Сгоревшая школа в селе Максат Баткенской области после военного конфликта на кыргызско-таджикской границе

Чек ара чыры боюнча 11 иш козголуп, ИИМ Баткенге дагы 20 тергөөчү жөнөттү

204
(жаңыланган 16:58 02.05.2021)
Баткенде иликтене турган иштердин көптүгүнө байланыштуу ИИМдин Тергөө кызматынан тажрыйбалуу жыйырма киши жөнөтүлдү.

БИШКЕК, 2-май. — Sputnik. Кыргыз-тажик чек арасындагы куралдуу кагылышуу боюнча 11 кылмыш иши козголду. Бул тууралуу брифингде ички иштер министринин орун басары Эркебек Аширходжаев билдирди.

ИИМ өкүлүнөн кыргызстандыктарды барымтага алгандарга иш козголгон-козголбогону тууралуу суроо узатылган. Жетекчи маалыматты тастыктап, жалпысынан 11 иш ачылганын билдирди. Алардын сегизин Баткен РИИБдин, үчөөнү Лейлек РИИБдин Тергөө кызматы иликтеп жатканын кошумчалады.

"Бул фактылар Кылмыш жана жоруктардын бирдиктүү реестрине "Массалык башаламандык", "Тынчтыкка каршы кылмыштар", "Башка бирөөнүн мүлкүн жок кылуу же талкалоо", "Ээнбаштык", "Мамлекеттик чек арадан мыйзамсыз өтүү" жана "Киши өлтүрүү" беренелери менен катталган", — деп айтылат маалыматта.

Мындан башка да фактылар боюнча көптөгөн билдирүүлөр каттоого алынганы айтылды. Иликтене турган иштердин көптүгүнө байланыштуу ИИМдин Тергөө кызматынан тажрыйбалуу 20 кызматкер жөнөтүлдү.

Учурда келтирилген чыгымдын эсеби такталып, иликтөө иштери жүрүп жатат.

Министрлик Тергөө кызматынын аймактык бөлүмдөрү чек арага чектеш аймактарда катталган фактылар боюнча кылмыш ишин иликтөөнү баштаганын айтты.

204
Белгилер:
тергөө, кылмыш иши, чек ара, ИИМ, Баткен
Тема:
Баткендеги кыргыз-тажик жаңжалы (218)
Тема боюнча
Баткенде эвакуацияланган үч келин көз жарып, бири эгиз уул-кыздуу болду. Сүрөттөр
Тажикстан барымтадан бошоткондордун бешөө ооруканага жаткырылды
ИИМ башчысы ооруканага түшкөн жоокерлерден кабар алды. Сүрөттөр
Бирөөнүн абалы өтө оор. Чек ара чырынан жабыркагандардын абалы айтылды
Сотрудник новой Патрульной службы милиции по городу Бишкек держит рацию во время презентации пилотного проект

Милиция Лебединовкада уурдалган кызды табууга элден жардам сурап жатат. Сүрөт

85
(жаңыланган 19:55 06.05.2021)
5-май күнү 23:00дө Лебединовка айылындагы супермаркеттердин биринин жанынан белгисиз адамдар 25 жаштагы кызды уурдап, Toyota Estima үлгүсүндөгү автоунаага салып кетишкен.

БИШКЕК, 6-май — Sputnik. Ыкчам издөө иш-аракеттеринин натыйжасында Лебединовкада 25 жаштагы Изят Курбанова аттуу кызды уурдоого 24 жаштагы Мамаяров Абдумалик Абдрахманович шектелип жатат. Бул тууралуу Чүй облустук ИИББден билдиришти.

6-май күнү түнкү саат 02:00дө Аламүдүн райондук ички иштер башкармалыгынын нөөмөт бөлүмүнө 19 жаштагы кыздын арызы келип түшкөн. Анын айтымында, 5-май күнү 23:00дө Лебединовка айылындагы супермаркеттердин биринин жанынан белгисиз адамдар 25 жаштагы эжесин уурдап, Toyota Estima үлгүсүндөгү автоунаага салып кетишкен.

Тартип сакчылары шектүүнүн ким экенин аныктап жашаган жерине барганда анын туугандары баласы кайсы жакта жүргөнүн өздөрү дагы билбей жатканын айтышкан. Ал эми кыздын туугандары кыз менен бала буга чейин сүйлөшүп жүргөнүн билдиришкен.

"Учурда Чүй ИИББ менен Аламүдүн ИИБдин эң тажрыйбалуу милиция кызматкерлери ыкчам-издөө аракеттерин жүргүзүп жатат. Шектүү менен кыздын бардык байланыштары изилденүүдө", — дешти милициядан.

Чүй облустук ИИББ 1995-жылкы Изят Курбанова менен 1997-жылкы Абдумалик Мамаяровду көргөн-билгендер болсо 0312 43 01 27, 43 88 85, 0701 26 63 01, 0312 36 35 27 номерлерине кабарлап коюуну өтүнөт.

85
Белгилер:
издөө, милиция, уурдоо, кыз, Лебединовка
Тема боюнча
Бишкекте чак түштө 17 жаштагы улан уурдалды. Кармалган шектүүлөрдүн сүрөтү
Жарылбай калган снаряддар

Коргоо министрлиги Баткендеги жарылбай калган снаряддарды көрсөттү. Сүрөт

116
(жаңыланган 19:39 06.05.2021)
Коргоо министрлигинин сапёрлору жарылуучу каражаттарды байкап калган учурда ага тийбестен аскерлерге же бийлик өкүлдөрүнө кабарлоого чакырды.

БИШКЕК, 6-май — Sputnik. Кыргызстандын Коргоо министрлиги Баткен облусундагы жарылбай калган снаряддардын сүрөтүн жарыялады.

  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    Кыргызстандын Коргоо министрлиги Баткен облусундагы жарылбай калган снаряддардын сүрөтүн жарыялады
    © Фото / пресс-служба Министерства обороны КР
  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    2-майдан бери жеринде атайын жумушчу топ иштеп жатат. Алардын курамында КР Куралдуу күчтөрүнүн сапёрлору дагы бар
    © Фото / пресс-служба Министерства обороны КР
  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    Атайын топ Баткен жана Лейлек райондорундагы Максат, Кулунду, Кара-Бак, Кызыл-Бел, Достук, Миң-Булак, Самаркандек, Орто-Боз, Көк-Таш, Ак-Сай жана башка калктуу аймактарда иштеп жатат
    © Фото / пресс-служба Министерства обороны КР
  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    Коргоо министрлигинин сапёрлору жарандарды снаряд таап алган учурда аскерлерге же бийлик өкүлдөрүнө кабарлоого чакырды
    © Фото / пресс-служба Министерства обороны КР
1 / 4
© Фото / пресс-служба Министерства обороны КР
Кыргызстандын Коргоо министрлиги Баткен облусундагы жарылбай калган снаряддардын сүрөтүн жарыялады

2-майдан бери жеринде атайын жумушчу топ иштеп жатат. Алардын курамында КР Куралдуу күчтөрүнүн сапёрлору дагы бар.

Атайын топ Баткен жана Лейлек райондорундагы Максат, Кулунду, Кара-Бак, Кызыл-Бел, Достук, Миң-Булак, Самаркандек, Орто-Боз, Көк-Таш, Ак-Сай жана башка калктуу аймактарда иштеп жатат.

Коргоо министрлигинин сапёрлору жарандарды снаряд таап алган учурда аскерлерге же бийлик өкүлдөрүнө кабарлоого чакырды.

116
Белгилер:
Коргоо министрлиги, снаряд, Баткен, Кыргызстан
Тема:
Баткендеги кыргыз-тажик жаңжалы (218)
Тема боюнча
Бир айыл 5 уулун жоготту. Турдубайдын чек арада окко учканын 4 баласы биле элек
Ташиев: бир дагы метр жерибизди бербейбиз, Ворухка коридор ачылбайт
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

21
(жаңыланган 22:07 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

21
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы (218)
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек