Мыйзамсыз курал-жарак сатуу

Аксыда ири көлөмдө курал сатууга камданып жаткандар кармалды. Сүрөттөр

375
(жаңыланган 13:29 13.04.2021)
Апрель айынын башында Криминалдык милициянын Аймактар аралык башкармалыгына белгисиз адамдар курал-жарак жана ок-дары сатуу үчүн кардар издеп жаткандыгы тууралуу маалымат түшкөн.

БИШКЕК, 13-апр. — Sputnik. Жалал-Абаддагы Аксы районунун 70 жаштагы тургунунун үйүнөн мыйзамсыз курал-жарак жана Кызыл китепке кирген жаныбарлардын териси табылды. Бул тууралуу ИИМдин маалымат кызматынан кабарлашты.

  • Задержанный подозреваемый в незаконном обороте оружия. 13 апреля 2021 года
    Жалал-Абаддагы Аксы районунун 70 жаштагы тургунунун үйүнөн мыйзамсыз курал-жарак жана Кызыл китепке кирген жаныбарлардын териси табылды
    © Фото / пресс-служба МВД КР
  • Арсенал незаконно хранящегося оружия и боеприпасов. 13 апреля 2021 года
    Билдирүүгө караганда, ушул жылдын апрель айынын башында Криминалдык милициянын Аймактар аралык башкармалыгына белгисиз адамдар курал-жарак жана ок-дары сатуу үчүн кардар издеп жаткандыгы тууралуу маалымат түшкөн
    © Фото / пресс-служба МВД КР
  • Арсенал незаконно хранящегося оружия и боеприпасов. 13 апреля 2021 года
    Аталан факт Кылмыш жана жоруктардын бирдиктүү реестрине каттоого алынып, Жазык кодексинин 253-беренесине ("Куралды, ок-дарыларды мыйзамсыз жүгүртүү") ылайык кылмыш иши козголгон
    © Фото / пресс-служба МВД КР
  • Задержанный подозреваемый в незаконном обороте оружия. 13 апреля 2021 года
    Анын алкагында Аксы районунун 50 жаштагы тургуну шектүү катары кармалган
    © Фото / пресс-служба МВД КР
1 / 4
© Фото / пресс-служба МВД КР
Жалал-Абаддагы Аксы районунун 70 жаштагы тургунунун үйүнөн мыйзамсыз курал-жарак жана Кызыл китепке кирген жаныбарлардын териси табылды

Билдирүүгө караганда, ушул жылдын апрель айынын башында Криминалдык милициянын Аймактар аралык башкармалыгына белгисиз адамдар курал-жарак жана ок-дары сатуу үчүн кардар издеп жаткандыгы тууралуу маалымат түшкөн.

Аталан факт Кылмыш жана жоруктардын бирдиктүү реестрине каттоого алынып, Жазык кодексинин 253-беренесине ("Куралды, ок-дарыларды мыйзамсыз жүгүртүү") ылайык кылмыш иши козголгон.

Анын алкагында Аксы районунун 50 жаштагы тургуну шектүү катары кармалган.

"Анын автоунаасынан 7.62 мм. калибрдүү СКС үлгүсүндөгү карабин табылды. Андан соң дагы бир шектүү, Аксы районунун 70 жаштагы тургуну жашаган жерде тинтүү иш-чаралары жүргүзүлгөн. Жыйынтыгында жалпысынан жети курал менен анын тетиктери, 160тан ашык ар кандай калибрдеги октор, 140тан ашык гильза алынган. Ал эми уруксат алган документтер бир гана куралга тиешелүү болгон", — деп айтылат билдирүүдө.

Ошондой эле үйдөн Кызыл китепке кирген эки сүлөөсүндүн териси табылган. Мындан сырткары, болжол менен баңгизатка окшош зат дагы табылып, экспертизалар дайындалды.

375
Белгилер:
шектүү, курал, милиция, Жалал-Абад
Тема боюнча
Жалал-Абадда аюуну өлтүрүп, терисин алып бараткан жаран кармалды. Сүрөт
Бишкекте кызга бычак урду деген шектүү кармалды
Спецназ Бишкектеги түнкү клубда атайын операция жүргүздү. Видео
Жолдо бараткан унаа. Архив

Токмокто эки кишини сүзүп, качып кеткен айдоочу кармалды

73
(жаңыланган 12:04 15.05.2021)
Кырсыкка кабылган 20 жана 16 жаштагы жарандар ар кандай жаракат алып, аймактык ооруканага жеткирилген.

БИШКЕК, 15-май — Sputnik. Чүйдүн Токмок шаарында эки адамды сүзүп, окуя болгон жерден качып кеткен шектүү кармалды. Бул тууралуу Чүй облустук милициясынын Жол коопсуздугун камсыздоо башкармалыгынын маалымат кызматы билдирди.

Жума күнү, 14-майда, болжол менен саат 22:30дар чамасында Токмок шаарынын Ленин көчөсүнөн өтүп бара жаткан жарандарды белгисиз бирөө унаа менен сүзүп кеткен.

"Айдоочу жабырлануучуларга жардам берүүнүн ордуна окуя болгон жерден из жашырып кеткен. Жолдон өтүп бараткан 20 жана 16 жаштагы тургундар ар кандай жаракат менен аймактык ооруканага жеткирилген. Ошол эле күнү изи сууй электе шектүү К.Р. аттуу айдоочу аныкталып, колго түшүрүлгөн. Ал Токмок шаарынын 34 жаштагы тургуну болуп чыкты", — деп айтылат билдирүүдө.

Окуя териштирилип жатат, ал эми автоунаа айып короого киргизилди.

73
Белгилер:
Кыргызстан, Токмок, жол кырсык, шектүү
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жүрөк үшүн алган жол кырсыктан 18 жаштагы улан көз жумду. Сүрөт
Айтикул уулу: жыл башынан бери Бишкекте 841 жол кырсыгы катталды

Имараттарды кыйраткан ракеталар. Газа тилкесинен тартылган видео

342
(жаңыланган 18:49 14.05.2021)
Израиль армиясынын Газага абадан урган соккуларынан улам курман болгондордун саны өсүүдө. Алардын арасында аялдар менен балдар бар. Расмий маалыматтар боюнча, 119 адам каза таап, жүздөгөн киши жаракат алган.

Израиль менен Палестинанын ортосундагы конфликт 10-май күнү кечинде курчуган. Эки жак тең ракета менен аткылоону токтотпой жатат.

Газа тилкесинен 1 500дөн ашык ракета коё берилген. Израиль дагы ХАМАС кыймылына жооп кайтарууда.

Буга чейин ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Ал эми 7-майда палестиналыктар менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

342
Белгилер:
мечит, Палестина, Израиль
Тема боюнча
Эмнеге Пентагонго Борбор Азияда орун жок? Сереп

Өкмөт эгемендүүлүк майрамында кыргыздардын дүйнөлүк курултайын өткөрүүнү сунуштады

0
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн

БИШКЕК, 15-май — Sputnik. Министрлер кабинети эгемендүүлүктүн 30 жылдыгына карата
кыргыз элинин бүткүл дүйнөлүк курултайын өткөрүүнү сунуштады. Бул тууралуу өкмөт башчы Улукбек Марипов аталган күндү майрамдоо боюнча уюштуруу комитетинин кеңешмесин өткөрүп жатканда сөз болду.

Өкмөттүн маалымат кызматынан билдиришкендей, республиканын түптөлүшүнүн 30 жылдыгын майрамдоо боюнча иш-чаралардын планына Бишкек шаарында жана аймактарда өткөрүлчү 100дөн ашуун иш-чара киргизилген.

“Кеңешменин жүрүшүндө өлкө президентинин кайрылуусуна ылайык, планга кыргыз элинин бүткүл дүйнөлүк курултайын өткөрүүнү киргизүү сунушталды. Министрлер кабинетинин башчысы 30 жылдыкты майрамдоо боюнча иш-чаралар планын толуктап иштеп чыгууну жана сын-пикирлерди эске алуу менен үч күндүн ичинде уюштуруу комитетинин талкуулоосуна сунуштоону тапшырды”, — деп айтылат билдирүүдө.

Маалыматка караганда, юбилейлик датага карата театрлаштырылган оюн-зооктор уюштурулуп, бир катар ири көргөзмөлөр жана ат оюндары өткөрүлөт. Ошондой эле “улуу Кыргыз каганатынын түзүлүшүнөн баштап, азыркы мезгилге чейинки басып өткөн жолу тууралуу сүрөт китебин түзүү пландаштырылууда”.

Марипов белгилегендей, бардык иш-чаралар республикадагы эпидемиологиялык кырдаалды эске алуу менен санитардык ченемдерге жана талаптарга ылайык жүргүзүлүшү керек.
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн. Анткени жаңы Конституцияга Курултай институту тууралуу киргизилген.

0
Белгилер:
план, курултай, Кыргызстандын эгемендүүлүк күнү, майрам, Улукбек Марипов, Кыргызстан
Тема боюнча
Жапаров кыргызстандыктардын бүткүл дүйнөлүк курултайын өткөрүүнү сунуштады