Коронавирустан каза болгон адамдын сөөгүн өлүкканага алып келүү. Архивдик сүрөт

208 кишиге жугуп, үч адам каза болду. COVID-19 боюнча бүгүнкү статистика

167
(жаңыланган 12:32 10.04.2021)
Статистикага пневмония жуктургандар да киргизилген. Илдетке кабылгандардын көпчүлүгү Бишкек менен Чүйдө.

БИШКЕК, 10-апр. — Sputnik. Кыргызстанда бир сутка ичинде COVID-19 илдетине кабылгандардын саны 208ге жетти. Бул тууралуу Республикалык штабдан кабарлашты.

Оорулуулар аныкталган аймактар:

  • Бишкек — 128;
  • Чүй облусу — 66;
  • Ысык-Көл облусу — 8;
  • Ош облусу — 2;
  • Нарын облусу — 2.
  • Баткен облусу — 1;
  • Ош шаары — 1.

Талас жана Жалал-Абад облустарында илдетке кабылгандардын жаңы учуру катталган эмес.

Акыркы сутка ичинде үч адам оорудан көз жумду. Анын экөө Бишкек шаарынан, үчүнчүсү Чүй облусунан. Пандемия башталгандан бери өлкөдө каза болгон жарандардын саны 1 519га жетти.

Илдеттен 105 киши сакайды:

  • Бишкек — 55;
  • Чүй облусу — 40;
  • Ысык-Көл облусу — 7;
  • Ош облусу — 2;
  • Нарын облусу — 1.

Ош, Талас, Жалал-Абад жана Баткен облустарында сутка ичинде сакайып чыккандар катталган жок.

Расмий маалымат боюнча, 2020-жылдын март айынан бери өлкөдө 85 824 адам коронавирус инфекциясы менен ооруган.

Соңку суткада 5 563 ПЦР-иликтөө жүргүзүлгөн. 833 бейтап стационардык, ал эми 880 киши амбулатордук түрдө дарыланууда.

167
Белгилер:
Кыргызстан, статистика, жуктуруу, коронавирус
Тема:
Кыргызстандагы коронавирус жуктуруп алгандар (1621)
Тема боюнча
Коронавирус 151 кишиден аныкталып, көз жумгандар болгон жок. Акыркы статистика
Тез жардам кызматы. Архив

ТИМ: Петербургда 5-кабаттан кулаган кыргызстандык кыздын абалы оор

24
(жаңыланган 13:12 14.05.2021)
Кырсыктаган кызды оор абалда Санкт-Петербургдагы клиниканын кайра жандандыруу бөлүмүнө жеткиришкен.

БИШКЕК, 14-май — Sputnik. Санкт-Петербургда бешинчи кабаттан капыстан кулап кетип ооруканада жаткан кыргызстандык 11 жаштагы кыздын абалы оор, жакында операция жасалат. Бул туурасында ТИМдин маалымат кызматы кабарлады.

"Ар кыл жеринен жаракат алган кызды дароо Санкт-Петербургдагы Раухфус атындагы балдардын шаардык ооруканасынын кайра жандандыруу бөлүмүнө оор абалда жеткиришкен. Жакында анын жабыркаган органдарына операция жасоо пландалууда, мунун натыйжасына жасалма дем алдыруучу аппараттан ажыратылып, өз алдынча дем ала баштайт", — деп айтылган маалыматта.

Бул маселе Кыргызстандын Россиядагы элчилигинин Санкт-Петербургдагы канцеляриясынын көзөмөлүндө экендигин билдиришкен.

24
Белгилер:
кыз, операция, Санкт-Петербург
Тема боюнча
Милиция кичинекей баланын 3-кабаттан кулаган окуясы боюнча иш козгоду
Нарын облусу. Архив

Нарындын айылдарында жана Кытай менен чектешкен аймакта жер титиреди

29
(жаңыланган 10:56 14.05.2021)
Алдын ала берилген маалыматтарда жердин термелешинен айылдарда жабыркагандар жана кыйроолор катталген эмес.

БИШКЕК, 14-май — Sputnik. Кечээ, 13-майда, Кыргызстан менен Кытай чектешкен жерде күчү очогунда 4 баллга жеткен жер титирөө катталып, Нарын облусунун бир нече айылында сезилди. Бул туурасында ӨКМдин маалымат кызматынан кабарлашты.

"Жер титирөө саат 14:37де Нарын облусунун Ат-Башы районунда 4 балл, Торугарт айылында 3 баллга чейин сезилген", — деп айтылат маалыматта.

Өзгөчө кырдаалдар министрлиги алдын ала маалыматтарга таянып, жер титирөөдөн жабыркагандар жана кыйроолор катталбагандыгын билдирди.

29
Белгилер:
жер титирөө, Нарын облусу, Кыргызстан
Тема боюнча
Кыргызстанда катуу жер титирөө болобу? Адистин жообу
Токтогул суу сактагычы. Архив

Токтогул суу сактагычындагы суунун деңгээли көтөрүлүүдө

0
(жаңыланган 13:26 14.05.2021)
Быйыл суу сактагычтагы суу кескин азайып кеткендиктен жээкке адамдардын сөөктөрү чыгып, суу алдында калган курулуштардын калдыктары көрүнүп калган.

БИШКЕК, 14-май — Sputnik. Токтогул суу сактагычындагы суунун көлөмү 14-майга карата 9 миллиард 605 миллион куб метрди түздү. Бул тууралуу "Электр станциялары" ишканасы кабарлады.

Ишкананын расмий сайтындагы маалыматка ылайык, учурда суу сактагычка секундасына 1 085 куб метр суу агып кирүүдө. Ал эми агып чыккан суунун көлөмү 251 куб метрди түзөт.

Быйыл Токтогул суу сактагычындагы суунун деңгээли кескин төмөндөп кеткендиктен жээкке адамдардын сөөктөрү чыгып, суу алдында калган курулуштардын калдыктары көрүнүп калган.

Жакында эле Sputnik Кыргызстандын кабарчысы Токтогул суу сактагычына барып, объектинин азыркы абалын жеринен видеого тартып келген.

Суу сактагычка 19,5 миллиард куб метр суу батат. Минималдуу деңгээл 5,5 миллиарддга чейин болушу керек.

0
Белгилер:
суу сактагычы, Токтогул ГЭСи, деңгээл, суу, электр энергиясы
Тема боюнча
Кыргызстан Орто Азияны климаттык апааттан сактап кала алат. Суу тууралуу маек
Астапаев: электр энергия өндүргөн сүзүп жүрүүчү станциялар курулат