Сокулук районунун Күнтуу айылынын жака белинде өрттөнүп кеткен трал

Сокулукта 7 унаасы менен өрттөнгөн трал. Айдоочу кырсыктын чоо-жайын айтты

(жаңыланган 17:16 06.04.2021)
Күйүп кеткен тралдын үстүндө Honda Fit, Honda Stepwgn, Toyota Alphard жана Toyota Camry үлгүсүндөгү машиналар болгон.

БИШКЕК, 5-апр. — Sputnik. Сокулук районунун Күнтуу айылынын жака белинде өрттөнүп кеткен тралдын ээси болжол менен 65 миң доллар чыгымга учурады. Бул тууралуу аталган тралдын айдоочусу Белек Аттокуров Sputnik Кыргызстанга билдирди.

Белгилей кетсек, ишембиге караган түнү Россиядан жети автоунаа жүктөп келе жаткан трал толугу менен күйүп кеткен.

Посмотреть эту публикацию в Instagram

Публикация от Короче KG (@koroche_kg)

"Айдап баратсам асты жагы түтөп калды, түшүп карасам май агып жатыптыр. Көп күттүрбөй эле жалындап күйө баштады. Дароо машиналар жүктөлгөн чиркегичти ажыратып, кабинасын алды жакка айдайын десем ордунан жылбай койду. Анан автоунааларды түшүрүүгө аракет кылдым, бирок өрт заматта күч алып, баары күйүп кетти", — деди айдоочу.

Аттокуров бөлөсү Орозмамат Кудайбердиев экөө жакында эле чогулткан акчасына трал сатып алып иштей баштаган. Бул алардын экинчи рейси болгон.

"Бөлөм Россиянын Самара шаарынан бери жакшынакай эле айдап келген. Мен Кыргызстандын чек арасына келгенде тосуп алып, ал эс алууга кеткен. Түндө унаа токтотуучу жайга алып барып коюп, эртең менен машиналарды ээлерине берели дегенбиз. Бирок токтотмо жайга эки чакырым калганда ушундай кырсык болду. Трал сатып алып жатканда досторубузга дагы карыз болуп калдык эле. Өрттөнгөн унаалардын баасы 30 миң, тралдын чыгымы 35 миң долларды түздү. Эми элден жардам сураганга аргасыз болуудабыз", — деди айдоочу.

Күйүп кеткен тралдын үстүндө Honda Fit, Honda Stepwgn, Toyota Alphard жана Toyota Camry үлгүсүндөгү машиналар болгон.

Белгилер:
чыгым, кырсык, өрт, айдоочу
Тема боюнча
Сокулукта 7 автоунаа жүктөп бараткан трал күйүп кетти. Видео
Бишкектин көчөсүндө жолтандабас өрттөндү. Видео
Жол кырсыгынан жабыркаган унаа. Архив

Чүйдө төрт унаа кагышып, эки адам жабыркады. Кырсыктын видеосу

(жаңыланган 18:53 13.04.2021)
Жол кырсыгы Александровка айылында катталган. Жеринде ыкчам тергөө тобу иштеп жатат.

БИШКЕК, 13-апр. — Sputnik. Чүй облусунун трассасында төрт унаа кагышып, эки адам жабыркады. Бул тууралуу Чүй облустук жол кыймылы коопсуздугун камсыздоо башкармалыгынын (ЖКККБ) маалымат кызматы билдирди.

Кырсыктын видеосу "Короче" Тelegram-каналына жарыяланган. 

Каргаша Александровка айылында 15:00дөр чамасында болгон. Анда Honda Stepwgn, Ford Transit, Lexus LX470 жана Merceses-Benz үлгүсүндөгү микроавтобус кагышкан.

Натыйжада Ford үлгүсүндөгү унаанын эки жүргүнчүсү жабыркаган. Жеринде ыкчам тергөө тобу иштеп жатат.

Күбөлөрдүн айтымында, жол кырсыгынан улам Бишкекти көздөй кеткен жолдо унаа тыгыны жаралган.

Белгилер:
тыгын, унаа, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жол кырсыгынан 19-20 жаштагы үч бала көз жумду. Дагы үчөө ооруканада
Кишен. Архив

УКМК мамлекеттик чыккынчылыкка шектелген эки кыргызстандыкты кармады

(жаңыланган 18:21 13.04.2021)
Шектүүлөр тарабынан жасалган кылмыш тууралуу маалымат тергөө иштери аяктагандан кийин коомчулукка кененирээк берилмекчи.

БИШКЕК, 13-апр. — Sputnik. Бүгүн, 13-апрелде, мамлекетке чыккынчылык кылган деген шек менен М.К. жана М.Т. аттуу эки кыргызстандык жаран кармалды. Бул тууралуу УКМКдан билдиришти.

Маалыматка караганда, Кылмыш-жаза кодексинин 307-беренесинин 1-бөлүмү ("Мамлекеттик чыккынчылык кылуу") боюнча сотко чейинки өндүрүштүн алкагында кармалгандардын кылмыш жасоого катыштыгы бар экендиги жөнүндө далилдер алынган.

"Мыйзамга ылайык, мындай кылмыш жасагандар 10 жылга чейин эркинен ажыратылат", — деп айтылат маалыматта.

Шектүүлөр тарабынан жасалган кылмыш тууралуу маалымат тергөө иштери аяктагандан кийин коомчулукка кененирээк берилмекчи.

Белгилер:
чыккынчы, кылмыш, УКМК
Тема боюнча
Кыргызстанда кылмыш жасап изин сууткандар Москвадан табылды
Кыргызстандын желегине тизилген тыйындар. Архив

Өлкөнүн ички дүң продукциясы 9,4 пайызга төмөндөдү. Үч айлык статистика

Өндүрүштө, курулушта жана кызмат көрсөтүү чөйрөсүндө ишканалардын кыскарышы ИДПнын өсүү темпинин төмөндөшүн шарттаган.

БИШКЕК, 14-апр. — Sputnik. Кыргызстандын ички дүң продукциясы (ИДП) үстүбүздөгү жылдын январь-мартында 118,4 миллиард сомду түздү. Бул тууралуу Улуттук статистика комитети билдирди.

Көрсөтүлгөн сумма өткөн жылдын ушул мезгилине салыштырмалуу өлкө экономикасы 9,4 пайызга артка кеткенин айгинелейт. Ал эми Кумтөр кенин эсепке албаганда ИДПнын көлөмү 105,6 миллиард сом болуп 4,5 пайызга кыскарган.

Өндүрүштө, курулушта жана кызмат көрсөтүү чөйрөсүндө ишканалардын кыскарышы ИДПнын өсүү темпинин төмөндөшүн шарттаганы белгиленет. Бир гана айыл чарба тармагында 0,9 пайыз өсүү байкалган.

Ошону менен бирге жыл башынан берки үч айда өткөн жылдын декабрына салыштырмалуу өлкө боюнча элдик керектөөчү товарлардын баасы 3,2 пайызга кымбаттаганы айтылды.

Ал эми тышкы жана өз ара соода жүгүртүүнүн көлөмү 800 миллион долларды түзүп, 18,3 пайызга төмөндөгөн. Анын ичинен экспортко чыккан товарлар 25,5 пайызга, импорт 15 пайызга азайган.

Январь-февраль айында Кыргызстандын ички дүң продукциясы 8,9 пайызга төмөндөгөнү маалым болгон.

Белгилер:
төмөндөө, экономика, статистика, ички дүң продукциясы, Кыргызстан
Тема боюнча
Быйыл эки айда Кыргызстандан 74,5 млн. доллар чыгарылып кетти
Кыргызстандык мигранттар январь менен февралда канча акча которду