Россия менен Кыргызстандын 810 килограмм героин кармалган атайын операциясы

Кыргызстан менен Россиянын күч органдары 810 кг героиндин жолун бууду

234
(жаңыланган 11:42 21.05.2021)
Буга чейин УКМК Ош облусунда 13-май күнү 440 килограмм героин ташып бара жаткан жүк ташуучу унаа кармалганын билдирген.

БИШКЕК, 21-май — Sputnik. Россия менен Кыргызстандын күч органдары атайын операция жүргүзүп, 810 килограмм героин кармашты. Бул тууралуу Россиянын Федералдык бажы кызматынын сайтында жазылган.

Буга чейин УКМК Ош облусунда 13-май күнү 440 килограмм героин ташып бара жаткан жүк ташуучу унаа кармалганын билдирген.

  • Изъятый груз с тайником 810 килограммов героина. 21 мая 2021 года
    Россия менен Кыргызстандын күч органдары атайын операция жүргүзүп, 810 килограмм героин кармашты
    © Фото / Федеральная таможенная служба РФ
  • Изъятый груз с тайником 810 килограммов героина. 21 мая 2021 года
    Буга чейин УКМК Ош облусунда 13-май күнү 440 килограмм героин ташып бара жаткан жүк ташуучу унаа кармалганын билдирген
    © Фото / Федеральная таможенная служба РФ
  • Изъятые 810 килограммов героина из груза с тайником. 21 мая 2021 года
    Маалым болгондой, эгемендүүлүк алгандан бери биринчи ирет ири өлчөмдө баңгизат ташуу боюнча эл аралык наркоканал аныктоо иши жүргүзүлгөн
    © Фото / Федеральная таможенная служба РФ
1 / 3
© Фото / Федеральная таможенная служба РФ
Россия менен Кыргызстандын күч органдары атайын операция жүргүзүп, 810 килограмм героин кармашты

Маалым болгондой, эгемендүүлүк алгандан бери биринчи ирет ири өлчөмдө баңгизат ташуу боюнча эл аралык наркоканал аныктоо иши жүргүзүлгөн. УКМК жүк ташуучу унаадагы героиндин базардагы баасы 20 миллион доллардан ашык сумманы түзөрүн айтып, жүк ташуучу унаанын видеосун да жарыялаган.

Россиянын Бажы кызматы билдиргендей, баңгизатты Афганистан, Иран, Пакистандан ЕАЭБ өлкөлөрү аркылуу Чыгыш Европага жөнөтүү пландалган. Героин 200 килограммдан Нидерландга жеткирилмек. Бирок логистикалык схема аныкталып, биринчи төрт партиянын жолу буулган.

"Контрабандалык каналдын уюштуруучулары, аткаруучулары жана буларга жардам бергендер кармалды. Алар чет өлкөлүк жарандар болуп чыкты, арасында Евробиримдик өлкөлөрүнүн жарандары дагы бар", — деп айтылат маалыматта.

Атайын операцияны Россиянын Федералдык бажы кызматы, ФСБ жана ИИМдин өкүлдөрү, ал эми Кыргызстандан УКМК кызматкерлери жүргүзгөн.

234
Белгилер:
атайын операция, баңгизат, героин, Россия, Кыргызстан
Тема боюнча
Шигаев: жылдан-жылга баңгизатын колдонгон адамдар азаюуда
Афган күчтөрү Кундуз провинциясындагы согуш талаасында

ЖМК: талибдер Тажикстан менен чектешкен аймакты басып алды

168
(жаңыланган 16:21 23.06.2021)
Афганистан бийлигинин 134 жоокери куралдуу кагылышка туруштук бере албай калгандыктан Тажикстандын аймагына кире качууга аргасыз болушкан.

БИШКЕК, 23-июн. — Sputnik. "Талибан"* согушкерлеринин кыймылы Афганистандын түндүгүндөгү маанилүү аймактардын катарына кирген Кундуз провинциясын көзөмөлдөп, анын борборун курчоого алды. Бул тууралуу Аль-Жазира телеканалы жергиликтүү бийлик органдарына шилтеме берип кабарлады.

ЖМКнын маалыматына караганда, бул провинция үчүн согуштук аракеттер жекшемби күнү башталып, дүйшөмбүдө талибдер райборборду басып алышкан. Кийинчерээк алар Кундуз провинциясындагы Афганистан менен Тажикстандын ортосундагы башкы чек ара өткөрмөсүн ээлеп алышкан.

"Тилекке каршы, бүгүн эртең менен талибдер Шир-Хан портун, шаарды жана Тажикстан менен чектешкен жердеги бардык постторду басып алышты", — деди провинция кеңешинин мүчөсү Халиддин Хакми.

Бул маалыматты талибдердин өкүлү Забиулла Муджахид дагы тастыктады. Анын айтымына караганда, учурда талибдер Шерхан-Бандар менен Кундуздагы чек ара өткөрмөлөрдүн бардыгын көзөмөлдөп жатат.

Ал эми Тажикстандын УКМКсынын Чек ара кызматы 22-июнь күнү Афганистан Ислам Республикасынын 134 жоокери куралдуу кагылышка туруштук бере албай "Пяндж" чек ара отрядынын төртүнчү заставасы аркылуу Тажикстандын аймагына киргенин кабарлады. Тажик чек арачылары афган жоокерлерин тоскоолдуксуз өткөргөн.

"Тажикстан менен Афганистандын чек ара линиясындагы абал чыңалып турат. Акыркы 10 күн аралыгында Афганистандын Тажикстан менен чектешкен жерлеринде өкмөттүк жана "Талибан" кыймылынын күчтөрү кагылышты", — дешти Тажикстандын УКМКсынан.

Акыркы маалыматтар боюнча, афган жоокерлеринин төртөө жарадар болуп, бирөө каза тапкан. Ал эми Шерхан-Бандарда талибдер тарабынан өлтүрүлүп жана туткунга алынгандардын саны жүздөп саналат.

* Кыргызстанда, Россияда жана башка бир катар мамлекеттерде ишмердүүлүгүнө тыюу салынган экстремисттик уюм

168
Белгилер:
чек ара, Тажикстан, согуш, Талибан, Афганистан
Тема боюнча
АКШ Кабулду Түркияга табыштады... Талибдер кандай кабылдайт?
Кыргыз-тажик чек арасындагы жаңжал. Чыгымдын так суммасы жарыяланды
Бүтүрүүчү кыз мектепте. Архив

Кеминдеги бүтүрүүчү кыздын өлүмү. Министрлик ата-энелерге кайрылды

560
(жаңыланган 16:07 22.06.2021)
Мектеп администрациясы берген мүнөздөмө боюнча, киши колдуу болгон кыз токтоо, эмгекчил, эч ким менен урушпаган адам болчу. Окууга жоопкерчиликтүү мамиле кылганы да айтылды.

БИШКЕК, 22-июн. — Sputnik. Билим берүү жана илим министрлиги ата-энелерге кайрылуу жасап, ар түрдүү кырсыктарды алдын алуу үчүн балдарына көз салып, аларды көзөмөлдөөгө чакырды.

Ведомство №1 Кемин орто мектебиндеги 9-класстын бүтүрүүчү кызынын өлүмү боюнча тынчсыздануусун билдирген. Мектеп администрациясы берген мүнөздөмө боюнча, ал токтоо, эмгекчил, эч ким менен урушпаган кыз болчу. Окууга жоопкерчиликтүү мамиле кылганы да айтылды.

"Каргашалуу окуяга байланыштуу Билим берүү жана илим министрлиги ата-энелерге кайрылып, балдарды ар кандай кырсыктардан алып калуу үчүн жайкы каникул учурунда аларга тыкыр көңүл бурууга чакырат", — деп жазылат кайрылууда.

Эске салсак, бүтүрүүчү кыз 21-июнда өлтүрүлгөн. Ал мектепти бүткөндүгү тууралуу күбөлүктү алуу үчүн эртең менен үйдөн чыгып кеткен. Саат 11лер чамасында коңшусунун телефонунан чалып, анын үйүндө сугат иштери бүткөндөн кийин келерин кабарлаган. Ошол бойдон үйүнө барган эмес.

Кийин кылмышка шектелип мурда ээнбаштык жана алдамчылык фактылары менен бир нече жолу соттолгон 42 жаштагы киши кармалган. Колго түшүрүлгөн киши кызга асылып, аны зордуктоого аракет кылганын, бирок кыз кыйкырып жардам сурай баштаганда коркуп кетип муунтуп салганын айткан. Кийин сөөгүн токойго жеткирүү үчүн башка коңшусунун автоунаасын алганы маалым болду.

560
Белгилер:
зордуктоо, өлүм, бүтүрүүчү, Билим берүү министрлиги, Кемин
Тема боюнча
УКМКнын мас кызматкерлери эс алуучуларды сабаганбы? 
Май куюп жаткан автоунааны "минип" калган Lexus. Кырсыктан кийинки видео
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

0
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

0
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме