Киши долларларды санап жатат. Архив

"Ош" базарынан аялдын сумкасынан 10 миң доллар уурдады делген киши кармалды

(жаңыланган 16:21 06.04.2021)
Арыз жазган жабырлануучу 21-март күнү кызынын сумкасынан белгисиз кишилер ири суммадагы акчаны уурдап кеткенин айткан.

БИШКЕК, 6-апр. – Sputnik. "Ош" базарынан аялдын сумкасынан 10 миң долларын жана 50 миң рублин уурдоого шектелип 38 жаштагы А.Г. аттуу жаран кармалды. Бул тууралуу Ленин райондук милициясынан билдиришти.

Подозреваемый в совершении кражи денежных средств в размере 10 тысяч долларов США и 50 тысяч рублей на Ошском рынке в Бишкеке. 06 апреля 2021 года
© Фото / пресс-служба УВД Ленинского района г. Бишкек
"Ош" базарынан аялдын сумкасынан 10 миң долларын жана 50 миң рублин уурдоого шектелип 38 жаштагы А.Г. аттуу жаран кармалды

21-март күнү борбор калаанын жашоочусу милицияга арыз жазып кайрылган. Ал ошол эле күнү түшкү саат 13:40тар чамасында Киев менен Кулиев көчөлөрүнүн кесилишкен жеринде белгисиз адамдар кызынын сумкасынан 10 миң доллар жана 50 миң рублди уурдап кеткендигин билдирген.

Факты Кылмыш жана жоруктардын бирдиктүү реестрине Кылмыш-жаза кодексинин 200-беренеси ("Уурулук") боюнча каттоого алынган.

Издөө иш-чараларынын негизинде шектүү катары 38 жаштагы А.Г. кармалып, Бишкек ШИИББдин убактылуу кармоочу жайына киргизилген.

Милициядан учурда тергөө иштери жүрүп жатканын кабарлашты.

Белгилер:
уурулук, кылмыш, милиция, Бишкек
Тема боюнча
Бишкекте өзүнөн үч жаш улуу кызды ала качкан жигит кармалды
Чүйдө асфальт төшөөчү тракторду уурдап кетишти. Шектүүлөр кармалды
Милиционердин атын жамынып ишкерди коркуткандар кармалды. Сүрөт
Акча санап жаткан аял. Архив

Күйөөсүнүн 5000 долларын коротуп, өзүнө кол салуу уюштурган аял кармалды

(жаңыланган 18:08 22.04.2021)
Милиция буга чейин каракчылык фактысы боюнча кылмыш ишин козгогон, бирок тергөө учурунда кылмыш болбогону аныкталган.

БИШКЕК, 22-апр. — Sputnik. Кыргызстандык аял жолдошу жиберген беш миң долларды коротуп салганы үчүн коркуп, өзүнө кол салуу уюштурган. Бул тууралуу Чүй облустук ИИББден билдиришти.

2020-жылдын 29-декабрында 42 жаштагы Э.Г. аттуу аялдан арыз түшкөн. Анын айтымында, үйүнө бет кап кийген белгисиз эки киши кирип келип сабап, беш миң долларын алып кеткен.

Факты боюнча кылмыш иши козголгон. Тергөө учурунда аял мындай сценарийди мурдагы жолдошу менен ишке ашырганы аныкталган. Тартип сакчылар 42 жаштагы Э.Г. менен 39 жаштагы С.О. деген шектүүлөрдү милициянын бөлүмүнө жеткиргенден кийин алар күнөөсүн мойнуна алышкан.

"Аял жолдошу чет өлкөдөн жиберген акчасын коротуп салгандыктан коркуп ушундай кадамга барганы белгилүү болду", — дешти милициядан.

Учурда тергөө амалдары уланып жатат.

Белгилер:
кылмыш, аял, милиция, Чүй облусу, Кыргызстан
Тема боюнча
Ысык-Атада уурдалды деп милицияны түп көтөрткөн бала досунун үйүнөн табылды
Алай районунда болгон жол кырсыгы

Алайда 6 киши менен бараткан унаа оодарылып, айдоочу мүрт кетти. Сүрөт

(жаңыланган 17:57 22.04.2021)
Кырсык 19-апрель күнү саат 17:00дөр чамасында Алай районунун Гүлчө айыл аймагындагы Чыйырчык ашуусунда болгон.

БИШКЕК, 22-апр. — Sputnik. Алай районунда Honda Stepwagon үлгүсүндөгү автоунаа кырсыкка учурап, 36 жаштагы айдоочу окуя болгон жерде каза болгон. Маалыматты Ош облустук жол кыймылы коопсуздугун камсыздоо башкармалыгынын өкүлү Алтынбек Теңизбаев тастыктады.

Анын айтымында, кырсык 19-апрель күнү саат 17:00дөр чамасында Ош — Сары-Таш — Эркеч-Там жолунун 62-чакырымында, тактап айтканда, Алай районунун Гүлчө айыл аймагындагы Чыйырчык ашуусунда болгон.

Алай районунун 36 жаштагы тургуну Honda Stepwagon үлгүсүндөгү унаасы менен батыштан чыгышты карай бара жатып рулду башкара албай, жолдун четиндеги тосмону сүзүп, машина оодарылып кеткен.

Анын кесепетинен автоунаанын ичинде жүргүнчү катары бара жаткан Алай районунун 24, 25, 41, 54, 61 жаштагы жашоочулары жана Ош шаарынын 37 жаштагы тургуну ар кандай жарааттарды алып, райондук ооруканага жеткирилген. Ал эми айдоочу Ш.Д. алган жараатынан улам окуя болгон жерде каза болгон.

Кырсык боюнча тийиштүү экспертизалар дайындалып, учурда тергөө иштери жүргүзүлүп жатат.

Белгилер:
Алай району, өлүм, айдоочу, жол кырсык, Ош
Тема:
2021-жылдын башынан бери Кыргызстанда болгон жол кырсыктар
Тема боюнча
Ош — Баткен жолунда жеңил автоунаа оодарылып кетти. Видео
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар