Sputnik Кыргызстан агенттигинин кабарчысы Зульфия Тургунова. Архив

Баткенде белгисиз адамдар Sputnik агенттигинин кабарчысына кол салды

554
(жаңыланган 14:53 30.04.2021)
Журналист облустук администрациянын имаратынын жанында өзүнүн кесиптик милдетин аткарып жаткан кезде ага карата кол салуу болгон.

БИШКЕК, 30-апр. — Sputnik. Баткен облусунда белгисиз адамдар Sputnik Кыргызстан агенттигинин кабарчысы Зульфия Тургуновага кол салды.

Окуя журналист өзүнүн кесиптик милдетин аткарып жатканда, тагыраагы, УКМК төрагасы Камчыбек Ташиевдин жергиликтүү калк менен жолугушуусу учурунда болгон.

"Топтолгон эл камерага тартууга тыюу салды, мындан улам тартуу иштерин токтоттум. Ташиевдин сөзүн угуш үчүн эл чогулган жерге барганымда эркектер түртүп, жерге сүйрөштү. Ташиевди кайтарган атайын даярдыктагы аскерлер карап турушту, чара көрүшкөн жок. Ташиев менен облус жетекчиси Өмүрбек Суваналиев дагы буга күбө болушту”, — деди Тургунова.

Баткен облустук ИИБ маалыматты тактап жатат. Учурда журналисттин абалы жакшы.

Sputnik Кыргызстан маалымат агенттигинин шеф-редактору Эркин Алымбеков журналисттин кесиптик милдетин аткарууга бөгөт коюу, айрыкча ага кол салуу аракетине мыйзам боюнча тартип сакчылары жол бербеши керектигин белгилеп, антпесе, Кыргызстандын Кылмыш-жаза кодексинин “Адамды коркунучта калтыруу” беренеси укук коргоочуларга карата иштеп каларын эскертти. 

Лейлек районундагы чек ара кызматкери. Архив
© Фото / пресс-служба полпредства правительства в Баткенской области
"Учурда жеринде Sputnik Кыргызстан агенттигинин башка тартуу тобу иштеп жатат. Журналисттер Бишкектен Баткенге жеткичекти биз аймактык кабарчы Зульфия Тургунованы Камчыбек Ташиевдин эл менен жолугушуусун чагылдырууга жардам берүүнү суранганбыз. Белгилей кетчү жагдай, адамга кол салуу — бул Кылмыш-жаза кодексиндеги өзүнчө берене. Мында журналисттин кесиптик милдеттерине дагы бөгөт коюлган. Биз, албетте, андагы кырдаалды, элдин эмоциясын түшүнүп турабыз. Бирок ошол эле учурда мыйзам бузууга эч кимдин укугу жок. Журналисттердин иши ушундай, элге маалымат жеткирүү керек. Кыргызстандын элине жана дүйнөлүк коомчулукка туура эмес маалыматтар тарап кетпеши үчүн, тескерисинче, журналисттерди коргоого чакырам. Алар чек арадагы кырдаалга тыкыр көз салып жатышат. Маалыматтар кесипкөй адистер тарабынан текшерилип жайылтылганы оң. Укук коргоо органдарын бул ишке кийлигишүүгө, журналисттерге каршы мыйзам бузууларга жол бербөөгө чакырам”, — деди агенттиктин шеф-редактору.

Эске салсак, УКМКнын төрагасы Камчыбек Ташиев өкмөттүн Баткендеги өкүлчүлүгүнүн имаратынын алдында эл менен жолугушту.

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 13 кыргызстандык каза болду. Алардын арасында 13 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.

Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө. Бирок буга карабастан ок атуу токтой электиги айтылып келет.

Бир нече айылдын тургундары үй-жайын таштап, аймактан чыгып кетүүгө аргасыз болгон.

Баткендеги чек арадагы кырдаал тууралуу акыркы маалыматтарды биздин Telegram каналыбыздан окуңуздар.

Чек арадагы абал тууралуу Sputnik Кыргызстан агенттиги тексттик трансляция да жүргүзүп жатат.

554
Белгилер:
кол салуу, кабарчы, Баткен
Тема:
Баткендеги кыргыз-тажик жаңжалы (253)
Тема боюнча
Камчыбек Ташиев Баткенге барып, эл менен жолукту
Мектеп, ресторан, застава. ӨКМ Баткенде канча имарат өрттөнгөнүн айтты
Министр Алымкадыр Бейшеналиев Баткенге учуп кетти

Имараттарды кыйраткан ракеталар. Газа тилкесинен тартылган видео

233
(жаңыланган 18:49 14.05.2021)
Израиль армиясынын Газага абадан урган соккуларынан улам курман болгондордун саны өсүүдө. Алардын арасында аялдар менен балдар бар. Расмий маалыматтар боюнча, 119 адам каза таап, жүздөгөн киши жаракат алган.

Израиль менен Палестинанын ортосундагы конфликт 10-май күнү кечинде курчуган. Эки жак тең ракета менен аткылоону токтотпой жатат.

Газа тилкесинен 1 500дөн ашык ракета коё берилген. Израиль дагы ХАМАС кыймылына жооп кайтарууда.

Буга чейин ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Ал эми 7-майда палестиналыктар менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

233
Белгилер:
мечит, Палестина, Израиль
Тема боюнча
Эмнеге Пентагонго Борбор Азияда орун жок? Сереп
Кишенчен киши. Архив

Бишкекте энеси менен кызын өлтүрүүгө шектелип өспүрүм кармалды

93
(жаңыланган 18:18 14.05.2021)
Милициянын маалыматы боюнча, кармалган шектүү буга чейин соттолгон. Ал Ысык-Көл облусунда окуп, 2018-жылдан бери Токмок шаарында жашап келген.

БИШКЕК, 14-май — Sputnik. Милиция Бишкектин борборунда эки аялды өлтүрүүгө шектүү катары 16 жаштагы Ж.М. аттуу жаранды колго түшүрдү. Бул тууралуу Свердлов райондук милициянын маалымат кызматы билдирди.

Бишкектеги Жибек жолу жана Ибраимов көчөлөрүнүн кесилишиндеги турак үйлөрдүн биринде киши колдуу болгон эки аялдын сөөгү табылганы тууралуу кабар укук коргоо органдарына 12-майда саат 11:25те келген. Окуя болгон жерге барган милиция каза болгондор 63 жаштагы А.А. жана анын 31 жаштагы А.А. аттуу кызы экенин аныкташкан. Маркумдардын денесинде зомбулуктун издери байкалган. Шаардык милиция Кылмыш кодексинин 130-беренеси ("Эки же андан көп адамды өлтүрүү") боюнча кылмыш ишин козгогон. 13-майда тергөөчүлөр кылмышкердин изине түшкөн.

Маалыматка ылайык, шектүү буга чейин соттолгон, Ысык-Көл облусунун тургуну.

"Шектүү жаран мыйзамдуу өкүлдөрү, жактоочусунун катышуусунда өткөрүлгөн суракта жасаган ишин мойнуна алган. Мындан сырткары, атайын тергөө амалдарынын жүрүшүндө кылмыш жасоодо колдонулган далил буюмдарды берген. Ал сотко чейинки өндүрүшкө камтылды", — деп айтылат ШИИБдин билдирүүсүндө.

Мындан сырткары, шектүү Ысык-Көл облусунда орто мектепте 7-класска чейин окуп, 2018-жылы Чүйдүн Токмок шаарына көчүп келип жашаганы аныкталган.

Алдын ала маалыматка ылайык, 31 жаштагы аял өлөр алдында зордукталган.

93
Белгилер:
шектүү, адам өлтүрүү, аялдар, милиция, Бишкек
Тема боюнча
Өзгөндө таксистти өлтүрүп, сөөгүн өрттөп салган өспүрүмдөргө өкүм чыкты
Лебединовкада кыз ала качууга шектелген жаран милицияга өзү келди
УКМК имараты. Архив

Жээнбеков генерал наамдарын мыйзамсыз ыйгарганбы? УКМК текшере баштады

0
(жаңыланган 22:55 14.05.2021)
Интернетте экс-президент Сооронбай Жээнбеков генерал наамдарын мыйзамсыз берген деген маалыматтар тарап жатат.

БИШКЕК, 14-май — Sputnik. Улуттук коопсуздук мамлекеттик комитети мурдагы ички иштер министринин орун басарлары менен УКМК төрагасынын мурдагы орун басарына генерал наамдары ыйгарылган деген маалыматты текшерип жатат. Бул тууралуу атайын органдын маалымат кызматы кабарлады.

Буга чейин интернетте экс-президент Сооронбай Жээнбеков иштен кетер алдында өткөн дата менен ошол кездеги ички иштер министринин орун басарлары Мирлан Канимет менен  Алмазбек Орозалиевге жана УКМК төрагасынын биринчи орун басары Талант Салиевге генерал наамдарын тапшырып кеткен деген маалымат тараган.

Орозалиев кызматынан 21-октябрда кол жууса, Каниметов 3-апрелде кеткен. Ал эми Салиев жумуштан 16-октябрда бошотулган.

Кыргызстанда канча генерал бар экенин Sputnik Кыргызстан агенттиги даярдаган материалдан окуй аласыздар

0
Белгилер:
УКМК, текшерүү, наам, генерал
Тема боюнча
Садыр Жапаров дагы бир жетекчиге генерал наамын берди