Баткендеги кыргыз-тажик чек арасынын жаныдагы аскер кызматкери

Чукул кабар! Чек ара чырынан каза болгон кыргызстандыктардын саны 31ге жетти

1563
(жаңыланган 19:05 30.04.2021)
Буга чейинки расмий маалыматтарда чек арадагы чырда 134 кыргызстандык жабыркап, алардын арасынан 13ү көз жумганы айтылып жаткан.

БИШКЕК, 30-апр. — Sputnik. Баткендеги кыргыз-тажик чек ара жаңжалынан каза болгондордун саны 31ге жетти. Бул тууралуу брифинг учурунда саламаттык сактоо жана социалдык өнүктүрүү министринин биринчи орун басары Ализа Солтонбекова билдирди.

"154 киши жабыркап, 31 киши каза тапты. Жабыр тарткандардын ичинен 121и жөнөкөй жарандар, 23ү күч органдарынын кызматкерлери", — деди Солтонбекова.

Анын айтымында, Бишкекке атайын борт менен дагы 24 киши дарылануу үчүн алып келинди.

Буга чейинки расмий маалыматтарда чек арадагы чырда 134 кыргызстандык жабыркап, алардын арасынан 13ү көз жумганы айтылып жаткан. 

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 31 кыргызстандык каза болду. Алардын арасында 12 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.

Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө.

Бүгүн УКМК төрагасы Камчыкбек Ташиев Тажикстандын атайын кызматынын жетекчиси Саймумин Ятимов менен сүйлөшүп, абал бүгүн кечке чейин жөнгө салынарын айтты.

Учурда аймакта кырдаал кандай болуп жатканын Sputnik Кыргызстан агенттигинин тексттик трансляциясынан көрө аласыздар.

1563
Белгилер:
өлүм, чек ара, Тажикстан, Баткен
Тема:
Баткендеги кыргыз-тажик жаңжалы (252)
Тема боюнча
Кыргыз номерлүү талкаланган автоунаалар. Чек арада тартылган сүрөттөр
Путин Кыргызстан менен Тажикстанга ортомчу болууга даяр
Чек ара: интернетте кыргызстандыктардын үйлөрү түрттүрүлүп жаткан видео тарады
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

93
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

93
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр
Жол кырсыгынан жабыркаган унаа. Архив

Автоунаанын маңдайы бүктөлүп калган. Бишкектеги жол кырсыгынын видеосу

198
(жаңыланган 21:22 13.05.2021)
Автокырсык бүгүн Бишкек калаасындагы Профсоюз көчөсүндө болгон. Бир киши жаракат алып, ооруканага жеткирилгендигин айтышты.

БИШКЕК, 13-май — Sputnik. Бишкекте жеңил автоунаа жогорку чыңалуудагы электр зымдары тартылган ири түркүктү сүзүп, маңдай жагы бүктөлүп калган.

Кырсыктын видеосу "Короче" тelegram-каналына жарыяланды.

Окуя бүгүн болжол менен саат 19:00дө Профсоюз көчөсүндө болгон. Күбө болгондордун айтымында, бир киши жаракат алып, аны Тез жардам кызматы ооруканага жеткирген.

198
Белгилер:
автоунаа, жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Айтикул уулу: биринчи кварталда Бишкекте 841 жол кырсыгы катталды