Беловодское айылында болгон жол кырсыгы

Беловодское айылында кишини койдуруп, качып кеткен айдоочу кармалды

42
(жаңыланган 11:04 17.05.2021)
50 жаштагы жабырлануучу аймактык оорукананын кайра жандандыруу бөлүмүнө жеткирилип, бирок эсине келбеген бойдон көз жумган.

БИШКЕК, 17-май — Sputnik. Кечээ Москва районундагы Беловодское айылында айдоочу койдуруп кеткен киши ооруканага жеткенден кийин көз жумду. Бул туурасында Чүй облусунун Жол кыймылы коопсуздугун камсыздоо боюнча башкармалыгынан кабарлашты.

  • По автодороге Бишкек-Ош на 41 км в селе Беловодск неизвестный водитель на не неустановленной автомашине совершил наезд на пешехода и скрылся с место происшествия не оказав медицинскую помощь. 16 мая 2021 года
    Кечээ Москва районундагы Беловодское айылында айдоочу койдуруп кеткен киши ооруканага жеткенден кийин көз жумду
    © Фото / пресс-служба УОБДД по ГУВД Чуйской области
  • По автодороге Бишкек-Ош на 41 км в селе Беловодск неизвестный водитель на не неустановленной автомашине совершил наезд на пешехода и скрылся с место происшествия не оказав медицинскую помощь. 16 мая 2021 года
    Бул туурасында Чүй облусунун Жол кыймылы коопсуздугун камсыздоо боюнча башкармалыгынан кабарлашты
    © Фото / пресс-служба УОБДД по ГУВД Чуйской области
1 / 2
© Фото / пресс-служба УОБДД по ГУВД Чуйской области
Кечээ Москва районундагы Беловодское айылында айдоочу койдуруп кеткен киши ооруканага жеткенден кийин көз жумду
"Окуя Бишкек — Ош жолунда, Беловодское айылында 16-май күнү болжол менен таңкы саат 5:00дөр чамасында болгон. Айдоочу кишини койдуруп качып кеткен. Ал эми 50 жаштагы жабырлануучу аймактык оорукананын кайра жандандыруу бөлүмүнө жеткирилип, бирок эсине келбеген бойдон көз жумган", — деп билдиришти аталган башкармалыктын маалымат кызматы.

Кырсыктан кийин Жол кыймылы коопсуздугун камсыздоо боюнча облустук башкармалыктын кызматкерлери менен Москва райондук милициясы ыкчам түрдө кишини койдуруп кетти делген айдоочу менен автоунаасын табышкан.

"Ушул эле күнү автоунааны Кара-Балта шаарынын 25 жаштагы А уулу Э. аттуу жашоочусу айдап жүргөнү аныкталган", — деп айтылган маалыматта.

Иш Москва райондук ИИБине өткөрүлүп, ал эми Daewoo Labo автоунаасы айып короого токтотулду.

42
Белгилер:
Чүй облусу, Москва району, жол кырсык, айдоочу, өлүм
Тема боюнча
Иса Өмүркуловдун уулу велосипедченди коюп кеттиби? Депутаттын жообу
Ички иштер министринин мурдагы орун басары Курсан Асанов. Архивдик сүрөт

Курсан Асанов №50 тергөө абагына эки айга камакка алынды

24
(жаңыланган 20:59 16.09.2021)
Асанов бийликти күч менен басып алууга шектелип, Жазык кодексинин 309-беренесинин негизинде кармалган. Ал ушул жылдын 14-ноябрына чейин абакта болмокчу.

БИШКЕК, 16-сен. — Sputnik. Ички иштер министринин мурдагы орун басары Курсан Асанов Биринчи май райондук сотунун чечими менен №50 тергөө абагына эки айга камакка алынды.

Анын бөгөт коюу чарасы бүгүн, 16-сентябрда, тандалды. Ал сотко чейинки өндүрүш мөөнөтүнө чейин, тагыраагы, ушул жылдын 14-ноябрына чейин абакта болмокчу. 

Асанов бийликти күч менен басып алууга шектелип, Жазык кодексинин 309-беренесинин негизинде кармалган.

Эске салсак, Курсан Асанов октябрь окуялары учурунда, тагыраагы, 6-октябрда ИИМдин жетекчилигине келип, бир нече күндөн кийин иштен кеткен.

