Столдогу судьянын балкасы. Архив

1000 сомдук телефон, гамбургердеги баңгизат, түрмө. Марттагы соттук чечимдер

(жаңыланган 13:55 05.04.2021)
Келинчеги менен кайненесин бычактаган зөөкүр, абактагы таанышына кол сунуп өзү камалып калган дос... Өткөн айда өлкө аймагындагы Фемида өкүлдөрү бир катар ишти карап өкүм чыгарды.

Sputnik Кыргызстан агенттиги ошол чуулуу кылмыш иштеринин айрымдарын чоо-жайы менен сунуштайт.

Погончон кылмышкер

Чүй облусундагы жаза аткаруу мекемелеринин биринде иштеп жүргөн 24 жаштагы жигит камакта жаткандар менен кызматташып жүрүп ИИМ кызматкерлеринин колуна түшкөн. Ал соттолгондор менен алдын ала сүйлөшүп алып, аларга баңгизат, спирт ичимдиктерин алып келип түрмөнүн тосмосунан ыргытып турган. Бир жолкусунда кармалып, погончондорго эки килограммга жакын баңгизат, 10 литр аракты өткөрүп берген. Сот аны 100 миң сом айып пул төлөмөр кылды.

Тажикстандын соттолгон 15 жараны

Үстүбүздөгү жылдын февраль айында Тажикстандын 15 жараны Баткен облусунун Лейлек районундагы Борбордук айылы чектешкен аймактан чек ара тилкесинен Кыргызстанга мыйзамсыз өтүп бара жатып чек арачылар тарабынан кармалган. Териштирүү маалында айыпталуучулардын бардыгы тең күнөөлөрүн мойнуна алган. Фемида өкүлдөрү алардын ар бирине 220 миң сомдон айып салды.

Аялын, кайненесин бычактап....

Кылмыш болгон күнү келинчеги менен таарынышып жүргөн 36 жаштагы эркек түндө мас болуп алып кайын журтуна барган. Ал жактан келинчеги жана кайненеси менен ураша кетип, аларга кол көтөрүп, экөөнү бир нече жолу бычак менен сайып жиберген. Катуу корккон келин көчөдөгүлөрдү жардам чакырган. Жакындарына бычак кезеп көчөдө качып бара жаткан эргулду кошуналары колго түшүрүп, милиционерлерге өткөрүп берген. Ал эми бычакталган эки аял ооруканага жеткирилген. Шектүү тергөө маалында келинчегинин ата-энесинин үйүнө адам өлтүрүү үчүн барбаганын, кокустук болуп кеткенин айткан. Эми эки баланын атасы алты жыл өмүрүн темир тор артында өткөрөт.

Кыргызстанга алып келинген жасалма акчалар

Коңшу Өзбекстандын жараны "Манас" эл аралык аэропортунда Улуттук коопсуздук мамлекеттик комитетинин кызматкерлеринин колуна түшкөн. Ал Түркиядагы таанышы менен Стамбул шаарында жасалма 39 миң АКШ долларын даярдап, Кыргызстандын аймагына жүгүртүү үчүн алып келе жатканда кылтакка илинген. Чекисттерге шейшепке катылган ири суммадагы акчаны таанышы тосуп алат деп салып жибергенин, өзү жашы жете элек эки баланы жалгыз өстүрүп жатканын айтып, соттон жеңил жаза берүүнү өтүнгөн. Жыйынтыгында ал 70 миң сом айып төлөп, камактан бошотулду.

Досуна баңгизат ташып...

Айыпталуучу Бишкектеги №1 тергөө абагында камакта жаткан досуна тамак-аш киргизгени барып погончондорго кармалган. Көтөрүп келген баштыктагы гамбургердин ичинен мекеменин кызматкерлери үч тоголок баңгизат таап чыккан. Териштирүү учурунда мыйзамсыз затка буюртма берген жигит бир кылмыш иши боюнча эки жылдан бери темир тор артында жаткандыгы белгилүү болгон. Ал кылмыш болгонго чейин досу менен байланышып, кара куурай алдыруу үчүн банктык картасына тааныштары аркылуу 6000 сом которткон. Шеригине кол сунган жаран эми сегиз жыл түрмөдө болуп, мамлекетке 60 миң сом төлөйт.

Арзыбаган акча, кыйылган өмүр

Бишкек шаарындагы унаа жуучу жайлардын биринде иштеген эки жигит жумуштан кийин кечинде Ботаникалык бакта арак ичип отуруп мушташа кетишкен. Анда шектүү кесиптешин өзгөчө мыкаачылык менен катуу сабап, үч жолу бөтөлкө менен башка чаап, жарым жан кылып жардам бербей таштап койгон. Андан соң канжалаган баланын чөнтөгүнөн 1000 сомдук уюлдук телефонун, 190 сомун алып кеткен. Таяк жеген эркек окуя болгон жерде көз жумган. Адам өмүрүн алган жаш зөөкүр 13 жыл өмүрүн темир тор артында өткөрөт.

Белгилер:
өкүм, шектүү, сот, кылмыш, Кыргызстан
Тема боюнча
УКМК: Марат Аманкулов 50 миллион сом төлөдү, аныкталгандан кийин дагы төгөт
Ош шаарында мугалимди атып өлтүргөн делип 63 жаштагы киши кармалды
Мурас-Ордодогу 13 жаштагы баланын өлүмүнө шектүү агасы эки айга камалды
Пригородное: аялдар айыл өкмөтүн басып алды

Пригородное: аялдар айыл өкмөтүн басып алып, өздөрүн өрттөйбүз деп коркутууда

(жаңыланган 11:16 15.04.2021)
Соцтармакка тараган кадрлардан айыл өкмөтүн басып алган аялдардын колунда бензин куюлган бөтөлкө жана газ баллону бар экенин көрүүгө болот.

БИШКЕК, 15-апр. — Sputnik. Чүйдүн Пригородное айылында аялдардын тобу айыл өкмөтүн басып алып, талаптарын коюп жатышат. Бул тууралуу Чүй ОИИБдин маалымат кызматы кабарлады.

Окуя болгон жерге Чүй облусунун жана Аламүдүн милициясынын жетекчилиги менен кызматкерлери жөнөп кетти.

"Учурда милиционерлер жергиликтүү бийлик менен аялдарга түшүндүрүү иштерин жүргүзүп жатат. Мындан тышкары, кызматкерлер коомдук тартипти сактоо боюнча бардык чараларды көрүүдө. Акциянын катышуучулары эмне талаптарды коюп жатканы азырынча белгисиз", — деп билдирди Чүй ОИИБ.

Анткен менен социалдык тармактарга тараган кадрлардан айыл өкмөтүн басып алган аялдардын колунда бензин куюлган бөтөлкө жана газ баллону бар экенин көрүүгө болот. Алар насыясын төлөй албаганы үчүн үйлөрүн алдырып жиберебиз деп нааразы болушууда. Жерине Чүй облусунун башчысы да барганы айтылды.

Белгилер:
өрт, насыя, нааразычылык, аялдар, Бишкек, Чүй облусу
Тема боюнча
"Караван" соода борборунда иштеген ижарачылар кайрадан митингге чыкты. Сүрөт
Шайлоо жыйынтыгы жокко чыксын! Өтпөй калган партиялар митинг өткөрүштү. Видео
Ош шаарында милициянын имаратында зомбулукка каршы митинг өттү. Сүрөт
Бишкектеги Башкы прокуратуранын имараты. Архив

Баткен: мамлекеттик 30 батир, жер тилкелери жеке тараптарга берилип кеткен

(жаңыланган 10:16 15.04.2021)
Мамлекеттик кызматкерлер мыйзамсыз келишимдерди түзүп, мүлктөрдү сатып жиберишкен. Кызмат абалынан кыянаттык менен пайдалануу беренеси боюнча кылмыш иши козголду.

