Тергөө абагынын кызматкери. Архив

Мурас-Ордодогу 13 жаштагы баланын өлүмүнө шектүү агасы эки айга камалды

(жаңыланган 12:37 20.03.2021)
Тергөөнүн алдын ала берген маалыматы боюнча, үйдө калган бир туугандар айтыша кетип, агасы инисине бычак сайып жиберген.

БИШКЕК, 20-мар. — Sputnik. Борбор калаанын Мурас-Ордо конушунда киши колдуу болгон баланын өлүмүнө шектелген бир тууган агасы тергөө абагына киргизилди. Бул тууралуу Бишкек шаардык милициянын маалымат кызматы билдирди.

Шектүүнүн баш коргоо чарасы Биринчи май райондук сотунда тандалып, аны эки айга №1 тергөө абагына киргизүү чечими чыккан.

Эске салсак, 17-мартта Мурас-Ордо конушунда 13 жашар бала киши колдуу болгон. Туугандарынын айтымында, бала талма оорусунан жабыркачу. Каргашалуу күнү ата-энеси ишке кетип, үйдө 17 жаштагы бир тууган агасы калган. Тергөөнүн маалыматына ылайык, бир туугандар айтыша кетип, агасы инисине бычак сайып жиберген.

Белгилер:
сот, камоо, өспүрүм, бала, кылмыш
Тема боюнча
Мурас-Ордодогу 13 жашар баланын өлүмү. Кылмышка бир тууганы шектелип кармалды
Өзгөндө атылган эки киши. Кылмышка шектелип 24 жаштагы жаран кармалды
Улуу жазуучу Чыңгыз Айтматовдун жубайы Мария Айтматова

Чыңгыз Айтматовдун жубайы Мария Айтматова каза болду

(жаңыланган 16:25 20.04.2021)
Айрым маалыматтарга караганда, Мария Айтматова ооруканада көз жумган. Кошумча маалымат берилери айтылды.

БИШКЕК, 20-апр. — Sputnik. Бүгүн, 20-апрелде, улуу жазуучу Чыңгыз Айтматовдун жубайы Мария Айтматова каза болду. Кабарды Sputnik агенттигине жазуучунун уулу Эльдар Айтматов тастыктады.

Маркум быйыл июль айында 79 жашка чыкмак.

Айрым маалыматтарга караганда, Мария Айтматова ооруканада көз жумган.

Эскерте кетсек, Чыңгыз Айтматов экөөнүн Ширин жана Эльдар аттуу балдары бар.

Белгилер:
Мария Айтматова, оору, өлүм, Чыңгыз Айтматов
Тема боюнча
Журналист Майрамбек Тойгонбаев 33 жашында каза болду
Уу коргошун. Архив

Бишкекте уу коргошунга ууланган факты катталды

(жаңыланган 16:17 20.04.2021)
ЖМКлардагы маалыматка караганда, уу коргошундан жабыркаган бейтап 63 жашта. Ал ооруканага таңкы саат 05:00дөр чамасында түшкөн.

БИШКЕК, 20-апр. — Sputnik. Бишкекте уу коргошунга ууланган факты катталды. Бул тууралуу Sputnik Кыргызстан агенттигине Тез жардам кызматынан билдиришти.

Ыкчам медицина кызматы окуянын чоо-жайын бир аздан кийин Саламаттык сактоо министрлиги кабарлай турганын маалымдады.

Ал эми айрым ЖМКлардагы маалыматка караганда, уу коргошундан жабыркаган бейтап 63 жашта. Ал ооруканага таңкы саат 05:00дөр чамасында түшкөн.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Белгилер:
уулануу, уу коргошун, Бишкек
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги
Акониттин кайнатмасы мамлекеттик резиденцияда жасалат. Видео