Кыргызстан аскер кызматкерлери

Чек ара жаңжалынан Тажикстан кандай чыгымга учураганы айтылды

5208
(жаңыланган 17:16 03.05.2021)
Тажикстандын аймагында 14 үй жабыркаганы айтылды. Буга чейин Кыргызстандын ӨКМи Баткен облусунда алдын ала маалымат боюнча 142 объект талкаланганын маалымдаган.

БИШКЕК, 3-май. — Sputnik. Тажикстандын өзгөчө кырдаалдар боюнча комитети чек арадагы куралдуу жаңжалдан кийинки чыгымдын алдын ала эсебин чыгарды. Бул тууралуу Sputnik Тажикстан жазды.

Андагы маалыматка караганда, 14 үй талкаланып, эки эл жашаган имарат менен бир курулуш жабыркаган.

Мындан сырткары, жалпы орто билим берүү мекемесинин имараты менен Бободжон-Гафуров районундагы Овчикалъача айылынын аймагындагы турак үй бир аз жабыркаганы айтылды.

"Жалпы жонунан 15 миңге жакын адам коопсуз жайга көчүрүлгөн. Учурда алардын бардыгы үйлөрүнө кайтарылды", — деп айтылат маалыматта.

Буга чейин Кыргызстандын ӨКМи кыргыз айылдарында эмнелер талкаланганы боюнча алдын ала маалымат берген болчу. Тизмеси:

Баткен облусу боюнча:

  • 107 турак үй;
  • Эки мектеп;
  • Бир ФАП;
  • Бир бала бакча;
  • 10 май куюучу жай (АЗС);
  • Сегиз дүкөн;
  • Төрт соода түйүнү;
  • Төрт социалдык объект;
  • Беш башка мамлекеттик имараттар.

Баткен району боюнча:

  • 32 турак үй;
  • Эки мектеп;
  • Бир бала бакча;
  • Бир ФАП;
  • Үч башка мамлекеттик имараттар.

Лейлек району боюнча:

  • 75 турак үй;
  • 10 май куюучу жай (АЗС);
  • Сегиз дүкөн;
  • Төрт соода түйүнү;
  • Төрт социалдык объект;
  • Эки башка мамлекеттик имараттар.

Баткендеги кандуу кагылыш

Адам өлүмүнө алып келген Баткендеги кандуу кагылышуу 28-апрель күнү кечинде башталып, ок атылып, калаба 2-3 күнгө созулуп кетти. Натыйжада 35 кыргызстандык жаран көз жумуп, 150гө чукул киши октон, таштан жаракат алып ооруканага түштү. Он миңдеген адам эвакуацияланып, жанын арачалап турак жайын таштап кетүүгө аргасыз болду. Баткен менен Лейлек райондорунун чек арага жакын жайгашкан айылдары өрттөнүп, үйлөр, социалдык объектилер бүлгүнгө учурады.

1-майдан тарта эки тараптуу сүйлөшүүлөрдөн кийин абал турукташа баштап, чек ара тилкесине тартылган аскер техникасы, күч түзүмдөрү чыгарылды. Ушу тапта аймакта кырдаал тынч, тургундар айылга кайтып, КР бийлиги келтирилген зыяндын көлөмүн эсептеп жатат. Үй-жайсыз калгандарды там-таш менен камсыздоо милдети өкмөттүн мойнунда.

Ал эми Тажикстандын бийлиги тараткан маалымат боюнча, кагылышуудан 16 киши набыт болгон.

Баткенде учурда эмне болуп жатканын Sputnik агенттиги жүргүзгөн онлайн-репортаждан билүүгө болот.

5208
Белгилер:
конфликт, чек ара, Кыргызстан, Тажикстан
Тема:
Баткендеги кыргыз-тажик жаңжалы (218)
Тема боюнча
Тажикстандын Башкы прокуратурасы КР аскерлерине каршы иш козгоду
Сотрудник новой Патрульной службы милиции по городу Бишкек держит рацию во время презентации пилотного проект

Милиция Лебединовкада уурдалган кызды табууга элден жардам сурап жатат. Сүрөт

93
(жаңыланган 19:55 06.05.2021)
5-май күнү 23:00дө Лебединовка айылындагы супермаркеттердин биринин жанынан белгисиз адамдар 25 жаштагы кызды уурдап, Toyota Estima үлгүсүндөгү автоунаага салып кетишкен.

БИШКЕК, 6-май — Sputnik. Ыкчам издөө иш-аракеттеринин натыйжасында Лебединовкада 25 жаштагы Изят Курбанова аттуу кызды уурдоого 24 жаштагы Мамаяров Абдумалик Абдрахманович шектелип жатат. Бул тууралуу Чүй облустук ИИББден билдиришти.

