Аскер кызматкери машыгуу учурунда. Архив

Баткендин үч айылына өзгөчө кырдаал режими кирди. Учурда абал кандай

595
(жаңыланган 11:17 29.04.2021)
Ак-Сай айылына, Ак-Суу дарыясында жайгашкан башкы суу бөлүштүрүүчү жайдын айланасына эки тараптан тең топтолгон жарандар тарай элек.

БИШКЕК, 29-апр. — Sputnik. Баткендин Ак-Сай, Ак-Татыр, Самаркандек айыл аймактарына өзгөчө кырдаал режими киргизилди. Бул туурасында өкмөттүн облустагы өкүлчүлүгүнөн билдиришти.

Мындай чечим Баткен районунун акими тарабынан кабыл алынган. Облус башчысы Өмүрбек Суваналиев менен Тажикстандын Согди облусунун башчысы Раджоббой Ахмадзода абалды турукташтыруу боюнча сүйлөшүүлөрдү жүргүзүп жатканы маалымдалат.

"Чек арадагы абал облус башчысынын көзөмөлүндө. Ак-Сай айылында, Ак-Суу дарыясында жайгашкан башкы суу бөлүштүрүүчү жайдын айланасында учурда абал туруктуу. Бирок чыңалуу бар. Эки тараптан тең топтолгон жарандар тарай элек. Жеринде облус жетекчисинин орун басары Маруфхан Тулаев баш болгон жергиликтүү бийлик органдары жана күч түзүмдөрү кырдаалды курчутпоо үчүн ыкчам иш-аракеттер жүргүзүлүп жатат", — деп айтылат маалыматта.

Суваналиевдин буйругу менен чек арадагы абалга байланыштуу облустук штаб түзүлдү.

Баткендеги жаңжал

28-апрель күнү күндүз Баткен районундагы кыргыз-тажик чек арасында жаңжал чыккан. Чыр-чатак тажик тарап Ак-Сай айыл өкмөтүнүн аймагынан шагыл жүктөп, мамыларга видеокөзөмөл орнотууга киришкенден кийин башталган.

Кыргыз-тажик чек арасындагы ИИМ кызматкерлери
© Фото / пресс-служба УВД Баткенской области
УКМК берген маалыматтарга караганда, тажикстандыктар болжолдуу чек ара сызыгынан 2-3 метр аралыкта тажик жарандары шагыл жүктөөгө келгенде Кыргызстандын чек арачылары токтотууну талап кылышкан. Бирок алар макул болгон эмес. Мындан улам чек арачылар курал колдонорун айтып, эскертүү беришкен. Коңшу өлкөнүн жарандары ошондо гана токтошкон. Андан соң тажик тарап Көк-Таш айылындагы "Головной" суу таратуучу пунктунун аймагындагы мамыларга көзөмөл камерасын орното баштаган. Бул учурда Кыргызстандын Чек ара кызматынын жана Баткен облустук милициясынын өкүлдөрү барып, ишти токтотуусун талап кылышкан.

Ошондон кийин аталган аймакка эки тараптан 100-150дөй киши чогулуп, бири-бирин ташка алган. Кечке маал абал салыштырмалуу турукташып, бирок таңга маал кайрадан курчуган.

Окуя учурунда төрт кыргызстандык жана беш тажикстандык жаракат алганы айтылат. Алардын ичинен бир кыргызстандыкка ок тийип, оор абалда жатат. Ошол эле учурда тажик тарап дагы бир жараны ок жегенин айтып, бирок Кыргызстандын чек арачылары курал колдонбогонун билдирди.

Эки өлкөнүн Чек ара кызматы жана жергиликтүү бийлик органдары сүйлөшүү жүргүзүп, алгач бир пикирге келе алган эмес.

595
Белгилер:
өзгөчө абал, чек ара, Баткен
Тема:
Баткендеги кыргыз-тажик жаңжалы (261)
Тема боюнча
УКМК кыргыз-тажик чек арасындагы абал боюнча кенен маалымат берди
Ок тийген адамдын абалы оор. Чек ара чырында 4 кыргызстандык жаракат алды
ИИМ кызматкери алынган баңгизаттарды көрсөтүп жатат. Архив

УКМК: Ошто ири көлөмдө героин ташып бара жаткан автоунаа кармалды

173
(жаңыланган 18:14 18.05.2021)
УКМКнын билдиргенине караганда, жүк ташуучу унаадагы героиндин базардагы баасы учурда 20 миллион доллардан ашык сумманы түзөт.

БИШКЕК, 18-май — Sputnik. Ош облусунда 13-май күнү 440 килограмм героин ташылып бара жаткан жүк ташуучу унаа кармалды. Бул тууралуу УКМКдан кабарлашты.

Маалыматка караганда, аталган комитет узак убакыт бою Борбор Азия аймагы аркылуу Жакынкы Чыгыш, Европа өлкөлөрүнө ири өлчөмдө баңгизат ташуу боюнча эл аралык наркоканалды аныктоо жана бөгөт коюу боюнча иш алып барган.

УКМКнын билдиргенине караганда, жүк ташуучу унаадагы героиндин базардагы баасы 20 миллион доллардан ашык сумманы түзөт.

Жазык-процесстик кодексинин 98-беренесинин негизиндеги сотко чейинки өндүрүштүн алкагында баңгизаттарды мыйзамсыз жүгүртүүгө шектелген Кыргызстандын эки жараны кармалып, УКМКнын убактылуу кармоочу жайына киргизилди.

Ошондой эле автоунаа баңгизатты ташуу үчүн атайын жабдуу менен жабдылганы айтылды.

173
Белгилер:
баңгизат, УКМК, Кыргызстан
Тема боюнча
Кызуу болчу. Иса Өмүркуловдун уулу себепкер болгон жол кырсыгынын чоо-жайы
От жандырып жаткан адам. Архив

Кара-Балтада үйүн өрттөп, башка адамдын өлүмүнө себепчи болгон жаран камалды

61
(жаңыланган 13:14 18.05.2021)
Өрттөнгөн батирдин ээси башында кырсыкка тиешеси жоктугун айткан, кийинчерээк үй-бүлөлүк жаңжалдан улам батирин өрттөгөнүн мойнуна алган.

БИШКЕК, 18-май — Sputnik. Кара-Балтада үй-бүлөлүк жаңжалдан улам батирин өрттөп, кошуна батирдеги жарандын өлүмүнө себепчи болгон адам кармалды. Бул тууралуу Чүй ОИИБден билдиришти.

Маалыматта айтылгандай, 15-май күнү кечинде шаардагы батирлердин биринде өрт чыккандыгы тууралуу милицияга билдирүү түшкөн. Окуя болгон жерге милиция, өрт өчүрүү кызматкерлери жана Тез жардам кызматы барган.

"Өрттүн кесепетинен батир толугу менен күйүп, өрттүн түтүнү жогорудагы батирлерге көтөрүлгөн. Анын кесепетинен башка батирдин ээси 57 жаштагы Р.Г. түтүнгө ууланып оорукананын реанимация бөлүмүнө жеткирилген. Анын коногу 40 жаштагы П.Н. түтүнгө ууланып ошол жерде каза болгон", — деп айтылат маалыматта.

Өрттөнгөн батирде 53 жаштагы С.Т. жана 54 жаштагы С.А. аттуу жубайлар жашап келишкен. Бирок кырсык учурунда үй ээлери үйдө жок болушкан.

"Тиешелүү ыкчам-иликтөө иш-чараларынын негизинде өрттөнгөн батирдин ээси кармалган. Башында үй ээси өрткө тиешеси жоктугун айткан, кийинчерээк батирин үй-бүлөлүк жаңжалдан улам өрттөгөнүн мойнуна алган", — деп билдиришти облустук милициядан.

Бул факт Жазык кодексинин 261 ("Коопсуздук эрежелерин бузуу") жана 135-беренеси ("Шалаакылык менен өлүмгө алып келиши") менен кылмыш иши козголгон. Шектүү убактылуу кармоочу жайга киргизилип, сотко чейинки өндүрүш башталды.

61
Белгилер:
милиция, Кара-Балта, кылмыш, шектүү, шалаакылык, өрт, Чыр-чатак
Тема боюнча
Кызуу болчу. Иса Өмүркуловдун уулу себепкер болгон жол кырсыгынын чоо-жайы
Аткаминер. Архив

Эсен Шерботоев "Кыргыз почтасынын" башкы директору болуп дайындалды

0
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

0
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды