Судьянын балкасы. Архив

Мэриянын үйлөрүн сатып жиберген кызматкер 16 жылга кесилди

199
(жаңыланган 19:49 26.04.2021)
Мэрияда иштеген кызматкер ондон ашуун адамды сызга отургузуп, 33 миллион 070 миң 250 сомго алдап кеткени аныкталды.

БИШКЕК, 26-апр. — Sputnik. Нариман Түлеевден алынган сегиз батирди сатып ийген мэриянын мурунку кызматкери Эрик Ашыралиев 16 жылга эркинен ажыратылып, 300 миң сом айып салынды. Мындай өкүмдү Ленин райондук соту чыгарганы тууралуу маалымат Жогорку соттун сайтына жарыяланды.

Сот аны Жазык кодексинин 204-беренеси ("Алдамчылык"), 233-беренеси ("Коммерциялык же башка уюмда ыйгарым укуктарын кыянаттык менен пайдалануу"), 359-беренеси ("Документтерди жасалмалоо") жана 358-беренеси ("Мамлекеттик чек арадан мыйзамсыз өтүү") боюнча күнөөлүү деп тапкан. Жаза мөөнөтү 2019-жылдын 7-сентябрынан тарта эсептелет.

Маалыматка ылайык, 2012-жылы Эрик Ашыралиев 12 иш боюнча алдамчылыкка күнөөлүү деп табылып, беш жылга эркинен ажыратылган. Ал жаза мөөнөтүн жатак абагында өтөп чыккан. 2017-жылы соттуулугу тууралуу маалыматты жашырып, Ленин райондук акимчилигинин экономика жана финансы бөлүмүнүн жетектөөчү адисинин милдетин аткаруучу болуп жумушка орношкон. Ошондон 2019-жылга чейин сегиз адамды сызга отургузуп, ири суммага алдап кеткен.

Ага карабай соттуулугун дагы жашырып, Бишкек шаардык мэриянын Муниципалдык мүлк башкармалыгынын жалпы бөлүмүнүн башкы адисинин милдетин аткаруучу кызматына келген. Андан соң жасалма документтердин негизинде Бишкек шаарынын мурдагы мэри Нариман Түлеевден өндүрүлгөн сегиз батирди сатып, акчасын өзүнө ыйгарып алган. Ал батирлер мэриянын мүлк башкармалыгынын балансында турган.

Натыйжада сот Эрик Ашыралиев ондон ашуун адамды сызга отургузуп, 33 миллион 070 миң 250 сомго алдап кеткенин аныктаган. Аталган сумманы ээлерине төлөп берүү милдеттендирилди.

Мындан сырткары, аукцион аркылуу арзан түшөт деген жүйө менен бир үй-бүлөгө 5000 долларга Toyota Camry саткан. Ал эми ушундай эле үлгүдөгү дагы эки автоунаа алып берүү үчүн 16 миң доллар алып, бирок убадасын аткарган эмес. Натыйжада 21 миң доллар зыян келтиргени айтылат.

Белгилей кетсек, кылмышкер иши ачыктала баштаганда Баткен облусунда жашырынып жүрүп, Тажикстанга өтүп, андан ары Түркияга учуп кетүүнү пландаштырган. 2019-жылдын 7-сентябрында милиционерлер менен УКМКнын Коррупцияга каршы күрөшүү кызматынын өкүлдөрү Ашыралиевди Лейлек районундагы чек арадан өтүп бара жаткан жеринен кармашкан.

Эске салсак, 2017-жылы экс-мэр Нариман Түлеевдин 11 батири конфискацияланып, мамлекетке өткөрүлгөн. Анын сегизи мэриянын, ал эми үчөө Башкы прокуратуранын балансына берилген.

199
Белгилер:
өкүм, сот, батир, алдамчылык, кылмышкер
Тема боюнча
УКМК жетекчилигинин атын жамынып мамкызматкерден 180 миң доллар алгандар кармалды
ИИМ кызматкери алынган баңгизаттарды көрсөтүп жатат. Архив

УКМК: Ошто ири көлөмдө героин ташып бара жаткан автоунаа кармалды

122
(жаңыланган 18:14 18.05.2021)
УКМКнын билдиргенине караганда, жүк ташуучу унаадагы героиндин базардагы баасы учурда 20 миллион доллардан ашык сумманы түзөт.

БИШКЕК, 18-май — Sputnik. Ош облусунда 13-май күнү 440 килограмм героин ташылып бара жаткан жүк ташуучу унаа кармалды. Бул тууралуу УКМКдан кабарлашты.

Маалыматка караганда, аталган комитет узак убакыт бою Борбор Азия аймагы аркылуу Жакынкы Чыгыш, Европа өлкөлөрүнө ири өлчөмдө баңгизат ташуу боюнча эл аралык наркоканалды аныктоо жана бөгөт коюу боюнча иш алып барган.

УКМКнын билдиргенине караганда, жүк ташуучу унаадагы героиндин базардагы баасы 20 миллион доллардан ашык сумманы түзөт.

Жазык-процесстик кодексинин 98-беренесинин негизиндеги сотко чейинки өндүрүштүн алкагында баңгизаттарды мыйзамсыз жүгүртүүгө шектелген Кыргызстандын эки жараны кармалып, УКМКнын убактылуу кармоочу жайына киргизилди.

Ошондой эле автоунаа баңгизатты ташуу үчүн атайын жабдуу менен жабдылганы айтылды.

122
Белгилер:
баңгизат, УКМК, Кыргызстан
Тема боюнча
Кызуу болчу. Иса Өмүркуловдун уулу себепкер болгон жол кырсыгынын чоо-жайы
От жандырып жаткан адам. Архив

Кара-Балтада үйүн өрттөп, башка адамдын өлүмүнө себепчи болгон жаран камалды

58
(жаңыланган 13:14 18.05.2021)
Өрттөнгөн батирдин ээси башында кырсыкка тиешеси жоктугун айткан, кийинчерээк үй-бүлөлүк жаңжалдан улам батирин өрттөгөнүн мойнуна алган.

БИШКЕК, 18-май — Sputnik. Кара-Балтада үй-бүлөлүк жаңжалдан улам батирин өрттөп, кошуна батирдеги жарандын өлүмүнө себепчи болгон адам кармалды. Бул тууралуу Чүй ОИИБден билдиришти.

Маалыматта айтылгандай, 15-май күнү кечинде шаардагы батирлердин биринде өрт чыккандыгы тууралуу милицияга билдирүү түшкөн. Окуя болгон жерге милиция, өрт өчүрүү кызматкерлери жана Тез жардам кызматы барган.

"Өрттүн кесепетинен батир толугу менен күйүп, өрттүн түтүнү жогорудагы батирлерге көтөрүлгөн. Анын кесепетинен башка батирдин ээси 57 жаштагы Р.Г. түтүнгө ууланып оорукананын реанимация бөлүмүнө жеткирилген. Анын коногу 40 жаштагы П.Н. түтүнгө ууланып ошол жерде каза болгон", — деп айтылат маалыматта.

Өрттөнгөн батирде 53 жаштагы С.Т. жана 54 жаштагы С.А. аттуу жубайлар жашап келишкен. Бирок кырсык учурунда үй ээлери үйдө жок болушкан.

"Тиешелүү ыкчам-иликтөө иш-чараларынын негизинде өрттөнгөн батирдин ээси кармалган. Башында үй ээси өрткө тиешеси жоктугун айткан, кийинчерээк батирин үй-бүлөлүк жаңжалдан улам өрттөгөнүн мойнуна алган", — деп билдиришти облустук милициядан.

Бул факт Жазык кодексинин 261 ("Коопсуздук эрежелерин бузуу") жана 135-беренеси ("Шалаакылык менен өлүмгө алып келиши") менен кылмыш иши козголгон. Шектүү убактылуу кармоочу жайга киргизилип, сотко чейинки өндүрүш башталды.

58
Белгилер:
милиция, Кара-Балта, кылмыш, шектүү, шалаакылык, өрт, Чыр-чатак
Тема боюнча
Кызуу болчу. Иса Өмүркуловдун уулу себепкер болгон жол кырсыгынын чоо-жайы
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

0
(жаңыланган 22:13 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

0
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу