Бычак кармап турган адам. Иллюстративдүү сүрөт

Кара-Сууда кайнатасын өлтүрүп, кайненесин жарадар кылган шектүү кармалды. Сүрөт

(жаңыланган 16:02 08.04.2021)
Шектүү балдарын көргөнү барганда кайнатасы үйгө киргизбей, экөө уруша кеткен. Аларды ажыратам деген кайненеси да эки ирет бычак жеген.

БИШКЕК, 8-апр. — Sputnik. Оштун Кара-Суу районунун Нариман айыл өкмөтүндө кайнатасын өлтүрүүгө шектүү киши кармалды. Бул тууралуу облустук милициянын маалымат кызматы кабарлады.

Подозреваемый в убийстве мужчины в селе Нариман Кара-Суйского района Ошской области
© Фото / пресс-служба УВД Ошской области
Шектүү

Окуя 6-апрелде саат 23:20лар чамасында болгон. Анда ВЛКСМ аймагына 30 жаштагы киши балдарын көргөнү барганда кайнатасы үйгө киргизбей, экөө уруша кеткен.

"Кылмышка шектүү өзү ала келген ашкана бычагы менен кайнатасын далыга, көкүрөгүнө, сол колуна, моюнуна, ичине сайган. Ал 7-апрель күнү таңга маал ооруканадан көз жумду. Аларды ажыратам деген кайненеси да эки ирет бычак жеген, ал ооруканада", — деп айтылат маалыматта.

Факты боюнча Жазык кодексинин "Адам өлтүрүү" беренеси менен кылмыш иши козголуп, шектүү камакка алынган. Бир катар экспертизалар дайындалып, тергөө амалдары жүрүүдө.

Каза болгон киши 44 жашта болгон, артында үч баласы калды. 30 жаштагы шектүү эки баланын атасы.

Белгилер:
күйөө бала, кайната, Кара-Суу району, Ош
Тема боюнча
Ош шаарында мугалимди атып өлтүргөн делип 63 жаштагы киши кармалды
Камактагы адам. Архив

Кайгуул милициясы кыз ала качкан шектүүнү кармады

(жаңыланган 17:33 16.04.2021)
Кечээ кечинде 102 телефонуна коңгуроо кагылып, шаардан кыз ала качылганы кабарланган. Кайгуул милициясы шектүүнү заматта колго түшүргөн.

БИШКЕК, 16-апр. — Sputnik. Милиция кызматкерлери Бишкекте кыз ала качкандарды кармашты. Бул тууралуу Кайгуул милициясынан кабарлашты.

Кечээ, 15-апрелде, саат 20:20лар чамасында 102 телефонуна коңгуроо болуп, шаардын Шопоков жана Токтогул көчөлөрүнүн кесилишинен кыз ала качышты деп кабарланган.

Кайгуул милициясынын кызматкерлери келген учурда белгисиз адамдар "Субару-Легаси" унаасына кызды күч менен салып, белгисиз тарапка кеткени аныкталган.

Чакыруу менен келген милиция дароо эле ыкчам иликтөө чараларын көрүп, натыйжада А.А. аттуу 26 жаштагы жаранды колго түшүргөн. Ал Бишкектин Свердлов райондук милициясына өткөрүлүп берилген.

Факт Кылмыш жана жоруктардын бирдиктүү реестрине катталып, сотко чейинки өндүрүшкө алынды.

Белгилер:
Кайгуул милициясы, шектүү, кылмыш, кыз ала качуу
Тема боюнча
Чүйдө жашы жете элек кызды ала качты деп үч жигит кармалды. Сүрөт
Айзада Канатбекованы уурдады делген шектүүлөр камакка алынды

Ошто айдоочуларды экзаменден "ийгиликтүү" өткөрүп тургандар кармалды. Видео

Унаа" мамлекеттик ишканасынын Ош шаарындагы жана Ош облусу боюнча жетекчилери айдоочулук күбөлүк үчүн экзамен алууда жемкорлукка барышкан деп кармалды. Бул тууралуу УКМК кабарлады.

Атайын кызмат коррупциялык схеманын бетин ачкан видеону жарыялаган.

Ага ылайык, "Унаа" мамлекеттик мекемесинин жооптуу кызматкерлери автомектептердин мугалимдери менен жең ичинен сүйлөшүп алып, тестирлөөнүн жыйынтыктарын бурмалашкан.

"Натыйжада айдоочулук мектептерде окуудан өтпөгөндөргө күбөлүк берилип жүргөн. Ошондой эле практикалык башкаруудан "ийгиликтүү" өткөрүп, биринчи экзаменде эле айдоочулук күбөлүк тапшырып турушкан. Бул үчүн кызматкерлер 5000 сом алып турган", — деп айтылат маалыматта.

Учурда "Унаа" ишканасынын башка бөлүмдөрүндө коррупциялык схемаларды аныктоо иштери жүрүп жатканы кошумчаланды.

Белгилер:
кармоо, коррупция, айдоочу күбөлүгү, УКМК, Ош
Тема боюнча
УКМК алты айда мамлекетке канча акча кайтарганын жарыялады
Кыз Ысык-Көл тамырын бөтөлкөсүн сүрөткө тартып жатат

Акониттин кайнатмасы мамлекеттик резиденцияда жасалат. Видео

(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.

БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.

"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.

Алар кайнатма чөп кустардык ыкма менен куюлбай турганын белгилешти.

Посмотреть эту публикацию в Instagram

Публикация от Садыр Жапаров (@sadyr_japarov)

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Бүгүн саламаттык сактоо министри суюктук жөнүндө айтып, аны түз эфирден ичти.

"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

Белгилер:
Ысык-Көл тамыры, уу коргошун, дары, коронавирус, чөп
Тема:
Уу коргошун чуусу
Тема боюнча
Уу коргошун коронавирусту сакайта алабы. Россиялык адистин пикири
Бишкекте киши уу коргошунга ууландыбы? Дарыгерлердин жообу
Барыктабасова: "Ысык-Көл тамыры" элдин саламаттыгын коркунучка кептейт