Баткенде жаракат алгандардын саны 20дан ашышы мүмкүн. ӨКМдин билдирүүсү

© Фото / пресс-служба полпредства правительства в Баткенской областиБаткен облусунун Көк-Таш айылындагы аскер кызматкерлери
Баткен облусунун Көк-Таш айылындагы аскер кызматкерлери - Sputnik Кыргызстан, 1920, 29.04.2021
Жазылуу
ӨКМ атышуу болгон жерден ооруканага дагы 15ке жакын жабырлануучунун келиши күтүлүп жатканын билдирди. Учурда жети киши дарыланууда.
БИШКЕК, 29-апр. — Sputnik. Өзгөчө кырдаалдар министрлиги Баткен районундагы кыргыз-тажик чек арасындагы окуяда ооруканага түшкөндөр жана жаракат алгандар тууралуу маалымат берди.
Ага ылайык, Баткен облусунун аймактык ооруканасына жети киши жаткырылды.
"Алардын экөөсүнүн абалы оор. Жай тургундар эвакуацияланды. Атышуу болгон жерден дагы 15ке жакын жабырлануучунун келиши күтүлүүдө", — деп айтылат маалыматта. 

Баткендеги жаңжал

28-апрелде күндүз Баткен районунда кыргыз-тажик чек арасында жаңжал чыккан. Чыр-чатак тажик тарап Ак-Сай айыл өкмөтүнүн аймагынан шагыл жүктөп, мамыларга видеокөзөмөл орнотууга киришкенден кийин башталган.
Кыргыз-тажик чек арасындагы ИИМ кызматкерлери - Sputnik Кыргызстан, 1920, 29.04.2021
Чек ара чыры. Баткендеги соңку кырдаал боюнча онлайн-репортаж
Ошондон кийин аталган аймакка эки тараптан 100-150дөй киши чогулуп, бири-бирин таш менен ургулаган. Кечке маал абал салыштырмалуу тынчыганы менен, бирок таңга жуук кайрадан курчуган.
Баткендин Ак-Сай, Ак-Татыр, Самаркандек айыл аймактарына өзгөчө кырдаал режими киргизилди.
Кыргыз-тажик чек арасынын узундугу 970 чакырымды түзөт, бүгүнкү күндө анын 504 чакырымы гана такталган. Эки өлкө эгемендүүлүк алгандан бери талаштуу 70 аймактын тагдырын чече албай келет.
Ал эми кыргызстандын борбору Бишкек шаарында чек ара чырына байланыштуу Жогорку Кеңештин депутаттары жыйынга чогулмай болду.
Чек арада ушу тапта абал кандай болуп жатканын Sputnik агенттиги жүргүзүп жаткан тексттик трансляциядан билсеңиз болот.
Жаңылыктар түрмөгү
0