Жогорку Кеңештин депутаты Марат Аманкулов. Архивдик сүрөт

Иш козголгон Марат Аманкулов депутаттык мандатын тапшырат

(жаңыланган 11:03 01.04.2021)
УКМК депутаттын активдеринин жалпы орточо баасы 1,5 миллиард сомдон ашык экенин белгилеп, мыйзамсыз баюу беренеси менен иш козгогон.

БИШКЕК, 1-апр. — Sputnik. Мыйзамсыз баюуга шектелген Жогорку Кеңештин депутаты Марат Аманкулов мандатын тапшырат. Бул туурасында маселе Борбордук шайлоо комиссиясынын бүгүнкү жыйынында каралмакчы.

БШКнын маалымат кызматы Аманкулов өз ыктыяры менен мандатын тапшыруу үчүн арыз жазганын билдирди.

Белгилей кетсек, буга чейин депутатка УКМК тарабынан мыйзамсыз баюу фактысы боюнча кылмыш иши козголгон. Аманкуловдун активдеринин жалпы баасы 1,5 миллиард сомдон ашык экени айтылган. Ал мүлктөрүн жашыруу үчүн жакын туугандарына жана кирешеси расмий тастыкталбаган аффилирленген адамдарга каттаткан деп айыпталууда. Атап айтканда соода жана көңүл ачуу комплекси, Бишкек шаарынын жана Ысык-Көл облусунун аймагында жайгашкан 14 жер тилкеси, үч кеңсе жана төрт турак жай, беш батир, "Каприз" борборундагы коттедж, үч хан сарай жана жогорку өкүлдүк класстагы беш аткаруучу унаа.

Марат Аманкулов жыйынтыгы жокко чыгарылган былтыр күздөгү парламенттик шайлоого "Биримдик" партиясынын лидери болуп катышкан.

Белгилер:
тапшыруу, арыз, мандат, Марат Аманкулов, депутат, Жогорку Кеңеш
Тема боюнча
Жээнбековдун кудасы Абжалиевдин байлыгынын тизмеси жана сүрөттөрү
УКМК издөө жарыялаган Шералы Абдылдаев Жогорку Кеңешке депутат болуп келди
Сойул кармап турган адам. Архив

Жалал-Абадда бизнесмендерди сабап, коркуткан шектүүлөрдүн бири кармалды

(жаңыланган 17:29 20.04.2021)
Министрликтен билдиргендей, кылмышкерлер бизнесмендерди ээн талаага алып барып ур-токмокко алып турган.

БИШКЕК, 20-апр. — Sputnik. Милиция Кыргызстандын түштүгүндө бизнесмендерди өз көзөмөлүнө алууга аракет жасаган топ бар экенин кабарлады.

Маалыматка караганда, кылмыштуу топ "салык" төлөөдөн баш тарткан ишкерлер менен коммерсанттарды эл жок жерге алып барып сабап коркутуп турушкан.

"Жалал-Абадда апрель айынын башында үч киши 29 жаштагы ишкерди күчкө салып машина менен алып кетишкен. Аны ээн жерге алып барып акча талап кылып сабашкан", — дешти ИИМден.
Задержанный по подозрению в членстве организованной преступной группировки в Джалал-Абадской области
© Фото / пресс-служба МВД
Шектүү

Факты боюнча Кылмыш-жаза кодексинин 266-беренеси ("Бейбаштык") менен сотко чейинки өндүрүш иши башталган. 16-апрель күнү Жалал-Абаддан 29 жаштагы шектүүлөрдүн бири кармалган. Ал кылмыштуу топтун мүчөсү катары ИИМдин каттоосунда турат. Милиция учурда шериктерин издеп жатат.

Белгилер:
кылмыш, милиция, Кыргызстан, Бишкек
Тема боюнча
Кара-Балтада аткыланган автоунаа. ИИМ жетекчилиги окуяны көзөмөлүнө алды
Улуу жазуучу Чыңгыз Айтматовдун жубайы Мария Айтматова

Чыңгыз Айтматовдун жубайы Мария Айтматова каза болду

(жаңыланган 16:25 20.04.2021)
Айрым маалыматтарга караганда, Мария Айтматова ооруканада көз жумган. Кошумча маалымат берилери айтылды.

БИШКЕК, 20-апр. — Sputnik. Бүгүн, 20-апрелде, улуу жазуучу Чыңгыз Айтматовдун жубайы Мария Айтматова каза болду. Кабарды Sputnik агенттигине жазуучунун уулу Эльдар Айтматов тастыктады.

Маркум быйыл июль айында 79 жашка чыкмак.

Айрым маалыматтарга караганда, Мария Айтматова ооруканада көз жумган.

Эскерте кетсек, Чыңгыз Айтматов экөөнүн Ширин жана Эльдар аттуу балдары бар.

Белгилер:
Мария Айтматова, оору, өлүм, Чыңгыз Айтматов
Тема боюнча
Журналист Майрамбек Тойгонбаев 33 жашында каза болду
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты