Чүй Чүй каналына Hyundai Solaris түшүп кетти

Чоң Чүй каналына жеңил унаа түшүп кетти. Сүрөт

(жаңыланган 11:33 30.03.2021)
Куткаруучулар атайын техниканын жардамы менен машинаны суудан тартып чыгышкан. Кырсыктан жабыркагандар жок.

БИШКЕК, 30-мар. — Sputnik. Борбор калаадагы Чоң Чүй каналына бүгүн эртең менен Hyundai Solaris автоунаасы түшүп кетти. Бул туурасында Өзгөчө кырдаалдар министрлиги билдирди.

  • Сотрудники МЧС КР возле Большого Чуйского канала в Бишкеке, где автомобиль Hyundai Solaris залетел в воду. 30 марта 2021 года
    Борбор калаадагы Чүй Чүй каналына бүгүн эртең менен Hyundai Solaris автоунаасы түшүп кетти
    © Фото / пресс-служба МЧС КР
  • Автомобиль марки Hyundai Solaris залетел в Большой Чуйский канал в Бишкеке. 30 марта 2021 года
    Куткаруу кызматына күбөлөр саат 6:02де каналдын Алматы көчөсү менен кесилишкен жерине жеңил автоунаа түшүп кеткенин айтышкан
    © Фото / пресс-служба МЧС КР
1 / 2
© Фото / пресс-служба МЧС КР
Борбор калаадагы Чүй Чүй каналына бүгүн эртең менен Hyundai Solaris автоунаасы түшүп кетти

Куткаруу кызматына күбөлөр саат 06:02де каналдын Алматы көчөсү менен кесилишкен жерине жеңил автоунаа түшүп кеткенин айтышкан. Атайын техниканын жардамы менен машина суудан тартып чыгарылды. Кырсыктан жабыркагандар жок, унаа Кайгуул милициянын кызматкерлерине өткөрүп берилген.

Белгилер:
кырсык, куткаруу, суу, автоунаа, Чоң Чүй каналы
Тема:
2021-жылдын башынан бери Кыргызстанда болгон жол кырсыктар (44)
Тема боюнча
Бишкекте троллейбус каршы тилкеге чыгып, трансформаторду сүзүп алды. Видео
Маршрутка 5 автоунааны сүзүп алды. Бишкектеги ири жол кырсыгынын видеосу
Бишкек — Нарын — Торугарт жолунда кырсык

Чүйдө эки унаа кагышып, жети адам жаракат алды. Видео

(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.

БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.

Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.

"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.

Жабыркагандар Кант шаардык ооруканасына жеткирилгени жана алардын абалы орточо экени айтылды.

Белгилер:
Торугарт, Нарын, Бишкек, ӨКМ, жол кырсык
Тема:
2021-жылдын башынан бери Кыргызстанда болгон жол кырсыктар (44)
Тема боюнча
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Сокулукта Lexus жолдо турган унааны сүзүп, бир адам каза тапты. Видео
Жаш кыз бетин жабып отурат. Архив

Ошто аялды ээн талаага уурдап барып коркутту делген үч киши кармалды

(жаңыланган 13:33 14.04.2021)
Алдын ала алынган маалыматтар боюнча, шектүүлөр тиричилик маселелерин чечип алууну көздөп ушундай кадамга барышкан.

БИШКЕК, 14-апр. — Sputnik. Ошто адам уурдоого шектелгендер кармалганын ИИМден билдиришти.

Маалыматка караганда, 11-апрель күнү милицияга арыз менен бир аял кайрылган. Ал 10-апрель күнү саат 22:00дө Ош шаарынын Масалиев көчөсүнөн чала тааныш адамдар ага күч колдонуу менен унаага салып кетишкенин билдирген.

"Автоунаада отурган белгисиз адамдар аялды Ош — Алай унаа жолу менен алып кеткендиги жана коркутуу максатында уурдашканы маалым болду. Алар аялды ээн талаага алып барып, күч колдонобуз деп коркутушкан", — деп айтылат маалыматта.

Факт Кылмыш жана жоруктардын бирдиктүү реестрине катталып, ИИМдин Ош шаары боюнча Тергөө кызматы Жазык кодексинин 170-беренеси ("Адам уурдоо") боюнча сотко чейинки өндүрүштү баштаган.

11-апрель күнү ыкчам-иликтөө иш-чараларын жүргүзүү учурунда болжол менен саат 20:00дө Ош шаарынын көчөлөрүнүн биринде Алай районунун 38 жаштагы А.Э. аттуу жашоочусу Mitsubishi үлгүсүндөгү автоунаасы менен бара жатканда кармалган.

Кийин жогорудагы кылмыш ишине тиешеси бар делип Кара-Кулжа районунун 43 жаштагы жашоочусу А.С. менен Алай районунун 37 жаштагы П.С. аттуу тургуну колго түшкөн. Шектүүлөрдүн бардыгы убактылуу кармоочу жайга киргизилди.

Алдын ала алынган маалыматтар боюнча, шектүүлөр тиричилик маселелерин чечип алууну көздөп ушундай кадамга барышкан. Жабырлануучу аял чет мамлекетте иштеп, ишкерлик менен алектенет.

Азыркы учурда иликтөө уланып жатат.

Белгилер:
коркутуу, адам уурдоо, ИИМ, милиция, Ош
Тема боюнча
Кара-Көлдө ИИМдин ички аскери ефрейторду кокусунан атып алды
Аксыда ири көлөмдө курал сатууга камданып жаткандар кармалды. Сүрөттөр
Чүй милициясы: күйөөсүнөн токмок жеген аял аны өлтүрүп тынды