Бульдозер имаратты бузуу учурунда. Архив

Чек ара: интернетте кыргызстандыктардын үйлөрү түрттүрүлүп жаткан видео тарады

842
(жаңыланган 17:11 30.04.2021)
Бул кадрлар Лейлек районунун Жаңы-Жер айыл өкмөтүнө караштуу Борбордук айылында тартылганы айтылууда.

БИШКЕК, 30-апр. — Sputnik. Баткендеги кыргыз-тажик жаңжалы болуп жаткан аймагында тажик жарандары кыргызстандыктардын турак жайын жүктөөчү машина (погрузчик) менен түрттүрүп жаткан видео интернетке тарады.

Кадрлар Лейлек районунун Жаңы-Жер айыл өкмөтүндөгү Борбордук айылында тартылганы айтылууда.

Видеодогу адамдар тажик тилинде сүйлөшүп, тегеректеги үйлөрдүн кайсынысы кыргызстандыктарга тиешелүү экенин айтып жатканын угууга болот.

Мындай окуялар бүгүн Борбордук жана Арка айылдарында болгонун өкмөттүн облустагы өкүлчүлүгүнөн билдиришти.

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 13 кыргызстандык каза болду. Алардын арасында 13 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.

Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө.

Бүгүн УКМК төрагасы Камчыбек Ташиев Тажикстандын атайын кызматынын жетекчиси Саймумин Ятимов менен сүйлөшүп, абал бүгүн кечке чейин жөнгө салынарын айтты.

Учурда аймакта кырдаал кандай болуп жатканын Sputnik Кыргызстан агенттигинин тексттик трансляциясынан көрө аласыздар.

842
Белгилер:
турак-жай, чек ара, Тажикстан, Баткен, Кыргызстан
Тема:
Баткендеги кыргыз-тажик жаңжалы (239)
Тема боюнча
Милиция: Лейлекте ок бирде атылып, бирде токтоп жатат
Мирзиёев Жапаров жана Рахмон менен сүйлөшүп, эки элди ынтымакка чакырды
Бычак кармаган кыз. Архивдик сүрөт

Аялын бычактап милиция чакырган эргул. Апрелдеги соттук чечимдер

140
(жаңыланган 19:23 09.05.2021)
Өлкөдө өз ишмердүүлүгүн жүргүзгөн Фемида өкүлдөрү узап кеткен айда жүздөгөн кылмыш иштерди карап чыгып, тиешелүү өкүмдөрдү кабыл алды.

Булардын арасында өзгөчө оор коррупциялык былыктар да бар. Sputnik Кыргызстан агенттиги апрель айында кабыл алынган айрым чуулуу иштерди сунуштайт.

Стакандашын мууздаган зөөкүрлөр

Борбор калаада унаа жууган жайда иштеген эки жигит жумуштан кийин бир шеригин үйгө чакырып, арак ичип отуруп уруша кеткен. Мейман болуп келген баланы тиги экөө катуу сабап, мыкаачылык менен өлтүрүп коюшкан. Тактап айтканда, жабырлануучуну ашкана бычагы менен мууздап, башын баштыкка салып таштандыга, тулку боюн чоң каналга ыргытып жиберген. Териштирүүдө алгач эки айыпталуучу күнөөсүн мойнуна алып, кийин берген көрсөтмөлөрүнөн баш тарткан. Сот зөөкүрлөрдү 12,5 жылдан түрмөдө калтырды.

Куралчан кылмыштуу топ

Жети адамдан турган кылмыштуу топту спецназ атайын операция өткөрүп Бишкекте колго түшүргөн. Укук коргоо кызматкерлери тинтүү маалында алардан эки магазини менен Калашников автоматын, бир сайлуу ок атуучу курал, травматикалык тапанча жана 100гө жакын ок тапкан. Кармалгандардын көпчүлүгү Талас облусунан келип, борбор калаада ижарага алынган бир батирде чогуу турушкан. Ал топтун мүчөлөрү курал колдонуп башка бир кылмыштуу топтун мүчөлөрүнө сес көрсөтүүнү пландаган. Тергөө мааалында шектүүлөр бири-бирин тааныбай турганын, жөн гана бир жерде эле чогуу болуп калганын айткан. Погончондор куралчан жүргөн эргулдарды мыйзамсыз курал-жарак сатуу, сатып алуу, сактоо, ташуу жана алып жүрүүгө айыптаган. Фемида өкүлдөрү уюшкан топтун эки мүчөсүн 7,5 жылга, бирөөсүн 3,5 жылга камакта калтырып, калган төртөөнө 220-240 миң сомдон айып пул салды. Ал эми ок атуучу жарактар Ички иштер министрлигине өткөрүп берилген.

Аялын бычактаган эргул

Бир жарым жыл мурун курулушта бутун кокустатып, балдак таянууга аргасыз болгон 47 жаштагы эркек ден соолугуна байланыштуу мурдагыдай тыйын таппай калган. Күн өткөн сайын үйдөгү чатак да ырбаган. Бир күнү чогуу жашап жүргөн аялы экөө дасторкон үстүндө ызылдаша кетип, ал колундагы бычак менен келинди көкүрөккө, ичке, далыга сайып мыкаачылык менен өлтүргөн. Андан соң жакындарына чалып келинчегин өлтүрүп алганын кабарлап, милиционерлерди да үйгө өзү чакырткан. Сотто ал "мас эмес болчумун, кылган ишиме өкүнөм жана мыйзам чегинде жеңил жаза берүүңүздөрдү өтүнөм" деген. Эми ал 14 жылдык өмүрүн түрмөдө өткөрмөй болду.

Маркумду өрттөгөнгө аракет кылган

Шектүү өзүнүн стакандашы менен арак ичип отуруп, өз ара ызылдаша кетип аны өлгүчө катуу сабап койгон. Андан соң маркумдун сөөгүн каралбай жаткан жерге көтөрүп барып өрттөгөнгө аракет кылган, эгер ал көздөгөнүн соңуна чейин ишке ашырганда укук коргоо кызматкерлери каза болгон жарандын ким экенин аныктай албай калмак. Соттук-медициналык экспертиза кайтыш болгон 20 жаштагы жигиттин денесинен көгала так жана жаракаттардын изин тапкан. Адам өмүрүн алган айыпталуучу эми 13 жыл темир тор артында болот.

Миллиондор жана алдамчылык

Соттолуучу буга чейин бир нече кылмыш иши боюнча жатак абагында жазасын өтөп чыккан. Бирок ага карабай 2017-жылы муниципалдык кызматка аралашып, Бишкектеги бир акимчиликте экономика жана финансы бөлүмүнүн жетектөөчү адисинин милдетин аткарып келген. Ал жактан дагы шектүү "көнгөн адат калабы, уйга жүгөн салабы" болуп эки жылда сегиз адамды сызга отургузган. Бишкектин мурдагы мэри Нариман Түлеевден сот аркылуу өндүрүлгөн сегиз батирдин документин жасап, 33 миллион 070 миң 250 сомго сатып жиберген. Андан сырткары, автоунаа сатуу менен да шугулданган. Убакыт өтүп былыктары четинен ачыктала баштаганда алдамчылык менен пайда тапкан жаран Баткенде качып жүрүп Тажикстанга өтүп, андан ары Түркияга учуп кетүүнү пландаштырган. Бирок аны ИИМ менен УКМКнын кызматкерлери Лейлекте чек арадан колго түшүргөн. Сот аны беш жылга темир артында калтырды.

140
Белгилер:
өкүм, шектүү, сот, кылмыш, Кыргызстан
Тема боюнча
Чек арадан уурдалган кыргызстандыктар боюнча иш козголду
Медицина кызматкер бейтаптын жанында. Архивдик сүрөт

COVID: 6 бейтап каза таап, 321 адам ооруну жуктурду. Статистика

128
(жаңыланган 13:40 09.05.2021)
Учурда ооруканаларда дарыланып жаткандардын ичинен 458и оор, 85 бейтап өтө оор абалда экени кабарланды.

БИШКЕК, 9-май — Sputnik. Өткөн суткада коронавирустан алты бейтап көз жумуп, 321 кыргызстандык ооруну жуктуруп алган. Ал эми айыгып чыккандардын саны 292 болду. Бул туурасында Республикалык штабдан кабарлашты.

"Бишкектен беш, Чүй облусунан бир бейтап, бардыгы болуп алты киши кайтыш болуп, коронавирустан каза тапкандардын жалпы саны 1 655ке жетти", — деп айтылат маалыматта.

Бир сутка ичинде коронавирус жана пневмония менен 321 жаңы учур катталган:

  • Бишкек - 221;
  • Ош - 7;
  • Чүй облусу – 54;
  • Талас облусу - 1;
  • Нарын облусу - 11;
  • Ысык-Көл облусу – 20;
  • Жалал-Абад облусу – 7.

Соңку сандарды кошкондо ооруну жугузгандар 98 400 кишиге жетти.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек – 183;
  • Ош шаары – 4;
  • Чүй облусу – 75;
  • Ош облусу – 3;
  • Талас облусу – 4;
  • Ысык-Көл облусу – 13;
  • Жалал-Абад облусу – 7;
  • Баткен облусу – 3.

Учурда ооруканаларда дарыланып жаткан 1 653 кишинин ичинен 458и оор, 85 бейтап өтө оор абалда экени кабарланды. Амбулатордук дарыланууда 2 514 киши бар.

128
Белгилер:
өлүм, айыгуу, жугуу, коронавирус, Кыргызстан
Тема боюнча
Министрлик: вакцина алгандарда антителонун деңгээли жогору экени аныкталды
Ички иштер министри Улан Ниязбеков жана Баткен облусунда иш сапары менен

Кыргызстан Тажикстандын ИИМи менен кайгуул күзөттөрүн уюштурууну сүйлөштү

0
(жаңыланган 09:55 10.05.2021)
ИИМ башчысы кечээ Баткенге барган. Тажикстандык кесиптештери менен чек арага чектеш аймактарда абалды турукташтыруу жана коомдук тартипти жөнгө салууну сүйлөшүштү.

БИШКЕК, 10-май. — Sputnik. Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту. Бул тууралуу ИИМдин маалымат кызматы кабарлады.

  • Министр внутренних дел Улан Ниязбеков с рабочей поездкой посетил Баткенскую область. 09 мая 2021 года
    Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту
    © Фото / пресс-служба МВД КР
  • Министр внутренних дел Улан Ниязбеков с рабочей поездкой посетил Баткенскую область. 09 мая 2021 года
    Жолугушуу 9-майда Баткен облусунун аймагында өтүп, министр ошол жакка барган
    © Фото / пресс-служба МВД КР
1 / 2
© Фото / пресс-служба МВД КР
Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту

Жолугушуу 9-майда Баткен облусунун аймагында өтүп, министр ошол жакка барган.

"Анын жүрүшүндө жарандардын коопсуздугун сактоодо кыргыз жана тажик милициясынан турган кайгуул күзөттөрүн уюштуруу сүйлөшүлдү. Ошондой эле чек арага чектеш аймактарда абалды турукташтыруу, коомдук тартипти жөнгө салуу, аны биргелешип сактоо, тартип бузууларга жол бербөө сүйлөшүлдү", — деп айтылат маалыматта.

Учурда Баткенде абал туруктуу экени белгиленди. 52 ыкчам-тергөө тобу талкаланган жайларды карап чыгууну аяктап, келтирилген чыгымдардын эсебин тактоого киришкен.

Ошондой эле министр Улан Ниязбеков ИИМдин ички аскерлеринин 707-аскер бөлүгүнүн жаңы имаратынын курулушу менен таанышып, "Головной" суу бөлүштүрүүчү жайына барган. Чек ара чырынан жабыркаган айылдардагы жашоочулар жана милиционерлер менен да жолуккан.

0
Белгилер:
сүйлөшүүлөр, коопсуздук, Улан Ниязбеков, ИИМ, Тажикстан, Кыргызстан
Тема:
Баткендеги кыргыз-тажик жаңжалы (239)
Тема боюнча
Чек ара чырынан каза болгондордун үй-бүлөсүнө 36 турак жай салына баштады
Окуучу кезде өзүм каччумун, азыр 8 балам менен качып жүрөм. "Чек арачы" эненин муңу