Өпкөнүн рентгенин караган врач. Архивдик сүрөт

Коронавирус 6 кишинин өмүрүн алды, ооруну дагы 145 адам жуктурду

178
(жаңыланган 11:17 12.04.2021)
COVID-19дан көз жумгандар Бишкекте, Чүйдө жана Ысык-Көлдө дарыланып жаткан. Илдеттен каза тапкандар расмий түрдө 1 528 болду.

БИШКЕК, 12-апр. — Sputnik. Кыргызстанда бир сутка ичинде 145 кишиден оору чыгып, 103 бейтап дартты жеңди. Тилекке каршы, алты адам көз жумганын Республикалык штаб кабарлады.

Ооругандар:

  • Бишкек — 107;
  • Ош — 2;
  • Чүй облусу — 25;
  • Ош облусу — 1;
  • Нарын облусу — 2;
  • Ысык-Көл облусу — 5;
  • Жалал-Абад облусу — 3.

Пандемиядан бери Кыргызстанда оору 90 372 адамда аныкталды.

COVID-19 илдетинен сакайып чыккандар:

  • Бишкек — 66;
  • Ош шаары — 5;
  • Чүй облусу — 29;
  • Жалал-Абад облусу — 3.

Жалпысынан ооруну жеңгендер 86 028 болду.

Тилекке каршы, COVID-19дан Бишкектен үч, Чүйдөн эки жана Ысык-Көлдөн бир киши көз жумду. Ушуну менен жугуштуу оорудан көз жумгандар 1 528ге жетти.

Учурда стационарда 983 бейтап дарыланууда. Анын ичинен 18 адамдын абалы канааттандырарлык, 619у орточо, 203ү оор жана 28и өтө оор абалда. Амбулатордук дарыланууда 868 бейтап бар.

178
Белгилер:
бейтап, өлүм, жуктуруу, айыгуу, оору, коронавирус, Кыргызстан
Тема:
Кыргызстандагы коронавирус жуктуруп алгандар (1615)
Тема боюнча
Пакистан Кыргызстанга 1,4 тонналык гумжардам берди. Сүрөт
ДССУ коронавирустан көз жумгандардын саны өсүп жатканын билдирди
Россияда коронавируска каршы дагы бир вакцина иштелип жатат
Киши Дело папкасын алып жатат. Архив

Бишкекте шаар куруудагы чаржайыт пландан казына 20 млн. сом зыян тарткан

9
(жаңыланган 11:55 07.05.2021)
Бишкек шаарынын борбордук бөлүгүн курууда мекеме жетекчилери кызмат абалынан кыянаттык менен пайдаланып, казынага зыян алып келген. Учурда бул иш боюнча сотко чейинки өндүрүш башталды.

БИШКЕК, 7-май — Sputnik. Бишкек шаардык прокуратурасы Мамлекеттик шаар куруу жана архитектура институтунун, шаардык мэриянын Капиталдык курулуш башкармалыгынын, ошондой эле "Бишкек башкы архитектура" муниципалдык ишканасынын жооптуу кызматкерлери тарабынан одоно мыйзам бузулгандыгын аныктады. Бул тууралуу Башкы прокуратуранын маалымат кызматы билдирди.

Аталган мекемелердин кызмат адамдары мамлекеттин кызыкчылыгына каршы ченемдик-укуктук актылардын талаптарын бузуп, баш калаанын борбордук бөлүгүн пландаштыруу долбоорун иштеп чыгууда тиешелүү шарттарды аткарбастан, аны бекитүү үчүн Бишкек шаардык кеңешине сунушташкан. Анын кесепетинен функционалдык курулуш зоналары боюнча туура эмес долбоордук чечимдер кабыл алынып, бак-дарактар үчүн бөлүнгөн жашыл тилкелерди пайдалануучулардын жана айрым объектилердин ээлеринин укуктары бузулган.

Мындан сырткары, Шаар куруу жана жер титирөөгө туруктуу курулуш мамлекеттик илим-изилдөө долбоорлоо институту, Мамлекеттик картографиялык-геодезиялык кызматы жана "Бишкек башкы архитектура" муниципалдык ишканасы тарабынан топографиялык иш кагаздардын туура эмес даярдалганы анык болгон. Мунун натыйжасында курулган имараттардын координатташтырылган бурчтарынан айырмачылыктар табылган.

Жогорудагы мыйзам бузууларга карабастан, мэриянын Капиталдык курулуш башкармалыгынын жетекчилери 22 111 563 сомго талапка жооп бербеген иштерди кабыл алып, натыйжада мамлекетке өзгөчө ири өлчөмдө материалдык зыян келтирилген.

Материалдар Кылмыш жана жоруктардын бирдиктүү реестрине Жазык кодексинин 320-беренеси ("Кызмат абалынан кыянаттык менен пайдалануу") менен катталып, сотко чейинки өндүрүш иши башталды.

9
Белгилер:
мыйзам бузуулар, курулуш, прокуратура, Бишкек
Тема боюнча
Бишкектин жаңы башкы планы тез арада иштелип чыкмай болду
Тез жардам автоунаасы Бишкекте. Архив

Бишкекте бешинчи кабаттан кулаган жигит ооруканага жетпей каза болду

89
(жаңыланган 10:19 07.05.2021)
Милиция Кылмыш кодексинин коопсуздук эрежелерин бузуу ченемдери боюнча кылмыш ишин козгоду. Каза болгон адам 20 жашта экени айтылды.

БИШКЕК, 7-май — Sputnik. Бишкекте курулуп жаткан турак үйдүн бешинчи кабатынан кулаган адам ооруканага бара жаткан жолдо каза болду. Бул тууралуу Биринчи май райондук милициясынын маалымат кызматы кабарлады.

Милицияга 5-майда саат 11:50дө шаардын Киев көчөсүндө салынып жаткан жаткан көп кабаттуу үйдөн эркек киши кулап кеткени боюнча билдирүү келген.

Жеринде аныкталган алдын ала маалыматтарга ылайык, 20 жаштагы жигит кырсыкка белгисиз жагдайда кабылган. Ал өзүнө келбей тез жардам унаасында көз жумган.

Кылмыш кодексинин 258-беренеси ("Коопсуздук эрежелерин бузуу") боюнча кылмыш иши козголгон. Экспертиза дайындалып, тергөө жүрүп жатат.

89
Белгилер:
өлүм, кулоо, кырсык, жигит, имарат, курулуш, Бишкек
Тема боюнча
Бразилияда метродо атышуу болуп, 25 киши көз жумду. Видео
Милиция Лебединовкада уурдалган кызды табууга элден жардам сурап жатат. Сүрөт
Баткен районундагы турак жайдын фундаментин салуусу. Архив

Кармышаков: курулуш компаниялары баткендиктерге күзгө чейин үй салып берет

0
Экономика министри өкмөттүн атынан өз каалоосу менен үй салып берем деген ишкер, курулуш компанияларынын жетекчилерине ыраазчылык билдирди.

БИШКЕК, 7-май — Sputnik. Өкмөт менен жолугушуу учурунда курулуш компаниялары Баткенде чек ара чырынан турак жайы жок калгандарга 1-сентябрга чейин үй салып берүү ниетин билдиришти. Бул тууралуу министрлер кабинетинин төрагасынын орун басары, экономика жана каржы министри Улукбек Кармышаков Sputnik Кыргызстан агенттигинин маалымат борборундагы брифингде билдирди.

Анын айтымында, азыр качкындардын баарына убактылуу жашап туруу үчүн ӨКМдин чатырлары берилген.

"Президент үй-жайынан ажырагандардын баарына там салып берүү тапшырмасын койду. Бул багыт боюнча министрлер кабинети ишкерлер, анын ичинде курулуш компанияларынын өкүлдөрү менен жыйын өткөрдүк. Алар 1-сентябрга чейин жабыркагандарга бардык шарты менен үй салып берүү ниетин билдиришти", — деди экономика министри.

Кармышаков курулуш компанияларынын бири 30 үй салып берүүнү убадаласа, кээ бири 10, айрымдары 6-8ден там салууну айтышканын белгиледи.

"Жардам берем дегендер көп. Биз алардын баарын чогултуп туура жолго багытташыбыз керек. Республикалык бюджеттен кошумча 700 миллион сом бөлдүк. Анын 200 миллиону талкаланган үйлөрдү калыбына келтирүү үчүн ӨКМге берилсе, 500 миллиону чек ара чырынан жабыркаган башка объектилерди оңдоого жумшалат" — деди ал.

Министрлер кабинетинин төрагасынын орун басары социалдык объектилер республикалык бюджеттин эсебинен оңдоло турганын кошумчалады.

Ал өкмөттүн атынан өз каалоосу менен үй салып берем деген ишкер, курулуш компанияларынын жетекчилерине ыраазчылык билдирди.

0
Белгилер:
чыр, чек ара, курулуш, үй, жардам, Улукбек Кармышаков, Баткен
Тема:
Баткендеги кыргыз-тажик жаңжалы
Тема боюнча
Бийлик чек ара чырынан жабыркагандарга компенсация төлөөгө каражатты кайдан алат
Бир айыл 5 уулун жоготту. Турдубайдын чек арада окко учканын 4 баласы биле элек