Ырчы НурЧолпон. Архив

Оодарылган аскер унаасында Залина Касымова, НурЧолпон болгон. Артисттердин абалы

(жаңыланган 23:55 30.03.2021)
Жол кырсыгынан набыт болгон ырчы Нурзат Ажыгожоева экени айтылган. Ал эми жаракат алган беш артист учурда ооруканада жатат.

БИШКЕК, 30-мар. — Sputnik. Бишкек — Ош унаа жолунда оодарылган аскер унаасынын ичинде ырчы НурЧолпон, кыякчы Залина Касымова дагы болгон.

Эске салсак, кечээ, 29-мартта, түштүк регионундагы аскер бөлүктөрүнө концерт койгону бараткан чыгармачыл топ Жайыл районунун аймагында кырсыкка кабылган. Генералдык штаб мунун кесепетинен бир аскер кызматкери жеринде мерт болгонун тастыктаган.

Өзгөчө кырдаалдар министрлиги саат 12:46 чамасында "КамАЗ-Вахтовка" үлгүсүндөгү унаанын айдоочусу рулду башкара албай оодарылып кеткенин билдирди.

"Кырсыктан 40 жаштагы аял каза болуп, беш адам ар кандай жаракаты менен ооруканага жеткирилген. Окуя болгон жерге куткаруучулар жана Тез жардам кызматы тартылган", — деп айтылат маалыматта.

Кырсыктан набыт болгон аял Сокулук маданият үйүнүн директору, Генералдык штабдын аскердик оркестрлеринин биринде иштеген Нурзат Ажыгожоева экени белгилүү болду. Жакындарынын айтымында, ал Кыргыз улуттук консерваториясын бүткөн. Артында үч баласы калды.

Жаракат алгандардын арасында кыякчы Залина Касымова менен ырчы Бурулча Турарбек кызы да бар.

Посмотреть эту публикацию в Instagram

Публикация от Залина Касымова (@zalinakasymova_official)

Касымова Бишкектеги Травматология жана ортопедия илим-изилдөө борборуна кечээ саат 17:00дө түшкөн. Оорукананын маалымат кызматы кыякчынын мээси чайкалып, акыреги сынып, мойну жана буту-колу жабыркаганын билдирди.

Ошол эле медициналык мекемеде Турарбек кызы да жатат. Анын мээси чайкалып, буту-колу жабыркаган.

Кырсыкка кабылган дагы үч артист учурда Беш-Күнгөй айылындагы аскер госпиталында жатат. НурЧолпондун апасы Мейликан Эмилбекова кырсыктан кийин ырчылар беш саат бою каралбай ара жолдо калганын айтып нааразычылыгын билдирди.
"Кызыма кошуп Талант жана Бегимай деген артисттерди Кара-Балта шаардык ооруканасына алып келип коридорго отургузуп коюшуптур. Адам өлгөн жерден шок болуп келген балдарды палатага да жаткырып койбой, Бишкектен тез жардам келишин күтүшүптүр. Командирлерине чалып өзүбүз алып кетели десек "мына келип калды" деп алдап жатышты. Акыры төрт сааттан кийин бир тез жардам барыптыр. Анысы да келе жатып Сокулукка токтоп, кафеге чай ичкени кирип кетишиптир. Балдар таксиге отуруп кетели десе эшигин кулпулап чыгарбай коюшкан. Акыры ызы-чуу кылып жатып түшүптүр. Анан өзүбүз барып алып келдик", — деди Эмилбекова.

Ошондой эле ал кырсыкта кызынын мээси чайкалып, маңдайы жарылганын айтты.

"Аскер госпиталына кечки саат 8дерде алып барып жаткырдык. Кызымдын маңдайы жарылган жерин убагында тигип коюшса болмок экен. Эми анысы тырык болуп калышы мүмкүн деп жатышат. Бул кыз бала, ырчы үчүн оор тиет. Ырчыларды алып барган Генералдык штабга жана медиктерге аябай нааразы болуп жатабыз", — деди ырчынын апасы.

Эмилбекова кызы НурЧолпонду түштүк регионуна концерт коюу үчүн Генералдык штаб чакырганын белгиледи.

Ал эми Башкы штабдын маалымат кызматы жагдай такталгандан кийин гана маалымат бере турганын билдирди.

Белгилер:
оорукана, Залина Касымова, НурЧолпон, Аскер, ырчы, жол кырсык
Тема:
2021-жылдын башынан бери Кыргызстанда болгон жол кырсыктар (47)
Тема боюнча
Чоң Чүй каналына жеңил унаа түшүп кетти. Сүрөт
Укук коргоочулардын үйүндө чоңойгом. Ырчы НурЧолпондун маеги
Бишкектин четинде үч автоунаа кагышты. Жеринен тартылган видео
Сойул кармап турган адам. Архив

Жалал-Абадда бизнесмендерди сабап, коркуткан шектүүлөрдүн бири кармалды

(жаңыланган 17:29 20.04.2021)
Министрликтен билдиргендей, кылмышкерлер бизнесмендерди ээн талаага алып барып ур-токмокко алып турган.

БИШКЕК, 20-апр. — Sputnik. Милиция Кыргызстандын түштүгүндө бизнесмендерди өз көзөмөлүнө алууга аракет жасаган топ бар экенин кабарлады.

Маалыматка караганда, кылмыштуу топ "салык" төлөөдөн баш тарткан ишкерлер менен коммерсанттарды эл жок жерге алып барып сабап коркутуп турушкан.

"Жалал-Абадда апрель айынын башында үч киши 29 жаштагы ишкерди күчкө салып машина менен алып кетишкен. Аны ээн жерге алып барып акча талап кылып сабашкан", — дешти ИИМден.
Задержанный по подозрению в членстве организованной преступной группировки в Джалал-Абадской области
© Фото / пресс-служба МВД
Шектүү

Факты боюнча Кылмыш-жаза кодексинин 266-беренеси ("Бейбаштык") менен сотко чейинки өндүрүш иши башталган. 16-апрель күнү Жалал-Абаддан 29 жаштагы шектүүлөрдүн бири кармалган. Ал кылмыштуу топтун мүчөсү катары ИИМдин каттоосунда турат. Милиция учурда шериктерин издеп жатат.

Белгилер:
кылмыш, милиция, Кыргызстан, Бишкек
Тема боюнча
Кара-Балтада аткыланган автоунаа. ИИМ жетекчилиги окуяны көзөмөлүнө алды
Улуу жазуучу Чыңгыз Айтматовдун жубайы Мария Айтматова

Чыңгыз Айтматовдун жубайы Мария Айтматова каза болду

(жаңыланган 16:25 20.04.2021)
Айрым маалыматтарга караганда, Мария Айтматова ооруканада көз жумган. Кошумча маалымат берилери айтылды.

БИШКЕК, 20-апр. — Sputnik. Бүгүн, 20-апрелде, улуу жазуучу Чыңгыз Айтматовдун жубайы Мария Айтматова каза болду. Кабарды Sputnik агенттигине жазуучунун уулу Эльдар Айтматов тастыктады.

Маркум быйыл июль айында 79 жашка чыкмак.

Айрым маалыматтарга караганда, Мария Айтматова ооруканада көз жумган.

Эскерте кетсек, Чыңгыз Айтматов экөөнүн Ширин жана Эльдар аттуу балдары бар.

Белгилер:
Мария Айтматова, оору, өлүм, Чыңгыз Айтматов
Тема боюнча
Журналист Майрамбек Тойгонбаев 33 жашында каза болду
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты