Милиция кызматкери. Архив

Милиция Айзада Канатбекова өлтүрүлгөнгө чейин зордукталганын тастыктады

269
(жаңыланган 14:42 04.05.2021)
Буга чейин Айзаданын жакындарынын адвокаты соттук-медициналык экспертизада ал киши колдуу болгонго чейин зордукталганы аныкталганын айтып чыккан.

БИШКЕК, 4-май — Sputnik. Уурдалып, андан кийин өлтүрүлгөн Айзада Канатбекова зордукталган. Бул тууралуу шаардык милициянын маалымат кызматы кабарлады.

Өткөн жумада милиция Замирбек Теңизбаевге Жазык кодексинин 175-беренеси ("Адамды никеге туруу максатында уурдоо") менен иш козгоп, кийин 170-беренеге ("Адам уурдоо") өзгөртүп, андан соң 130-берене ("Киши өлтүрүү") кошулганын билдирген. Шектүү көз жумганына байланыштуу кылмыш иштери токтотулганын да кошумчалашкан.

Бирок Канатбекованын жакындарынын адвокаты Нурбек Токтакунов соттук-медициналык экспертизада ал киши колдуу болгонго чейин зордукталганы аныкталганын айтып чыкты. Шаардык милиция Теңизбаевге бүгүн 161-берене ("Зордуктоо") кошулганын тастыктады.

Учурда Айзаданы уурдоого шектелип төрт киши камакта. Алардын иши "Адамды никеге туруу максатында уурдоо" беренесинен "Адам уурдоо" беренесине кайрадан квалификацияланган.

Тергөө иши жыйынтыкталып, Биринчи май райондук сотуна жиберилген.

Учурда УКМК милиция кызматкерлерине карата "Шалаакылык" беренеси менен тергөө ишин жүргүзүп жатат.

Айзаданын өлүмү

5-апрель күнү эртең менен саат 07:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 07:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

269
Белгилер:
уурдоо, зордуктоо, Замирбек Теңизбаев, Айзада Канатбекова, Бишкек
Тема:
Бишкекте 27 жаштагы кыздын уурдалып, өлтүрүлүшү (46)
Тема боюнча
Айзада Канатбекованы уурдады делген шектүүлөр камакка алынды
Бишкек шаардык жана Биринчи май райондук милициясына жаңы жетекчилер дайындалды

Дүкөндөрдү тоноп, малын союп жешкен. Лейлектеги айылдардан аянычтуу кадрлар

1073
(жаңыланган 20:01 10.05.2021)
Чек арадагы куралдуу жаңжалда Арка айылындагы 10дон ашуун май куюучу жайдын таш талканы чыккан. Тажик тарап кыргыздарга таандык объектилерди өрттөп кеткен. Ал эми Борбордук айылындагы үйлөрдү талап-тоноп, жанына окоп казып талаага качкан эл тарапты аңдып жатышкан.

Кыргызстандык Мутабар Касымованын үйүнөн тажик аскеринин формасы да чыкты. Буга чекесинде жазылган "Рочабов" деген ысым, чөнтөгүнөн чыккан тажик акчасы далил болот. Үй ээси анын балдарынын кийимин кийип кетишкенин айтат. Алар муну менен чектелген эмес.

"Короодогу эчкибизди союп, очокко тамак жасашыптыр. Үйдөгү азык-түлүктөрдү алып чыгып тапчанда отурушкан экен. Арак да ичишиптир, бөтөлкөдө жарымы калып калган. Үйдөн эч бир нерсени калтырбай тинтип, чачып салышыптыр. Адам баласы дагы ушундай кылабы? Жадагалса ымыркай орогондун ичин аңтарып көрүшүптүр", — деди Касымова.

Ал эми Акылбай Турсунбаевдин үйүнө гранатомёттун снаряды түшүп күлгө айланган. Бул учурда үйүн кайтарып калган айылдагы эркектер эми гана ооз ачарга отурган эле.

"Кечке жуук болду, саат 20:00дөн кийин ооз ачар болоюн деп калган. Ооз ачышка жетишпей калдык. Жалын ичинен да, үстүнөн дагы чыгып жатты. Өчүрөйүн деп кирип ууланып калдым, Шухрат кошунам "кирбеңиз" деп колумдан тартып алып чыкты", — деди Турсунбаев.

Арка жана Борбордук айылындагы жол боюнда жайгашкан дүкөн, кафелердин бири калбай тонолуп, андан соң өрттөлгөн.

"Манас" дүкөнүнүн ээси Ахунжан Шакиров андан тажикстандыктар дагы азык-түлүк сатып алып турганын, себеби кыргыз тарапта арзан болорун айтат. Ал январь айында Россиядан акча чогултуп келип, иниси экөө дүкөн ачкан. Жаңжалдын кесепетинен эки миллион сомдон кол жууп отурат.

Шерзат Самандаров ПРООНдун Youth of Osh долбоорунун колдоосу менен 2017-жылы "Караван" деген кафе ачкан. Кийинчерээк анын жанында азык-түлүк, курулуш материалдарын сата баштаган.

"Youth of Osh долбоору Тажикстан менен тынч жашаган кошуна эл деген сыяктуу чек аралаш аймактарды колдогон. Бул айылдан мен утуп алган болчумун. Азыркы чыгымды болжол менен эсептесем 150 миң доллардан ашып калды. Курулуш материалдар, товарлар, муздаткыч жана башка жабдуулардын баары жок болгон. Биринчи тоноп баарын алып чыгып, анан күйгүзүп ийген", — деди Самандаров.

Арка, Борбордук айылдарын Лейлек районун эң четинде жайгашкан. Тажикстан менен чек араны жол гана бөлүп турат. Ал трассаны эки өлкө тең пайдаланат.

1073
Белгилер:
Жаңжал, Тажикстан, тоноо, өрт, Лейлек району
Тема:
Баткендеги кыргыз-тажик жаңжалы
Тема боюнча
Максат айылы: өрттөлгөн үйлөр буздурулуп, жашоочулар боз үй, чатырда жашоодо
12 адам жашынган жеринде жан берген. Кандуу окуянын очогу “Головнойдон” кадрлар
Башкы прокуратуранын имараты. Архив

Бажы жана банк кызматкерлери ишкерди 40 млн. сомдук чыгымга учураткан

137
(жаңыланган 13:07 10.05.2021)
Башкы көзөмөл органы ишкердин кайрылуусу боюнча текшерүү жүргүзгөн. Натыйжада бир канча берене боюнча кылмыш иши козголгон.

БИШКЕК, 10-май — Sputnik. Башкы прокуратура Бажы кызматынын жана коммерциялык банктын айрым кызматкерлери ишкерди 40 миллион сомдук зыянга учуратканын таап чыкты. Бул тууралуу көзөмөл органынын маалымат кызматы билдирди.

Башкы прокуратура "М" деп аталган ЖЧКнын директорунун кайрылуусун текшерүүгө алган.

2018-жылы "М" ишканасы банк аркылуу импорттук бажы алымдарын төлөө үчүн Финансы министрлигинин борбордук казыналыгынын эсеп-кысабына 40 миллион сом которгон.

Бирок Башкы прокуратуранын версиясы боюнча, банктын кызматкерлери белгисиз себептерден улам "Импорттолгон товарларга киреше салыгы" белгиси менен башка эсепке которушкан жана белгиленген ЖЧКга жасалма төлөм кагазын беришкен.

Башкы прокуратура белгилегендей, кийин ЖЧК ошол эле жылы ушул төлөм кагазы менен товарларды алып келген.

"Аларды каттоого алууда документтик көзөмөлгө жооптуу болгон бажы кызматкерлери товарлар боюнча декларацияларды текшеришкен эмес, натыйжада тиешелүү ченемдик-укуктук актылардын талаптары одоно бузулган", — деп айтылат билдирүүдө.

Башкы прокуратура белгилегендей, төлөмдөрдү каттоого алуу боюнча жооптуу бажычылар үч жыл бою бажы төлөмдөрүнүн чегерилишин, которулушун жана кайтарылышын эсепке алышкан эмес жана аталган ЖЧК менен бажы органдарынын ортосунда ай сайын маалыматтарды салыштыруу да жүргүзүлгөн эмес.

Жыйынтыгында март айында бажы кызматкерлери бул мекемеге айып пул салган. Мында ишкерлик субъектинин мыйзам менен корголгон укуктары жана кызыкчылыктары бузулганы билдирүүдө айтылган.

Бул факт боюнча Кылмыш -жаза кодексинин 320 ("Кызмат абалынан кыянаттык менен пайдалануу"), 233 ("Коммерциялык же башка уюмдагы ыйгарым укуктарынан кыянаттык менен пайдалануу") жана 359-беренесинин ("Документтерди жасоо") негизинде кылмыш иши козголду. Сотко чейинки өндүрүш жүрүп жатат.

137
Белгилер:
кылмыш, Кыргызстан, Башкы прокуратура, чыгым, ишкер
Тема боюнча
Бишкекте шаар куруудагы чаржайыт пландан казына 20 млн. сом зыян тарткан
Прокуратура: Таластагы жайыт, Нарындагы жер тилке мамлекетке кайтарылды

Ай-буйга келтирбей... UFC апрелдеги кызыктуу жеңиштердин видеосун чыгарды

0
Абсолюттук мушкерлер чемпионаты (UFC) расмий YouTube каналына апрель айындагы беттештерде мөөнөтүнөн мурда болгон жеңиштерди жарыялады.

Тандалгандардын көпчүлүгүндө мушкерлер биринчи эле раундда жыга чаап, сулата тээп жеңишке жетишкен. Тизмеге монгол мушкери Данаа Батгерелдин, америкалык атлеттер Крис Кертис, Рональд Дунлап жана Терренс Маккиннинин кармаштары киргизилди.

Терренс атаандашын 17 секундада уткан. Адегенде атаандашын тебем деп кулап, кайра турган. Кийин бутуна кирип жерге жыгып, ордунан тургузбай сабап салган. Калыс кийлигишип беттеш токтотулган.

0
Белгилер:
жеңиш, беттешүү, нокаут, UFC
Тема боюнча
UFC Валентина Шевченконун мыкты ирмемдерин жарыялады. Видео