Бишкекте беш кабаттуу мейманкана өрттөнүп жатат

Бишкекте мейманкана жалындап өрттөнүп жатат. Жеринен тартылган видео

933
(жаңыланган 23:01 16.05.2021)
Куткаруучулар бир аздан кийин кененирээк маалымат берилерин айтышты. Кырсыктан жабыркагандардын бар-жогу азырынча белгисиз. 

БИШКЕК, 16-май — Sputnik. Бишкекте беш кабаттуу мейманкана өрттөнүп жатат. Бул тууралуу Sputnik Кыргызстан агенттигине күбөлөр жеринен билдиришти.

Алардын айтымында, мейманкана буга чейин иштеп жаткан. Учурда өрт чектөөгө алынганы кабарланды. 

Ал эми ӨКМ Турусбеков менен Жумабек көчөлөрүнүн кесилишине чакыруу түшкөнүн кабарлап, жеринде эки өрт өчүрүүчү унаа иштеп жатканын маалымдаган. 

Куткаруучулар бир аздан кийин кененирээк маалымат берилерин айтышты. 

933
Белгилер:
кырсык, өрт, Бишкек
Тема боюнча
Бишкекте көп кабаттуу имараттан өрт чыкты. Видео
Сокулуктагы дүкөндүн өрттөнгөн видеосу
Л-410 учагы. Архив

Канаты жерге тийип... Кузбасста учак кырсыктап, 7 киши каза болду. Видео

280
(жаңыланган 12:09 19.06.2021)
Азырынча ЖМКлар кырсыктын ар кандай версиялары тууралуу жазып жатат. Алардын бирине караганда, техниканын бир кыймылдаткычы иштебей калган.

БИШКЕК, 19-июн. — Sputnik. Россиянын Кемерово облусунда Л-410 учагы кырсыктап, адамдар көз жумду. Каза болгондордун экөө учкуч экенин РИА Новости агенттиги жазды.

Маалыматка караганда, кырсык Кузбасстагы Журавлево айылына жакын жерде болгон.

"Учак жерге катуу конуп, жыйынтыгында 15 киши жаракат алды. Төрт адам каза болду", — деп айтылат билдирүүдө.

Кийинчерээк жеринде жети киши каза болуп, 13 киши жабыркаганы айтылды.

Кырсык болгон жердеги видеону "Пул №3" Telegram каналы жарыялады. 

"Учак көтөрүлөрү менен бир кыймылдаткычы иштебей калган. Кеме командири аны ыңгайлуу жерге кондурууга аракет кылган", — деп жазылат кабарда.

РЕН-ТВ каналы кабарлагандай, учакта парашютчулар болгон. Ошондой эле телеканалдын алдын ала маалыматтарга таянып билдиргенине караганда, учак башынан эле керектүү бийиктикке көтөрүлө албай артка кайрылган. Ошол учурда канаты жерге тийип кеткен.

280
Белгилер:
өлүм, кырсык, учак, Россия
Тема боюнча
Эч нерсеси калбай күйүп кеткен. Ошто кулаган тик учактын видеосу

Рекорд коём деген каскадёр дөңдү сүзүп көз жумду. Видео

291
Мотоцикл менен трюк жасап таанылган америкалык каскадёр Алекс Харвилл аралыкка секирип дүйнөлүк рекорд коём деп жатып каза тапты.

TMZ порталы жазгандай, каргаша 17-июнда Мозес-Лейк (Вашингтон штаты) шаарында болгон. Бул жолу Харвилл мотоцикли менен жүз метрден ашык аралыкка секирүүнү ниет кылган.

Ошол жактагы көрүүчү өнөрпоздун акыркы мүнөттөрүн видеого түшүрүп калган. Кадрлардан көрүнүп тургандай, 28 жаштагы экстремал марага аз калганда дөңдү сүзүп кулаган.

Шоунун уюштуруучулары Харвиллдин секирүүсүнөн түшкөн акчанын бардыгын анын жакындарына берүүнү убадалаган.

Алекс Харвилл тажрыйбалуу каскадёр болгон. 2013-жылы мотоцикл менен 90,5 метр аралыкка секирип, дүйнөлүк рекорд койгон. Анын артында жубайы менен эки баласы калды, кичүүсү бир ай мурун төрөлгөн.

291
Белгилер:
видео, өлүм, мотоцикл, рекорд, каскадер
Тема боюнча
Жер жарылып унааларды жутуп кетти. Израилдеги окуянын видеосу
Бишкектеги түнкү жарыш. Архивдик сүрөт

Бишкекте түнкү жарыш старт алды. Сүрөт

0
(жаңыланган 22:29 19.06.2021)
Башында мелдеште 2000дей кишинин чуркашы күтүлсө, пандемияга байланыштуу 500үн кыскартууну чечишкен.

БИШКЕК, 19-июн. — Sputnik. Бишкекте бүгүн, 19-июнда, Toyboss Night Run 2021 түнкү марафону старт алды.

  • Участники забега Toyboss Night Run 2021 в Бишкеке
    Бишкекте бүгүн, 19-июнда, Toyboss Night Run 2021 түнкү марафону старт алды
    © Sputnik / Эркин Садыков
  • Участники забега Toyboss Night Run 2021 в Бишкеке
    Жарыш Чокон Валиханов көчөсү менен Чүй проспектинин бир бөлүгүндө өтөт
    © Sputnik / Эркин Садыков
  • Участники забега Toyboss Night Run 2021 в Бишкеке
    Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен
    © Sputnik / Эркин Садыков
  • Участники забега Toyboss Night Run 2021 в Бишкеке
    Мелдешти Nomad Sport коомдук бирикмеси уюштурууда.
    © Sputnik / Эркин Садыков
1 / 4
© Sputnik / Эркин Садыков
Бишкекте бүгүн, 19-июнда, Toyboss Night Run 2021 түнкү марафону старт алды

Жарыш Чокон Валиханов көчөсү менен Чүй проспектинин бир бөлүгүндө өтөт.

Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен.

Мелдешти Nomad Sport коомдук бирикмеси уюштурууда. Баш калаада жарыш үчүнчү ирет өтүүдө.

Белгилей кетчү жагдай, быйылкы жарышта катышуучулардан түшкөн каражаттын бир бөлүгү Кара-Балтадагы Улуттук Кызыл Ай коомунун балдар кризистик борборуна берилет. Аталган жайда эки жаштан 18 жашка чейинки 25 бала жашайт. Алар жетим балдар, мигранттардын балдары жана мүмкүнчүлүгү чектелген балдар болуп саналат.

Спорттук иш-чарада каалоочулар футболка, рюкзак сатып алып же диагностикадан өтүп балдар борборуна жардам бере алышат.

0
Белгилер:
спорт, жарыш, Бишкек
Тема боюнча
Көпкө күттүргөн жарыш. "Жаз деми" марафонунан видео