Киши Дело № папкасы менен. Архив

Чек арадан уурдалган кыргызстандыктар боюнча иш козголду

367
(жаңыланган 20:59 24.04.2021)
Кыргыз-тажик чек арасынан эки кыргызстандык киши уурдалган. Эки тараптуу сүйлөшүүлөрдүн жыйынтыгында балдар "Оочу - Калача" посту аркылуу кайтарылган.

БИШКЕК, 24-апр. – Sputnik. Лейлек райондук РИИБи киши уурдоо фактысы боюнча кылмыш ишин козгоду. Бул тууралуу Sputnik агенттигине Баткен облустук ИИБден билдиришти.

Ага ылайык, 19 жана 21 жаштагы балдардын алган жараатынын оордугун аныктоо боюнча тиешелүү эскпертизалар дайындалып, жакындарына өткөрүлүп берилди.

Эске салсак, бүгүн социалдык тармакка эки уландын түндөтөн бери жок болуп жатканы боюнча видео тараган. Анда Лейлек районуна караштуу Эски-Оочу айылынын жашоочусу кыргыз-тажик чек арасына жакын аймакта курулуп жаткан тигүү цехинде иштеген уулу менен анын досу жоголуп кеткенин айтып, ыйлап жатканы тартылган.

Кийин эки тараптуу сүйлөшүүлөрдүн жыйынтыгында балдар "Оочу - Калача" посту аркылуу кайтарылган. Бул жигиттер менен кошо мурда чек арадан мыйзамсыз өтүүгө шектелип кармалган алты кыргызстандык да бошотулган. Бирок азырынча алардын эмне себептен Тажикстанга алынып кеткени тактала элек.

367
Белгилер:
кылмыш, адам уурдоо, чек ара, Баткен
Тема:
Баткендеги кыргыз-тажик жаңжалы (252)
Тема боюнча
Тажикстан менен чек арага жакын жерде жоголгон уландар боюнча УКМК үн катты
Өзгөндүктөр да жер берүүгө каршы чыгып, Кемпир-Абаддын жээгине боз үй тикти
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

91
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

91
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр
Жол кырсыгынан жабыркаган унаа. Архив

Автоунаанын маңдайы бүктөлүп калган. Бишкектеги жол кырсыгынын видеосу

198
(жаңыланган 21:22 13.05.2021)
Автокырсык бүгүн Бишкек калаасындагы Профсоюз көчөсүндө болгон. Бир киши жаракат алып, ооруканага жеткирилгендигин айтышты.

БИШКЕК, 13-май — Sputnik. Бишкекте жеңил автоунаа жогорку чыңалуудагы электр зымдары тартылган ири түркүктү сүзүп, маңдай жагы бүктөлүп калган.

Кырсыктын видеосу "Короче" тelegram-каналына жарыяланды.

Окуя бүгүн болжол менен саат 19:00дө Профсоюз көчөсүндө болгон. Күбө болгондордун айтымында, бир киши жаракат алып, аны Тез жардам кызматы ооруканага жеткирген.

198
Белгилер:
автоунаа, жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Айтикул уулу: биринчи кварталда Бишкекте 841 жол кырсыгы катталды