчиев
Эске салсак, 7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. 11-май күнү УКМК "Кумтөр голд компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
Кумтөр, жетекчи, Теңиз Бөлтүрүк
Тема:
Баткендеги кыргыз-тажик жаңжалы
Тема боюнча
Теңиз Бөлтүрүк Centerra тууралуу: Канадада мындай ишкананы эчак жаап салмак
Жапаров: Бакиев Кумтөр маселесин чечип коймок, бирок уулу бийликти тартып алды
Жапаров: мурдагы ажолордун бири катасын моюнга алса Centerra ишканасын утмакпыз