6-май күнү түнкү саат 02:00дө Аламүдүн райондук ички иштер башкармалыгынын нөөмөт бөлүмүнө 19 жаштагы кыздын арызы келип түшкөн. Анын айтымында, 5-май күнү 23:00дө Лебединовка айылындагы супермаркеттердин биринин жанынан белгисиз адамдар 25 жаштагы эжесин уурдап, Toyota Estima үлгүсүндөгү автоунаага салып кетишкен.

Тартип сакчылары шектүүнүн ким экенин аныктап жашаган жерине барганда анын туугандары баласы кайсы жакта жүргөнүн өздөрү дагы билбей жатканын айтышкан. Ал эми кыздын туугандары кыз менен бала буга чейин сүйлөшүп жүргөнүн билдиришкен.

"Учурда Чүй ИИББ менен Аламүдүн ИИБдин эң тажрыйбалуу милиция кызматкерлери ыкчам-издөө аракеттерин жүргүзүп жатат. Шектүү менен кыздын бардык байланыштары изилденүүдө", — дешти милициядан.

Чүй облустук ИИББ 1995-жылкы Изят Курбанова менен 1997-жылкы Абдумалик Мамаяровду көргөн-билгендер болсо 0312 43 01 27, 43 88 85, 0701 26 63 01, 0312 36 35 27 номерлерине кабарлап коюуну өтүнөт.

93
Белгилер:
издөө, милиция, уурдоо, кыз, Лебединовка
Тема боюнча
Бишкекте чак түштө 17 жаштагы улан уурдалды. Кармалган шектүүлөрдүн сүрөтү
Жарылбай калган снаряддар

Коргоо министрлиги Баткендеги жарылбай калган снаряддарды көрсөттү. Сүрөт

121
(жаңыланган 19:39 06.05.2021)
Коргоо министрлигинин сапёрлору жарылуучу каражаттарды байкап калган учурда ага тийбестен аскерлерге же бийлик өкүлдөрүнө кабарлоого чакырды.

БИШКЕК, 6-май — Sputnik. Кыргызстандын Коргоо министрлиги Баткен облусундагы жарылбай калган снаряддардын сүрөтүн жарыялады.

  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    Кыргызстандын Коргоо министрлиги Баткен облусундагы жарылбай калган снаряддардын сүрөтүн жарыялады
    © Фото / пресс-служба Министерства обороны КР
  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    2-майдан бери жеринде атайын жумушчу топ иштеп жатат. Алардын курамында КР Куралдуу күчтөрүнүн сапёрлору дагы бар
    © Фото / пресс-служба Министерства обороны КР
  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    Атайын топ Баткен жана Лейлек райондорундагы Максат, Кулунду, Кара-Бак, Кызыл-Бел, Достук, Миң-Булак, Самаркандек, Орто-Боз, Көк-Таш, Ак-Сай жана башка калктуу аймактарда иштеп жатат
    © Фото / пресс-служба Министерства обороны КР
  • Неразорвавшиеся снаряды, найденные в Баткенской области после приграничного конфликта между Кыргызстаном и Таджикистаном
    Коргоо министрлигинин сапёрлору жарандарды снаряд таап алган учурда аскерлерге же бийлик өкүлдөрүнө кабарлоого чакырды
    © Фото / пресс-служба Министерства обороны КР
1 / 4
© Фото / пресс-служба Министерства обороны КР
Кыргызстандын Коргоо министрлиги Баткен облусундагы жарылбай калган снаряддардын сүрөтүн жарыялады

2-майдан бери жеринде атайын жумушчу топ иштеп жатат. Алардын курамында КР Куралдуу күчтөрүнүн сапёрлору дагы бар.

Атайын топ Баткен жана Лейлек райондорундагы Максат, Кулунду, Кара-Бак, Кызыл-Бел, Достук, Миң-Булак, Самаркандек, Орто-Боз, Көк-Таш, Ак-Сай жана башка калктуу аймактарда иштеп жатат.

Коргоо министрлигинин сапёрлору жарандарды снаряд таап алган учурда аскерлерге же бийлик өкүлдөрүнө кабарлоого чакырды.

121
Белгилер:
Коргоо министрлиги, снаряд, Баткен, Кыргызстан
Тема:
Баткендеги кыргыз-тажик жаңжалы (218)
Тема боюнча
Бир айыл 5 уулун жоготту. Турдубайдын чек арада окко учканын 4 баласы биле элек
Ташиев: бир дагы метр жерибизди бербейбиз, Ворухка коридор ачылбайт
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

38
(жаңыланган 22:07 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

38
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы (218)
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек