Аскер. Архив

Кара-Көлдө ИИМдин ички аскери ефрейторду кокусунан атып алды

225
(жаңыланган 13:50 13.04.2021)
Жоокер оң колунан жаракат алган. Факт боюнча Жалал-Абад гарнизонунун Аскер прокуратурасы сотко чейинки териштирүү иштерин жүргүзүп жатат.

БИШКЕК, 13-апр. — Sputnik. Жалал-Абаддын Кара-Көл шаарында ИИМдин ички аскерлеринде кызмат өтөгөн жоокер куралын оксуздандыруу учурунда ефрейторду атып алды. Бул тууралуу аталган мекеменин маалымат кызматы кабарлады.

Окуя бүгүн, 13-апрель күнү, саат 7:58де министрликтин ички аскерлеринин №718 бөлүгүндө болгон. Жоокерлер Токтогул ГЭСин кайтаруу боюнча кароолдун курамында турган.

"Аскер куралын оксуздандырганда ок капысынан башка жоокерге тийип, ал оң колунан жаракат алган. Учурда кызматкер Кара-Көл шаардык аймактык ооруканасында дарыланууда. Абалы туруктуу, ден соолугунда олуттуу коркунуч жок", — деп айтылат маалыматта.

Факт боюнча Жалал-Абад гарнизонунун Аскер прокуратурасы сотко чейинки териштирүү иштерин жүргүзүп жатат.

225
Белгилер:
Жалал-Абад, Кара-Көл, ИИМ, Аскер, жоокер, жаракат, ок атуу
Тема боюнча
УКМК машыгууда оор жаракат алган атайын аскер тууралуу маалыматты териштирет
Аксыда ири көлөмдө курал сатууга камданып жаткандар кармалды. Сүрөттөр
Өрттөнгөн унаа. Архивдик сүрөт

ӨКМ: Бишкекте түн ортосунда эки автоунаа өрттөндү. Видео

82
(жаңыланган 10:49 01.12.2021)
Саат 3.20да чыккан өрт 20 мүнөттөн кийин чектөөгө алынып, 4:08де толугу менен өчүрүлгөн. Учурда өрттүн себеби такталууда.

БИШКЕК, 1-дек. — Sputnik. Бишкекте өткөн түнү катар турган эки автоунаа өрттөндү. Бул тууралуу ӨКМден билдирди.

Министрликтин Facebook тармагындагы баракчасына окуя болгон жерден тартылган видео жүктөлдү.

"1-декабрга караган түнү саат 03:20лар чамасында Худайбергенов көчөсүндө жолдун жээгинде токтоп турган Mercedes-Benz жана Toyota Camry үлгүлөрүндөгү автоунаалардан өрт чыкты. Биринчи машина толугу менен өрттөнсө, экинчисинин бампери күйгөн", — деп айтылат билдирүүдө.

Өрт саат 03:50дө чектөөгө алынып, 4:08де толугу менен өчүрүлгөн. Учурда кырсыктын себеби такталууда.

82
Белгилер:
Бишкек, автоунаа, ӨКМ, өрт, видео
Тема боюнча
Мэрия: Бишкекте өрт кырсыгы жана андан каза болгондордун саны өсүүдө
Чычканда өрттөнгөн бензовоздун ичинен кишинин сөөгү табылды. Кырсыктын сүрөтү
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

188
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

188
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Аткаминерлер. Архив

"Альянстан" келчү депутаттардын бизнеси. Көбү коомдук фонд, бирикме жетектейт

0
(жаңыланган 13:10 01.12.2021)
АСУнун алдын ала маалыматы боюнча, беш пайыздык босогодон алты партия өтүп, алардын ичинен "Альянс" партиясы шайлоочулардын 8,35 пайыз добушун алып жети мандатка ээ болмокчу.

Sputnik Кыргызстан агенттиги партиядагылардын ээлик кылган бизнесин тизмектөөнү улантат. Буга чейин "Ата-Журт Кыргызстан", "Ишеним" жана "Ынтымактан" келчү депутаттардын мал-мүлкүн карап чыккан. Маалыматтар Юстиция министрлигинен алынды.

Юстиция министрлигинин порталында Алтынбек Сулайманов "Бир бол" партиясынын төрагасы катары гана көрсөтүлгөн. Ага башка ишкердиктин субъектилери катталган эмес.

Депутат Жогорку Кенеша Алтынбек Сулайманов на заседании
© Sputnik / Табылды Кадырбеков
Алтынбек Сулайманов

Мурдагы тышты иштер министри Чыңгыз Айдарбеков "Инновация" коомдук бирикмеси менен фондусун жана "Короо спорт лигасы" коомдук бирикмесинин негиздөөчүлөрүнүн бири катары көрсөтүлгөн.

Министр иностранных дел Чингиз Айдарбеков принял участие в заседании Совета министров иностранных дел ОДКБ в режиме видеоконференцсвязи
© Фото / пресс-служба МИД КР
Чыңгыз Айдарбеков

Азамат Исираиловго эч бир компания, фирма катталган эмес.

Расмий булактардагы маалыматтарга ылайык, Фарходбек Алимжанов мурун "Ак-Кайын" жабык акционердик коомун, соода-сатык менен алектенген "Бакай-Юг" ЖЧКсын жетектеген. Азыр "Инновация" интеллектуалдык өнүгүү жана бизнести колдоо институтунун негиздөөчүлөрүнүн бири жана "Айбек Алимжанов" атындагы кайрымдуулук фондун башкарып келет.

Кандидат в депутаты ЖК от партии Бир Бол Фарходбек Алимжанов
© Фото / пресс-служба партии "Бир Бол"
Фарходбек Алимжанов

Жогорку Кеңештин VI чакырылышынын депутаты Гүлкан Молдобекова жана парламентке аялдардын квотасы менен келе жаткан Нилуфар Алимжанованын атына бир да ЖЧК жазылган эмес.

Жанар Акаевге дүңүнөн соода кылган "Акаев идея" жоопкерчилиги чектелген коому таандык.

Депутат Жогорку Кенеша Жанар Акаев на заседании ЖК
© Sputnik / Табылды Кадырбеков
Жанар Акаев

Эске сала кетсек, Жогорку Кеңештин жаңы чакырылышы 90 эл өкүлүнөн куралат: 54ү пропорционалдык жол менен партиянын ачык тизмеси аркылуу келсе, 36 депутат мажоритардык система менен бир мандаттуу округдан мандат алмакчы.

0
Белгилер:
Кыргызстан, 'Альянс' партиясы, бизнес
Тема:
Жогорку Кеңешке жаңы тартип менен болчу шайлоо
Тема боюнча
421 алганы бар. Парламентке өткөн аял талапкерлер канча добуш чогултту. Тизме
7 партия босого чектен өтүүдө. Добуштардын 30 пайызы кол менен саналып бүттү