Милиция кызматкери. Архив

Милиция кичинекей баланын 3-кабаттан кулаган окуясы боюнча иш козгоду

(жаңыланган 18:00 02.04.2021)
Милициянын алдын ала маалыматы боюнча, бала үйдө жалгыз болгон. Кырсыктаган бөбөктүн абалы туруктуу экени айтылууда.

БИШКЕК, 2-апр. — Sputnik. Бишкекте жаш баланын көп батирлүү үйдүн үчүнчү кабатынан кулап кеткен окуясы боюнча кылмыш иши козголду. Бул тууралуу Ленин райондук милициясынын маалымат кызматы билдирди.

Бүгүн, 2-апрелде, эртең мененки саат 10:42де көп батирлүү үйдүн терезесинен жаш бала кулап кеткени тууралуу милицияга маалымат түшкөн.

Бөбөккө медициналык жардам көрсөтүлүп, №3 клиникалык балдар ооруканасына жаткырылды. Милициянын маалыматына ылайык, кырсык болгон маалда ал батирде жалгыз болгон.

Дарыгерлердин айтымында, кырсыкка кабылган баланын эч жери сынган эмес. Учурда текшерүүдөн өтүп жатат. Абалы туруктуу экени айтылды. Медициналык тез жардам борбору буга чейин баланын баш мээси чайкалып, ичинен жаракат алганын айткан.

Бул факты боюнча Кылмыш кодексинин 150-беренеси ("Коркунучта калтыруу") боюнча кылмыш иши козголуп, тергөө жүрүп жатат.

Белгилер:
кылмыш иши, милиция, кырсык, бала, Бишкек
Тема боюнча
Бишкекте кичинекей бала үчүнчү кабаттан кулап кетти
Камактагы адам. Архив

Кайгуул милициясы кыз ала качкан шектүүнү кармады

(жаңыланган 17:33 16.04.2021)
Кечээ кечинде 102 телефонуна коңгуроо кагылып, шаардан кыз ала качылганы кабарланган. Кайгуул милициясы шектүүнү заматта колго түшүргөн.

БИШКЕК, 16-апр. — Sputnik. Милиция кызматкерлери Бишкекте кыз ала качкандарды кармашты. Бул тууралуу Кайгуул милициясынан кабарлашты.

Кечээ, 15-апрелде, саат 20:20лар чамасында 102 телефонуна коңгуроо болуп, шаардын Шопоков жана Токтогул көчөлөрүнүн кесилишинен кыз ала качышты деп кабарланган.

Кайгуул милициясынын кызматкерлери келген учурда белгисиз адамдар "Субару-Легаси" унаасына кызды күч менен салып, белгисиз тарапка кеткени аныкталган.

Чакыруу менен келген милиция дароо эле ыкчам иликтөө чараларын көрүп, натыйжада А.А. аттуу 26 жаштагы жаранды колго түшүргөн. Ал Бишкектин Свердлов райондук милициясына өткөрүлүп берилген.

Факт Кылмыш жана жоруктардын бирдиктүү реестрине катталып, сотко чейинки өндүрүшкө алынды.

Белгилер:
Кайгуул милициясы, шектүү, кылмыш, кыз ала качуу
Тема боюнча
Чүйдө жашы жете элек кызды ала качты деп үч жигит кармалды. Сүрөт
Айзада Канатбекованы уурдады делген шектүүлөр камакка алынды

Ошто айдоочуларды экзаменден "ийгиликтүү" өткөрүп тургандар кармалды. Видео

Унаа" мамлекеттик ишканасынын Ош шаарындагы жана Ош облусу боюнча жетекчилери айдоочулук күбөлүк үчүн экзамен алууда жемкорлукка барышкан деп кармалды. Бул тууралуу УКМК кабарлады.

Атайын кызмат коррупциялык схеманын бетин ачкан видеону жарыялаган.

Ага ылайык, "Унаа" мамлекеттик мекемесинин жооптуу кызматкерлери автомектептердин мугалимдери менен жең ичинен сүйлөшүп алып, тестирлөөнүн жыйынтыктарын бурмалашкан.

"Натыйжада айдоочулук мектептерде окуудан өтпөгөндөргө күбөлүк берилип жүргөн. Ошондой эле практикалык башкаруудан "ийгиликтүү" өткөрүп, биринчи экзаменде эле айдоочулук күбөлүк тапшырып турушкан. Бул үчүн кызматкерлер 5000 сом алып турган", — деп айтылат маалыматта.

Учурда "Унаа" ишканасынын башка бөлүмдөрүндө коррупциялык схемаларды аныктоо иштери жүрүп жатканы кошумчаланды.

Белгилер:
кармоо, коррупция, айдоочу күбөлүгү, УКМК, Ош
Тема боюнча
УКМК алты айда мамлекетке канча акча кайтарганын жарыялады
Кыргыз эл артисти, композитор Муратбек Бегалиев

Бегалиев: музыка талдоочулар бизде жокко эсе

(жаңыланган 23:04 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.

Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.

 

Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.

"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби  — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.

Ошондой эле композитор музыка көп убакытты талап кылган абдан татаал окуу экендигин кошумчалады.

Белгилер:
искусство, саясат таануучу, музыка, композитор, Муратбек Бегалиев
Тема боюнча
Рыспай Абдыкадыровдун тун кызы Алтынчач: атамдын каза болгонун теледен уккам