Ал эми 26-январда кармалган. Ага 5-6-октябрь окуяларында Ички иштер министрлигин басып алууга аракеттенген деп Жазык кодексинин 245-беренесинин 1-бөлүгүнүн ("Имараттарды жана курулмаларды басып алуу") негизинде айып тагылган.

Экс-министр андан төрт ай өткөндөн кийин 12-апрелде Бишкек шаардык сотунун чечими менен баш коргоо чарасы өзгөртүлүп, үй камагына чыгарылган болчу.

24
Белгилер:
Курсан Асанов, камак, соттук чечим
Тема боюнча
Мурдагы премьер-министр Жоомарт Оторбаев кармалды
Адвокат: Атамбаев, Асанов, Акаев бийликти күч менен басып алууга шектелүүдө
Мурдагы премьер-министр Жоомарт Оторбаев. Архивдик сүрөт

Мурдагы премьер-министр Жоомарт Оторбаев кармалды

80
(жаңыланган 21:13 16.09.2021)
Жүргүзүлгөн тергөө иш-аракеттеринин жыйынтыгына жана алынган далилдерге таянып, 16-сентябрда тергөө Жоомарт Оторбаевди УКМКнын убактылуу кармоочу жайына киргизүү чечимин кабыл алган.

БИШКЕК, 16-сен. — Sputnik. "Кумтөр" кенин иштетүүдөгү коррупциялык фактылар боюнча козголгон кылмыш иштин алкагында мурдагы премьер-министр Жоомарт Оторбаев кармалды. Бул тууралуу УКМК билдирди.

Маалыматка караганда, УКМКнын ведомстволор аралык тергөө тобу "Кумтөр" кенин иштетүү долбоорун ишке ашыруунун ар кандай этабындагы коррупциялык фактылар боюнча козголгон кылмыш ишин иликтөөнү улантууда.

Жүргүзүлгөн тергөө иш-аракеттеринин жыйынтыгына жана алынган далилдерге таянып, 16-сентябрда тергөө Жоомарт Оторбаевди УКМКнын убактылуу кармоочу жайына киргизүү чечимин кабыл алган.

"Тергөөдө аныкталгандай, Оторбаев премьер-министр болуп турган кезде, өкмөттүн алдындагы Курчап турган чөйрөнү коргоо жана токой чарбасы мамлекеттик агенттигинин "Кумтөр" кенинин башкы планынын алкагында айлана-чөйрөгө тийгизген таасирин баалаган комиссияга басым жасап, КР "Суу жөнүндө" кодексинин жана мыйзамынын талаптарын бузуу менен Кумтөр Голд Компанинин (Центера Голд Инк.) кызыкчылыгы үчүн буйрук чыгарып, Лысый жана Давыдов мөңгүлөрүн мындан ары жок кылууга макулдугун берген", — деп айтылат маалыматта.

Ведомстволор аралык тергөө тобу Оторбаев менен тергөө аракеттерин жүргүзүп, анын жыйынтыгы боюнча жакынкы 48 саатта Бишкек шаарынын Биринчи май райондук соту тарабынан бөгөт чарасы каралмакчы.

80
Белгилер:
Кыргызстан, Жоомарт Оторбаев, Кумтөр, УКМК
Тема боюнча
330 миң доллар алып, мандат убадалаган. УКМК экс-депутатты кармады
Бийликти күч менен басып алууга шектелип Алмаз Сарыбаев кармалды
Бишкектеги Ала-Тоо аянтында ойногон балдар. Архивдик сүрөт

Жума күнүнө карата аба ырайы

0
17-сентябрда өлкөнүн дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-сен. — Sputnik. Жума күнү айрым жерлерде туруксуз аба ырайы күтүлүп, кээ бир өрөөндөрдө жаан-чачын катуу жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +27…+32, Ысык-Көл, Нарын өрөөндөрүндө +22…+27, Ош, Жалал-Абад, Баткен аймактарында +30…+35, Таласта +26…+31 градус болот.

Күндүн табы Бишкекте +30…+32, Ош шаарында +33…+35 градуска жогорулайт.

0
Белгилер:
аба ырайы, сентябрь, Кыргызстан
Тема боюнча
Сары-Чат — Ээр-Таш коругунда чет элдик компания жол куруп жатабы? Расмий жооп