Калашников автоматы. Архив

Чек ара чыры. Баткенде тынбай ок атылган видеолор тарай баштады

424
(жаңыланган 15:36 29.04.2021)
Күбөлөр социалдык тармакта тараткан видеодон адамдар казылган жерде баш калкалап жатышканын көрүүгө болот.

БИШКЕК, 29-апр. — Sputnik. Баткендин Тажикстан менен чектешкен аймагында тынбай ок атылып, жардыруулар угулуп жатат.

Күбөлөр жеринен видео тартып социалдык тармактарга жарыялоодо. Андан адамдар казылган жерде баш калкалап жатышканын көрүүгө болот.

Баткендеги жаңжал

28-апрелде күндүз Баткен районунда кыргыз-тажик чек арасында жаңжал чыккан. Чыр-чатак тажик тарап Ак-Сай айыл өкмөтүнүн аймагынан шагыл жүктөп, мамыларга видеокөзөмөл орнотууга киришкенден кийин башталган.

Ошондон кийин аталган аймакка эки тараптан 100-150дөй киши чогулуп, бири-бирин таш менен ургулаган. Кечке маал абал салыштырмалуу тынчыганы менен, бирок таңга жуук кайрадан курчуган.

Окуя учурунда төрт кыргызстандык жаракат алып, алардын ичинен бирөө ок жеп оор абалда жатат. Ошол эле учурда тажик тарап жети адамга таш тийип жабыркаганын айтууда.

Баткендин Ак-Сай, Ак-Татыр, Самаркандек айыл аймактарына өзгөчө кырдаал режими киргизилди.

Кыргыз-тажик чек арасынын узундугу 970 чакырымды түзөт, бүгүнкү күндө анын 504 чакырымы гана такталган. Эки өлкө эгемендүүлүк алгандан бери талаштуу 70 аймактын тагдырын чече албай келет.

Ал эми кыргызстандын борбору Бишкек шаарында чек ара чырына байланыштуу Жогорку Кеңештин депутаттары жыйынга чогулмай болду.

Чек арада ушу тапта абал кандай болуп жатканын Sputnik агенттиги жүргүзүп жаткан тексттик трансляциядан билсеңиз болот.

424
Белгилер:
видео, ок атуу, чек ара, Баткен, Кыргызстан
Тема:
Баткендеги кыргыз-тажик жаңжалы (239)
Тема боюнча
Өкмөт үйүнүн алдында чек ара чырын чечүү талабы менен митинг өтүп жатат. Видео
УКМК: "Суу бөлүштүрүүчү жай" мурда эле Кыргызстандын аймагында болчу
Кабулдагы жарылуу болгон жерде адамдар турушат (Афганистан)

Кабулдагы жардыруудан 63 киши каза тапты. Көз жумгандардын көбү кыздар

18
(жаңыланган 10:28 10.05.2021)
8-май күнү шаардагы мектептердин биринин жанында мина коюлган автоунаа жардырылып, андан кийин эки ирет ракеталык чабуул болгон.

БИШКЕК, 10-май — Sputnik. Афганистандын борбору Кабул шаарында жардыруу болуп, каза тапкандардын саны 63кө жетти. Бул тууралуу РИА Новости Tolo News телеканалына таянып кабарлады.

Билдирмеге караганда, 8-май күнү шаардагы мектептердин биринин жанында мина коюлган автоунаа жардырылып, андан кийин эки ирет ракеталык чабуул жасалган.

Жардыруу окуучулар мектептен чыгып бара жатканда болгон. Көз жумгандардын көбү кыздар экени айтылды. Жардыруудан 150 адам жабыркаган.

Бул кол салууга "Талибан" радикалдык кыймылы тиешеси жок экенин билдирди. Афганистандын президенти Ашраф Гани чабуулду талибдер жасаганын айтып, аларды айыптаган.

Белгилей кетсек, Афганистандагы аскердик-саясий кырдаал улам курчуп баратат. АКШ жана НАТО күчтөрү өлкөдөн чыгып, талибдер провинциялардын бир тобун, анын ичинде түндүк тарабын да көзөмөлдөөдө.

18
Тема боюнча
Бразилияда метродо атышуу болуп, 25 киши көз жумду. Видео
Бычак кармаган кыз. Архивдик сүрөт

Аялын бычактап милиция чакырган эргул. Апрелдеги соттук чечимдер

146
(жаңыланган 10:12 10.05.2021)
Өлкөдө өз ишмердүүлүгүн жүргүзгөн Фемида өкүлдөрү узап кеткен айда жүздөгөн кылмыш иштерди карап чыгып, тиешелүү өкүмдөрдү кабыл алды.

Булардын арасында өзгөчө оор коррупциялык былыктар да бар. Sputnik Кыргызстан агенттиги апрель айында кабыл алынган айрым чуулуу иштерди сунуштайт.

Стакандашын мууздаган зөөкүрлөр

Борбор калаада унаа жууган жайда иштеген эки жигит жумуштан кийин бир шеригин үйгө чакырып, арак ичип отуруп уруша кеткен. Мейман болуп келген баланы тиги экөө катуу сабап, мыкаачылык менен өлтүрүп коюшкан. Тактап айтканда, жабырлануучуну ашкана бычагы менен мууздап, башын баштыкка салып таштандыга, тулку боюн чоң каналга ыргытып жиберген. Териштирүүдө алгач эки айыпталуучу күнөөсүн мойнуна алып, кийин берген көрсөтмөлөрүнөн баш тарткан. Сот зөөкүрлөрдү 12,5 жылдан түрмөдө калтырды.

Куралчан кылмыштуу топ

Жети адамдан турган кылмыштуу топту спецназ атайын операция өткөрүп Бишкекте колго түшүргөн. Укук коргоо кызматкерлери тинтүү маалында алардан эки магазини менен Калашников автоматын, бир сайлуу ок атуучу курал, травматикалык тапанча жана 100гө жакын ок тапкан. Кармалгандардын көпчүлүгү Талас облусунан келип, борбор калаада ижарага алынган бир батирде чогуу турушкан. Ал топтун мүчөлөрү курал колдонуп башка бир кылмыштуу топтун мүчөлөрүнө сес көрсөтүүнү пландаган. Тергөө мааалында шектүүлөр бири-бирин тааныбай турганын, жөн гана бир жерде эле чогуу болуп калганын айткан. Погончондор куралчан жүргөн эргулдарды мыйзамсыз курал-жарак сатуу, сатып алуу, сактоо, ташуу жана алып жүрүүгө айыптаган. Фемида өкүлдөрү уюшкан топтун эки мүчөсүн 7,5 жылга, бирөөсүн 3,5 жылга камакта калтырып, калган төртөөнө 220-240 миң сомдон айып пул салды. Ал эми ок атуучу жарактар Ички иштер министрлигине өткөрүп берилген.

Аялын бычактаган эргул

Бир жарым жыл мурун курулушта бутун кокустатып, балдак таянууга аргасыз болгон 47 жаштагы эркек ден соолугуна байланыштуу мурдагыдай тыйын таппай калган. Күн өткөн сайын үйдөгү чатак да ырбаган. Бир күнү чогуу жашап жүргөн аялы экөө дасторкон үстүндө ызылдаша кетип, ал колундагы бычак менен келинди көкүрөккө, ичке, далыга сайып мыкаачылык менен өлтүргөн. Андан соң жакындарына чалып келинчегин өлтүрүп алганын кабарлап, милиционерлерди да үйгө өзү чакырткан. Сотто ал "мас эмес болчумун, кылган ишиме өкүнөм жана мыйзам чегинде жеңил жаза берүүңүздөрдү өтүнөм" деген. Эми ал 14 жылдык өмүрүн түрмөдө өткөрмөй болду.

Маркумду өрттөгөнгө аракет кылган

Шектүү өзүнүн стакандашы менен арак ичип отуруп, өз ара ызылдаша кетип аны өлгүчө катуу сабап койгон. Андан соң маркумдун сөөгүн каралбай жаткан жерге көтөрүп барып өрттөгөнгө аракет кылган, эгер ал көздөгөнүн соңуна чейин ишке ашырганда укук коргоо кызматкерлери каза болгон жарандын ким экенин аныктай албай калмак. Соттук-медициналык экспертиза кайтыш болгон 20 жаштагы жигиттин денесинен көгала так жана жаракаттардын изин тапкан. Адам өмүрүн алган айыпталуучу эми 13 жыл темир тор артында болот.

Миллиондор жана алдамчылык

Соттолуучу буга чейин бир нече кылмыш иши боюнча жатак абагында жазасын өтөп чыккан. Бирок ага карабай 2017-жылы муниципалдык кызматка аралашып, Бишкектеги бир акимчиликте экономика жана финансы бөлүмүнүн жетектөөчү адисинин милдетин аткарып келген. Ал жактан дагы шектүү "көнгөн адат калабы, уйга жүгөн салабы" болуп эки жылда сегиз адамды сызга отургузган. Бишкектин мурдагы мэри Нариман Түлеевден сот аркылуу өндүрүлгөн сегиз батирдин документин жасап, 33 миллион 070 миң 250 сомго сатып жиберген. Андан сырткары, автоунаа сатуу менен да шугулданган. Убакыт өтүп былыктары четинен ачыктала баштаганда алдамчылык менен пайда тапкан жаран Баткенде качып жүрүп Тажикстанга өтүп, андан ары Түркияга учуп кетүүнү пландаштырган. Бирок аны ИИМ менен УКМКнын кызматкерлери Лейлекте чек арадан колго түшүргөн. Сот аны беш жылга темир артында калтырды.

146
Белгилер:
өкүм, шектүү, сот, кылмыш, Кыргызстан
Тема боюнча
Чек арадан уурдалган кыргызстандыктар боюнча иш козголду
Акча алмаштыруучу жайдагы адам. Архив

Чет элдик валюталар арзандап, алтын кымбаттады. Күйүүчү май боюнча абал кандай

0
(жаңыланган 10:42 10.05.2021)
Sputnik редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып көрдү.

БИШКЕК, 10-май. — Sputnik. Бир катар валюталардын сомго карата наркы түшүп, алтындын баасы, тескерисинче, көтөрүлдү. Күйүүчү май мурдагы эле баада сатылууда.

Өткөн жума күнгө салыштырмалуу акча алмаштыруу жайларында доллар 14 (сатып алуу) жана 13 тыйынга (сатуу) арзандады. Еврону сатып алуу үчүн мурдагыдан 11 тыйынга азыраак төлөсөңүз, сатуу үчүн 8 тыйынга төмөнүрөөк баа коесуз. Рубль дагы арзандады, сатуу 0,1 тыйын, сатуу 0,4 тыйын болду. Теңгенин курсу билинер-билинбес төмөндөдү.

Ишемби күнкүгө салыштырмалуу күйүүчү майдын баасы ошол бойдон.

"Роснефть":

  • АИ-92 — 49 сом;
  • АИ-95 — 51 сом;
  • Дизель майы — 45,2 сом.

"Газпром нефть Азия":

  • АИ-92 — 48,9 сом;
  • АИ-95 — 50,9 сом;
  • Дизель майы — 44,9 сом.

Ал эми алтындын баасы бир топ жогорулады. Мисалы, бир грамм алтын 62,5 сомго кымбатыраак сатыла баштады. Эске салсак, 2015-жылдан тарта Улуттук банк алтын куймаларын сатыкка чыгарган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты түрдүү уютмадан турат, салмагы бирден 100 граммга чейин.

0
Белгилер:
баа, алтын, доллар, бензин, Бишкек
Тема боюнча
Бишкектин айрым май куюу жайларында бензин кымбаттады
Кыргызстандын алтын кору бир айда 5 млрд. сомго азайып кетти