БИШКЕК, 15-апр. — Sputnik. Баткендеги "Кадамжай-Коммунальщик" мамлекеттик-муниципалдык ишканасына тиешелүү 30 батир, 10 жана 15 сотыхты түзгөн эки жер тилкеси жеке жактарга берилгени аныкталды. Бул тууралуу Башкы прокуратуранын маалымат кызматы кабарлады.

Мүлктөр аталган ишкананын жана "Кадастр" мамлекеттик мекемесинин кызмат адамдары тарабынан сатылган.

"Тагыраагы, жогоруда кеп болгон мамлекеттик мекеме менен ишкананын жооптуу кызматкерлери мыйзам талаптарын бузуу аркылуу жогорудагы объектилерди сатуу боюнча укукка жат келишимдерди түзүшүп, кыймылсыз мүлктөрдү жеке тараптарга сатып жиберишкен", — деп жазылган билдирмеде.

Учурда Кадамжай райондук прокуратурасы тарабынан Баткен облустук административдик жана Кадамжай райондук сотторуна доо арыздары жазылган.

Андан сырткары, кызматкерлердин аракетине баа берүү үчүн Жазык кодексинин 320-беренеси менен ("Кызмат абалын кыянаттык менен пайдалануу") козголгон өндүрүш иши боюнча тергөө амалдары жүрүп жатат.

Борец греко-римского стиля Акжол Махмудов (до 77 кг) на азиатском квалификационном отборочном турнире в Алматы (Казахстан) во время борьбы с иранцем

Кыргызстан грек-рим күрөшүнөн Азияда командалык эсепте үчүнчү орунду ээледи

Азия чемпионатында улуттук курама команданын балбандары 10 салмакта күч сынашып, беш коло, үч күмүш байге утушкан.

БИШКЕК, 15-апр. — Sputnik. Грек-рим күрөшүнөн 2021-жылдагы Азия чемпионатында Кыргызстан жалпы командалык эсепте байгелүү үчүнчү орунду ээледи. Бул тууралуу Азия күрөш уюму өзүнүн Instagram баракчасына жазды. https://www.instagram.com/p/CNpmxEsFjY7/

Мелдеште улуттук курама команданын балбандары 10 салмакта күч сынашып, беш коло, үч күмүш байге утушкан.

Спорттук күрөштүн түрлөрү (грек-рим, эркин жана кыздар күрөшү) боюнча мелдеш ушул күндөрү (13-18-апрель) Казакстандын Алматы шаарында өтүп жатат. Кечээ, 14-апрелде, грек-рим түрү боюнча жарыш жыйынтыкталды. Ата мекендик спортчулар Руслан Царев (72 килограмм), Калидин Асикеев (82 килограмм) жана Атабек Азисбеков (87 килограмм) өз салмактарында экинчи орунду ээлеп, күмүш медаль тагынышты.

Ал эми Нурмухаммед Абдуллаев (55 килограмм) Амантур Исмаилов (67 килограмм), Кайрат Түгөлбаев (77 килограмм), Бексултан Махмудов (97 килограмм) жана Мурат Рамонов (130 килограмм) коло байге алышты.

Кыргызстан 138 упай топтоп, жалпы командалык эсепте үчүнчү орунга татыды. Экинчиге 141 упай менен Казакстан жетсе, Иран командасы 169 упай менен биринчи орунду ээледи.

Бүгүн кыз-келиндер күрөшү башталып, Айсулуу Тыныбекова, Мээрим Жуманазарова жана Айпери Медет кызы баш болгон спортчулар килемге чыгат.

Белгилер:
мелдеш, Азия чемпионаты, курама команда, Кыргызстан, грек-рим күрөшү