Абактагы киши. Архив

Бишкектин мурдагы вице-мэри менен УКМКнын кызматкери кармалды

(жаңыланган 21:00 31.03.2021)
Жогорку кызматтагы адамдар башка кызматтагылар менен сүйлөшүп алып Бишкек шаарынын мэриясында иштегендерге басым жасаганы айтылды.

БИШКЕК, 31-мар. — Sputnik. Мыйзамсыз баюуга жана коррупцияга шектелип Бишкектин А.А. аттуу мурдагы вице-мэри жана УКМКнын Бишкек шаары боюнча башкармалыгынын аймактык бөлүмүнүн А.Ж. аттуу жетекчиси кармалды. Бул тууралуу Башкы прокуратурадан билдиришти.

Айрым ЖМКлар укук коргоо органдарындагы маалымат булактарына таянып, А.А. деген мурдагы вице-мэр Азизбек Алымкулов экенин жазышууда. 2021-жылдын февраль айында ошол кездеги мэрдин милдетин аткаруучу Балбак Түлөбаев Алымкуловду иштен алган.

Вице-мэр Бишкека, курирующий вопросы транспорта Азизбек Алымкулов
© Фото / Республиканский штаб КР по борьбе с COVID-19
Бишкектин мурдагы вице-мэри Азизбек Алымкулов

Колго түшкөн эки шектүү тең Бишкек гарнизонунун гауптвахтасына киргизилди.

Тергөөнүн версиясы боюнча, жогорку кызматтагы адамдар дагы башка кызматтагылар менен сүйлөшүп алып Бишкек шаарынын мэриясында иштегендерге басым жасаган. Алар жер участокторун тааныш адамдарына каттатууга аракет кылышкан.

Учурда тергөө амалдары уланып жатат.

Белгилер:
коррупция, УКМК, Бишкек мэриясы
Тема боюнча
УКМК Бишкектеги райондордун биринин акимин кармады
УКМК Саламаттык сактоо министрлигиндеги ири коррупциялык ишти аныктады
Сойул кармап турган адам. Архив

Жалал-Абадда бизнесмендерди сабап, коркуткан шектүүлөрдүн бири кармалды

(жаңыланган 17:29 20.04.2021)
Министрликтен билдиргендей, кылмышкерлер бизнесмендерди ээн талаага алып барып ур-токмокко алып турган.

БИШКЕК, 20-апр. — Sputnik. Милиция Кыргызстандын түштүгүндө бизнесмендерди өз көзөмөлүнө алууга аракет жасаган топ бар экенин кабарлады.

Маалыматка караганда, кылмыштуу топ "салык" төлөөдөн баш тарткан ишкерлер менен коммерсанттарды эл жок жерге алып барып сабап коркутуп турушкан.

"Жалал-Абадда апрель айынын башында үч киши 29 жаштагы ишкерди күчкө салып машина менен алып кетишкен. Аны ээн жерге алып барып акча талап кылып сабашкан", — дешти ИИМден.
Задержанный по подозрению в членстве организованной преступной группировки в Джалал-Абадской области
© Фото / пресс-служба МВД
Шектүү

Факты боюнча Кылмыш-жаза кодексинин 266-беренеси ("Бейбаштык") менен сотко чейинки өндүрүш иши башталган. 16-апрель күнү Жалал-Абаддан 29 жаштагы шектүүлөрдүн бири кармалган. Ал кылмыштуу топтун мүчөсү катары ИИМдин каттоосунда турат. Милиция учурда шериктерин издеп жатат.

Белгилер:
кылмыш, милиция, Кыргызстан, Бишкек
Тема боюнча
Кара-Балтада аткыланган автоунаа. ИИМ жетекчилиги окуяны көзөмөлүнө алды
Улуу жазуучу Чыңгыз Айтматовдун жубайы Мария Айтматова

Чыңгыз Айтматовдун жубайы Мария Айтматова каза болду

(жаңыланган 16:25 20.04.2021)
Айрым маалыматтарга караганда, Мария Айтматова ооруканада көз жумган. Кошумча маалымат берилери айтылды.

БИШКЕК, 20-апр. — Sputnik. Бүгүн, 20-апрелде, улуу жазуучу Чыңгыз Айтматовдун жубайы Мария Айтматова каза болду. Кабарды Sputnik агенттигине жазуучунун уулу Эльдар Айтматов тастыктады.

Маркум быйыл июль айында 79 жашка чыкмак.

Айрым маалыматтарга караганда, Мария Айтматова ооруканада көз жумган.

Эскерте кетсек, Чыңгыз Айтматов экөөнүн Ширин жана Эльдар аттуу балдары бар.

Белгилер:
Мария Айтматова, оору, өлүм, Чыңгыз Айтматов
Тема боюнча
Журналист Майрамбек Тойгонбаев 33 жашында каза болду
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты