Бычак кармаган адам. Архив

Бишкекте кызга бычак урду деген шектүү кармалды

102
(жаңыланган 09:46 11.04.2021)
Жабыркаган кыздын айтымында, Сухэ-Батор көчөсүндө түнкү саат 12ден өтүп калганда белгисиз адам анын оң ийини менен билегине бычак урган.

БИШКЕК, 11-апр.— Sputnik. Ордо калаада кызга бычак урду деген шектүү кармалды. Бул тууралуу Бишкек ШИИБдин маалымат кызматы кабарлады.

  • Задержан 44-летний подозреваемый в нападении с ножом на девушку в Бишкеке. 11 апреля 2021 года
    Ордо калаада кызга бычак урду деген шектүү кармалды
    © Фото / пресс-служба ГУВД Бишкека
  • Нож 44-летнего подозреваемого в нападении на девушку в Бишкеке. 11 апреля 2021 года
    Учурда ээнбаштык фактысы боюнча иш жүрүп жатат.
    © Фото / пресс-служба ГУВД Бишкека
1 / 2
© Фото / пресс-служба ГУВД Бишкека
Ордо калаада кызга бычак урду деген шектүү кармалды

Ага ылайык, жабыркаган кыздын арызы милицияга ишембиге караган түнү түшкөн. Азырынча анын жашы тактала элек. Кыздын айтымында, Сухэ-Батор көчөсүндө түнкү саат 12ден өтүп калганда белгисиз адам анын оң ийини менен билегине бычак урган. Шектүү окуя болгон жерден из жашырып кеткен, бирок анын бычагы табылган.

Аталган кылмышка шектүү делип 44 жаштагы Д.Ш. аттуу адам кармалган. Учурда ээнбаштык фактысы боюнча иш жүрүп жатканы кошумчаланды.

102
Белгилер:
милиция, бычак, шектүү, кыз, Бишкек
Тема боюнча
Бишкек: "Кудайберген" базарындагы мушташта киши көз жумду. Видео
ӨКМ кызматкери Жалал-Абад облусунун Чаткал дарыясында издөө учурунда

Агасы менен отунга бараткан. Чаткалда 6 жаштагы бала дарыяга агып кетти

105
Издөө иштерине 12 куткаруучу, 10 милиция кызматкери, 20 жергиликтүү тургун, жалпы 42 адам тартылган.

БИШКЕК, 8-май — Sputnik. Жалал-Абад облусунун Чаткал районуна караштуу Каныш-Кыя айыл аймагындагы Чаткал дарыясына алты жаштагы бала агып кетти. Бул тууралуу Өзгөчө кырдаалдар министрлиги билдирди.

  • Сотрудник МЧС КР во время поисков утонувшего в Джалал-Абадской области
    Жалал-Абад облусунун Чаткал районуна караштуу Каныш-Кыя айыл аймагындагы Чаткал дарыясына алты жаштагы бала агып кетти
    © Фото / пресс-служба МЧС КР
  • Сотрудник МЧС КР во время поисков утонувшего в Джалал-Абадской области
    Маалыматка караганда, дарыя тарапка бир тууган агасы экөө отун алуу үчүн барышкан
    © Фото / пресс-служба МЧС КР
  • Сотрудники МЧС КР во время поисков утонувшего в Джалал-Абадской области
    Саат 11:20лар чамасында издөө иштерине Чаткал райондук өрт куткаруу бөлүгүнүн башчысынын жетекчилиги алдында 12 куткаруучу, 10 милиция кызматкери, 20 жергиликтүү тургун, жалпы 42 адам тартылган
    © Фото / пресс-служба МЧС КР
1 / 3
© Фото / пресс-служба МЧС КР
Жалал-Абад облусунун Чаткал районуна караштуу Каныш-Кыя айыл аймагындагы Чаткал дарыясына алты жаштагы бала агып кетти

Маалыматка караганда, дарыя тарапка бир тууган агасы экөө отун алуу үчүн барышкан. Саат 11:20лар чамасында издөө иштерине Чаткал райондук өрт куткаруу бөлүгүнүн башчысынын жетекчилиги алдында 12 куткаруучу, 10 милиция кызматкери, 20 жергиликтүү тургун, жалпы 42 адам тартылган.

Учурда издөө уланууда, кошумча маалымат берилет.

105
Белгилер:
куткаруу, дарыя, Чаткал, издөө, бала
Тема боюнча
Баткенде дамба жырылып, 1500 адам эвакуацияланды. Сүрөт
Таласта үч жашар баласын суудан куткарам деп апасы да чөгүп кетти
Кармалган кишенчен киши. Архив

Үйүмдү оңдоп, эмерек алып бер. Бишкек прокуратурасынын бөлүм башчысы кармалды

212
(жаңыланган 13:10 08.05.2021)
Шектүү ушул жылдын 7-майында козголгон кылмыш ишинин алкагында кармалып, УКМКнын тергөө камак жайына киргизилген.

БИШКЕК, 8-май — Sputnik. Ири өлчөмдө пара алды деп шектелип Бишкек шаардык прокуратурасынын тергөө ишин көзөмөлдөө бөлүмүнүн башчысы кармалды. Бул тууралуу УКМКнын маалымат кызматы кабарлады.

"Ал 2020-жылдын декабрында жер казынасын пайдалануу укугуна берилген лицензиянын жокко чыгарылышына жол бербөөгө убада берип, 20 миң доллар өлчөмүндө пара алган. Мындан тышкары, аталган кызматкер өзүнүн кызматтык абалынан пайдаланып, арыз ээсинен батирин оңдоп берүүнү, 450 миң сомдон ашуун суммага эмерек жана тиричилик техника дагы талап кылган", — деп айтылат УКМКнын билдирүүсүндө.

Ушул жылдын 7-майында козголгон кылмыш ишинин алкагында кылмышка шектүү кармалып, УКМКнын тергөө камак жайына киргизилген. Тергөө жүрүп жатат.

212
Белгилер:
пара, кызматкер, прокуратура, УКМК, Бишкек
Тема боюнча
Бишкекте 14 кабаттуу үйдү салууга уруксат мыйзамсыз берилгени аныкталды
Аламүдүндө пара алган тергөөчү акчаны кайра кайтарып жатканда кармалды
РФ президенти Владимир Путин Тажикстандын президенти Эмомали Рахмон менен жолугушу

Путин менен Рахмон Москвада жолукту

0
(жаңыланган 23:46 08.05.2021)
Тараптар эки өлкөнүн ортосундагы кызматташуу жана жалпы аймактагы коопсуздук маселелерин талкуулашкан.

БИШКЕК, 8-май — Sputnik. РФ президенти Владимир Путин Россия Тажикстанга Афганистан менен чектеш экенин эске алып ар тараптан колдоо көрсөтүүгө даяр экенин билдиргенин РИА Новости жазды.

Бүгүн Россия өлкө башчысы Тажикстандын президенти Эмомали Рахмон менен жолугушту.

"Афганистанда болуп жаткан окуялардан улам аймактагы коопсуздук маселеси курч турат. Тажикстандын Афганистан менен болгон чек арасы узун. Кырдаал сиздин тынчыңызды алып жатканын түшүнөм, негиздүү. Окуя кандай нукта өнүгөрү тууралуу сиздин пикириңиз кызык. Биз өз кезегинде колдоо көрсөтүүгө болгон аракетибизди жумшап жатабыз", — деди Путин.

Ал Тажикстанда Россия Куралдуу күчтөрүнүн 201-базасы жайгашканын, өлкө анын кубаттуулугун арттыруу боюнча иштерди жасап жатканын айтып өттү.

Сөз кезеги келгенде Рахмон Афганистандагы абалга катуу тынчсызданып жатканын белгиледи.

"АКШ Афганистандан аскерин алып чыгарын эске алып коопсуздук маселелерин талкуулоо зарыл. Бул билдирүүдөн кийин өлкөдө кырдаал курчуп кетти", — деди Рахмон.

Президент Тажикстан менен Афганистандын чек арасы 1 300 чакырымдан көп экенин, башкача айтканда, жалпы чек ара тилкесинин 60 пайызын түзөрүн белгилеп өттү. Муну менен бирге Россия менен бардык тармак боюнча, анын ичинде коопсуздук маселеси дагы бар, байланыш бекемделип жатканын кошумчалады.

Андан сырткары, Тажикстандын жетекчиси ЖККУ менен ШКУ уюмдарында төрагалык кылчу мамлекет катары саммиттерге даярдык өз деңгээлинде жүрүп жатканына токтолду.

Жолугушууда Улуу Ата Мекендик согуштун мааниси тууралуу да сөз болуп, тараптар бири-бирин Улуу Жеңиштин 76 жылдыгы менен куттукташты.

0
Белгилер:
чек ара, Афганистан, саммит, Тажикстан, Россия, Эмомали Рахмон, Владимир Путин
Тема боюнча
Путин Жапаровду жана кыргызстандыктарды Жеңиш майрамы менен куттуктады