Баткен облусунун Кой-Таш айылындагы аскер кызматкерлер

Жети адам жаракат алды. Чек арадагы чыр боюнча тажик тараптын позициясы

715
(жаңыланган 12:24 29.04.2021)
Коңшу өлкө бул суу бөлүштүрүүчү пункт 1924-1927 жана 1989-жылкы картага ылайык Тажикстанга тийиштүү болгонун белгилеген.

БИШКЕК, 29-апр. — Sputnik. Чек арадагы жаңжал учурунда Тажикстандын Исфара районунун Ходжаи Аъло айылынын жети тургуну жаракат алды. Бул туурасында Sputnik Тажикстан Улуттук коопсуздук мамлекеттик кызматынын Чек ара кызматына таянуу менен жазды.

Коңшу өлкөнүн позициясы боюнча, жаңжал "Головной" суу бөлүштүрүүчү пунктунда кечээ, 28-апрелде, саат 16:00дө башталган. Баткен районунун акими Акылбек Оразов башында турган Кыргызстандын жарандары шыкактап, чек аралаш айылдагы тургундардын ортосунда жаңжал чыккан. Чыр-чатак учурунда жети жаранына таш тийип, ар кандай жаракат алганы айтылат.

"Суу жабдуулары кыргыз айылдарынан алыс жайгашканына карабай коңшу өлкөнүн бийлиги алыскы райондордон жарандарды алып келип, улуттар аралык кагылышууга себеп болууда", — деп билдирген Тажикстандын УКМКсы.

Ошондой эле бул суу бөлүштүрүүчү пункт 1924-1927 жана 1989-жылкы картага ылайык Тажикстанга тийиштүү болгону белгиленет.

Баткендеги жаңжал

28-апрель күнү күндүз Баткен районунда кыргыз-тажик чек арасында жаңжал чыккан. Чыр-чатак тажик тарап Ак-Сай айыл өкмөтүнүн аймагынан шагыл жүктөп, мамыларга видеокөзөмөл орнотууга киришкенден кийин башталган.

Ошондон кийин аталган аймакка эки тараптан 100-150дөй киши чогулуп, бири-бирин ташка алган. Кечке маал абал салыштырмалуу турукташып, бирок таңга жуук кайрадан курчуган.

Окуя учурунда төрт кыргызстандык жана беш тажикстандыктын жаракат алганы айтылат. Алардын ичинен бир кыргызстандыкка ок тийип, оор абалда жатат. Ошол эле учурда тажик тарап дагы бир жараны ок жегенин айтып, бирок Кыргызстандын чек арачылары курал колдонбогонун билдирди.

Баткендин Ак-Сай, Ак-Татыр, Самаркандек айыл аймактарына өзгөчө кырдаал режими киргизилди.

Чек арада ушу тапта абал кандай болуп жатканын Sputnik агенттиги жүргүзүп жаткан тексттик трансляциядан билсеңиз болот.

Кыргыз-тажик чек арасынын узундугу 970 чакырымды түзөт, бүгүнкү күндө анын 504 чакырымы гана такталган. Эки өлкө эгемендүүлүк алгандан бери 70 талаштуу аймактын тагдырын чече албай келет.

715
Белгилер:
жаракат, Жаңжал, чек ара, Кыргызстан, Тажикстан
Тема:
Баткендеги кыргыз-тажик жаңжалы (259)
Тема боюнча
Чек ара чыры. Баткендеги соңку кырдаал боюнча онлайн-репортаж
Баткендин үч айылына өзгөчө кырдаал режими кирди. Учурда абал кандай
Чыр чыккан айылдагы эл көчүрүлүүдө, Баткен — Исфана жолу жабылды
Баткен облусунун Ак-Сай айылынын тургундары. Архив

Тажикстан кыргызстандыктарды сабаган жарандары жазаланарын айтты

182
(жаңыланган 00:02 18.05.2021)
Бүгүнкү чатак боюнча жергиликтүү эл менен сүйлөшүү болуп, түшүндүрүү иштери жүргүзүлүп жатат. Чек ара бөлүктөрү күчөтүлгөн тартипте иш алып барууда.

БИШКЕК, 17-май — Sputnik. Кыргызстандыктарды сабоого катышкан тажик жарандары Тажикстандын мыйзамдары боюнча жоопко тартылат. Бул туурасында Кыргызстандын УКМКсынын Чек ара кызматынан кабарлашты.

Окуя боюнча Баткен менен Согди облустарынын жетекчилери эки өлкөнүн күч түзүмдөрүнүн өкүлдөрүнүн жолугушуусунда макулдашуу болгон.

Бүгүн, 17-майда, Тажикстан менен чектешкен Ак-Сай айылында тургундар эртең менен үч тажик жаранын кармап, өлкө аймагында эмнеге жүргөнүн тактоо максатында милицияга жеткирип беришкен. Ошол эле учурда тажик жарандары Тажикстандын Ворух айылы аркылуу жайлоодон келе жаткан үч кыргыз жаранын кармап алышкан. Алдын ала маалыматтарга ылайык, кыргыз жарандарынын сабалганы айтылып, ооруканага жөнөтүлгөн.

Бул окуя боюнча Баткен жана Согди облусунун башчылары телефон аркылуу сүйлөшүп, эки облустун күч түзүмдөрүнүн жетекчилерин жеринде жолугуштурууну макулдашышкан. Натыйжада эки облустун күч түзүмдөрү эл менен сүйлөшүп, эки тараптан тең кармалган адамдар бошотулган.

Чек ара кызматынан кыргызстандыктарды сабаган факты болгондугун жана бул тууралуу кечирээк маалымат бере тургандыктарын айткан.

Учурда чек арада абал туруктуу. Сүйлөшүүлөрдө Ак-Сай (КР) менен Ворух (ТР) айылдарына милиция постун коюу боюнча макулдашуу болду. Жакын арада эки тараптан айыл аксакалдарынын жолугушуусу пландалган.

Бүгүн Баткен облусунун жетекчилиги ак-сайлыктар менен жолугуп, тажик тарап менен болгон жолугушуу боюнча маалымат берген.

Баткен облусунда жайгашкан Чек кызматынын бөлүмдөрү күчөтүлгөн тартипте иш алып барып жатканы кабарланды.

182
Белгилер:
милиция, сабоо, кыргыз-тажик чек арасы, Тажикстан, Кыргызстан
Тема:
Баткендеги кыргыз-тажик жаңжалы (259)
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту

Ракета тийген имарат бир секундда урады. Газадан тартылган видео

158
(жаңыланган 20:06 17.05.2021)
Израиль менен Палестинанын ортосундагы куралдуу конфликт дагы деле уланып жатат. Тараптар бир нече күндөн бери бири-бирине ракеталарды кое берүүдө.

Май айынын башында Чыгыш Иерусалимдеги Шейх-Жаррахта жашаган бир нече палестиналык үй-бүлөнү аталган аймактан чыгаруу боюнча соттун чечиминен кийин палестиналыктар нааразы болуп чыгышкан. Мындан улам абал курчуп Аль-Акс мечитинин жанында Израиль полициясы менен Палестинанын жарандары кагылышкан. Кийин ХАМАС согушкерлер тобу Израилдин аймагына ракета ата баштаган. Израиль дагы жооп катары Газа тилкесине ракета менен сокку ура баштады.

Израилде 10 адам курман болуп, 50 киши жабыркады. Палестинада болсо курман болгондордун саны 218 кишиге жетти.

Акыркы маалыматтарга караганда, ракеталар Израилдеги Ашдоде шаарындагы имараттардын бирине тийген. Жабыркагандар бар. Израилдин армиясынын маалыматы боюнча, алар ХАМАС кыйымылынын командирлеринин үйлөрүн аткылап жатышат.

158
Белгилер:
ХАМАС, согуш, ракета, Газа тилкеси, Израиль
Тема боюнча
Имараттарды кыйраткан ракеталар. Газа тилкесинен тартылган видео
Газа тилкесинде көз жумган палестиналыктардын саны 181ге жетти
Убактылуу баш паанек сурап БУУга 40 миңге чукул палестиналык кайрылды
ТИМ башчысы Руслан Казакбаев. Архив

Душанбеде өтө турчу ЖККУ жыйынына ТИМ башчысы Руслан Казакбаев катышат

0
(жаңыланган 09:41 18.05.2021)
Тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкууламакчы.

БИШКЕК, 18-май — Sputnik. ТИМ башчысы Руслан Казакбаев Тажикстанда өтө турчу ЖККУга мүчө мамлекеттердин тышкы иштер министрлеринин кеңешинин кезектеги жыйынына катышат. Бул тууралуу мекеменин маалымат кызматы кабарлады.

Жыйын эртең, 19-майда, Тажикстандын борбор калаасы Душанбе шаарында өтөт.

Иш-чаранын жүрүшүндө тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкуулайт.

Ошондой эле ЖККУнун алкагында тышкы саясатты координациялоону күчөтүү маселелери боюнча пикир алышуу, ушул жылдын экинчи жарымында Душанбе шаарында өткөрүүнү пландаштырып жаткан Жамааттык коопсуздук кеңешинин сессиясына даярдыктын жүрүшүн талкуулоо пландалып жатат.

0
Белгилер:
Руслан Казакбаев, ТИМ, Душанбе, Тажикстан
Тема боюнча
Путин Кыргызстан менен Тажикстанга ортомчу болууга даяр