Ошто каракчылык кылып качып бараткан кишилер жол кырсыкка түштү

Ошто каракчылык кылды деген үч киши качып баратканда кырсыктап көз жумду

259
(жаңыланган 12:46 11.04.2021)
Милиционерлер шектүүлөр качып бара жаткан унааны токтотуу аракетин көргөн. Бирок алар талаптарга баш ийбей каршы тилкеге чыкканда жүк ташуучу унаа менен кагылышкан.

БИШКЕК, 11-апр. — Sputnik. Ош шаарында каракчылык кылып качып бара жаткан үч шектүү жол кырсыгынан каза болду. Бул тууралуу маалыматты шаардык милиция тастыктады.

В Оше трое подозреваемых в разбое погибли в ДТП, скрываясь от погони на машине марки Жигули
© Фото / Зульфия Тургунова
Ош шаарында каракчылык кылып качып бара жаткан үч шектүү жол кырсыгынан каза болду

Укук коргоо органдарына билдирүү бүгүн, 11-апрель күнү, саат 01:50дө түшкөн. Анда Ош — Ноокат жолунда, Жапалак айылынын аймагында ВАЗ-2106 үлгүсүндөгү жеӊил автоунаа менен DAF XF 95 430 үлгүсүндөгү жүк ташуучу унаа кагылышып, анын кесепетинен биринчи машинадагы үч киши көз жумганы айтылган.

Каза болгондор 56 жаштагы эркек киши (унаасынын ээси), 40 жаштагы аял жана 40 жаштагы дагы бир эркек киши экени аныкталган. Экөө окуя болгон жерден, бирөөсү ооруканадан көз жумган.

Сотко чейинки өндүрүштүн алкагында шаардык милициянын Кайгуул-күзөт бөлүмүнүн кызматкерлери ВАЗ-2106 автокөлүгүн токтотуу максатында үн күчөтүүчү жабдыктар менен жарыктандыруучу маякты жандырып артынан барышканы аныкталган. Бирок алар талаптарга баш ийбестен каршы тилкеге чыкканда кагылышуу болгону айтылат.

"Бул иш боюнча милиция кызматкерлери суралып, алар унаадагылар каракчылыкка шектелгени үчүн кармоого аракет кылганын айтышкан. Кызматкерлердин билдиришинче, 10-апрель күнү кечинде шаар тургунунун үйүнүн эшигин бузуп киришип, аны дубинка менен ур-токмокко алып, акчаларын карактап кеткендиги тууралуу ыкчам маалымат түшкөн. Анын негизинде кайгуул кызматкерлери жабырлануучулар менен чогуу шектүүнү табууга аракет кылышкан. Жолдон алар ВАЗ-2106 унаасы менен бара жатканын көрүшүп, токтотууга аракет жасашкан", — деп айтылат маалыматта.

Учурда арыз жазган кишинин денесиндеги жаракаттардын оордугун жана каза болгондордун өлүмүнүн себептерин аныктоо максатында соттук-медициналык экспертиза дайындалды. Ошондой эле жол кырсыгына күнөөлүү айдоочуну аныктоо үчүн соттук-автотехникалык экспертиза жүрүүдө.

259
Белгилер:
Ош, каракчылык, өлүм, шектүү, жол кырсык, милиция
Тема боюнча
Айзада Канатбекованы уурдады делген шектүүлөр камакка алынды
Бишкекте кызга бычак урду деген шектүү кармалды
Бишкекте 14 жаштагы дагы бир өспүрүм кыз жоголду. Сүрөт
Афганистандын Кандагар шаарындагы жагылуу болгон мечит

ЖМК: Афганистандын Кандагар шаарында мечит жардырылып, 63 адам көз жумду

50
Маалыматтарга караганда, терактыны үч жан кечти жасаган. Дагы бирөө имараттын жанынан ок чыгарган.

БИШКЕК, 16-окт. — Sputnik. Афганистандын Кандагар шаарында мечит жардырылып, каза болгондордун саны 63кө жетти. Бул тууралуу РИА Новости жергиликтүү ооруканадагы ишенимдүү булактарга таянып кабарлады.

Билдирмеге караганда, 83 адам ар кандай жаракат алган. Жардыруу жакында эле күндүз болгону айтылды. Ишенимдүү булактын айтымында, терактыны үч жан кечти жасаган. Дагы бирөө имараттын жанынан ок чыгарган.

ЖМКлардын жазганына караганда, бул терактынын жоопкерчилигин "Ислам мамлекети" террордук кыймылы мойнуна алган.

50
Белгилер:
Афганистан, мечит, жардыруу, өлүм
Тема боюнча
Кабулда мечитти жардырды деген ИМ* террорчулары жок кылынды
Балык. Архив

Чек арачылар үч күн бою Баткенде мыйзамсыз жүк ташыгандарды кармады

209
Тиешелүү документтер толтурулган соң кармалгандар менен жүктөр Кыргызстандын компетенттүү органдарына өткөрүп берилди.

БИШКЕК, 16-окт. — Sputnik. УКМКга караштуу Чек ара кызматынын Баткен облусу боюнча башкармалыгы чек арадан аткезчилик жолу менен жүк алып өтүү аракети болгон бир нече окуяны каттоого алды. Бул тууралуу ведомствонун маалымат кызматынан бидиришти.

  • В Баткенской области пресечены несколько попыток незаконного провоза контрабандных грузов через границу
    УКМКга караштуу Чек ара кызматынын Баткен облусу боюнча башкармалыгы чек арадан аткезчилик жолу менен жүк алып өтүү аракети болгон бир нече окуяны каттоого алды
    © Фото / пресс-служба пограничной службы ГКНБ КР
  • В Баткенской области пресечены несколько попыток незаконного провоза контрабандных грузов через границу
    15-октябрь күнү Лейлек чек ара отрядынын кызматкерлери Mercedes Benz Sprinter автоунаасынын айдоочусун колго түшүрдү. 28 жаштагы кыргызстандык Тажикстанга 250 коробка шампунь алып өтүүгө аракет кылган.
    © Фото / пресс-служба пограничной службы ГКНБ КР
  • В Баткенской области пресечены несколько попыток незаконного провоза контрабандных грузов через границу
    Бүгүн, 16-октябрда, Лейлек районунда 31 жаштагы кыргызстандык кармалды. Ал Тажикстанга 3 тонна тоңдурулган балык алып бара жаткан.
    © Фото / пресс-служба пограничной службы ГКНБ КР
1 / 3
© Фото / пресс-служба пограничной службы ГКНБ КР
УКМКга караштуу Чек ара кызматынын Баткен облусу боюнча башкармалыгы чек арадан аткезчилик жолу менен жүк алып өтүү аракети болгон бир нече окуяны каттоого алды

Алар:

14-октябрь күнү Айдаркен чек ара отрядынын кызматкерлери Өзбекстандан мыйзамсыз жол менен 32 даана буржуйка-меш алып келе жаткан жаранды кармады;

15-октябрь күнү Лейлек чек ара отрядынын кызматкерлери Mercedes Benz Sprinter автоунаасынын айдоочусун колго түшүрдү. 28 жаштагы кыргызстандык Тажикстанга 250 коробка шампунь алып өтүүгө аракет кылган;

Бүгүн, 16-октябрда, Лейлек районунда 31 жаштагы кыргызстандык кармалды. Ал Тажикстанга 3 тонна тоңдурулган балык алып бара жаткан.

Тиешелүү документтер толтурулган соң кармалгандар жана жүктөр компетенттүү органдарга өткөрүп берилди.

209
Белгилер:
Кыргызстан, Тажикстан, Өзбекстан, чек ара, УКМК
Тема боюнча
Москвада КРден барган 49,8 млн. сомдук контрабандалык iPhone аэропорттон кармалды
Чек арачылар Баткендеги контрабандалык жүктү токтотуу үчүн асманга ок атышты
Жаратылыш. Архив

Жекшембиге карата аба ырайы

0
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

0
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер