Кишенчен киши. Иллюстративдик сүрөт

Өспүрүм кызды зордуктап жүргөн. Шектүү аны уурдай качканда кармалды

321
(жаңыланган 17:59 21.05.2021)
Шектүү 18 жаштагы кызды Кызыл-Кыядан Ош шаарына алып келип, автоунаасынан чыгарбай отурган жеринен милиция кармаган.

БИШКЕК, 21-май — Sputnik. Ош шаарында өспүрүм кызды эки жылдан бери зордуктап жүргөн деген шек менен 29 жаштагы Т.Д. аттуу киши кармалды. Бул туурасында шаардык милициянын маалымат кызматы кабарлады.

Задержанный, 29 летний Т.Д., подозреваемый в изнасиловании девочки-подростка в течение двух лет в Оше
© Фото / пресс-служба УВД города Ош
Ош шаарында өспүрүм кызды эки жылдан бери зордуктап жүргөн деген шек менен 29 жаштагы Т.Д. аттуу киши кармалды

Билдирүүгө ылайык, ал 18 жаштагы кызга күч колдонуу менен Кызыл-Кыядан Ош шаарына алып келип, автоунаасынан чыгарбай отурган жеринен милиция кармаган.

"Тергөөнүн алгачкы маалыматы боюнча, шектүү жабырлануучу менен кыз-жигит болуп сүйлөшүп жүргөн. 2019-жылы эле бир нече ирет зордуктаган. Ошондон бери "сени зордуктаган учурду видеого тартып алгам" деп коркутуп жыныстык катнашка мажбурлаган. Кыз милицияга арыз жазуудан корккон. Ал убакта жабырлануучу 16 жашта гана болчу", — деп айтылат маалыматта.

Ошондой эле кыз катуу коркуп калгандыктан "баланы камай турган болсоңор гана баарын айтам" деген шарт менен көрсөтмө бергени белгиленет.

"Шектүү 18-майда кечинде кызды коркутуп, күч менен автоунаасына салып Кызыл-Кыядан Ош шаарына келген. Жолдо аны уруп, телефонун талкалап салган. Ал "башка жигит менен жүрөт экенсиң" деп кызганып, кол көтөргөн. 19-май күнү эртең менен саат 09.00дөр чамасында Ак-Буура милиция бөлүмүнүн кызматкерлери шектүүнүн жүргөн жерин аныктап, автоунаада отурган жеринен кармашты", — деп айтылат маалыматта.

Бул факт боюнча Жазык кодексинин 170-беренеси ("Адам уурдоо") менен сотко чейинки өндүрүш иши ачылып, шектүү убактылуу кармоочу жайга киргизилген. Бүгүн Ош шаардык соту баш коргоо чарасын карайт.

Милициянын билдиришинче, кармалган жаран Баткен облусунун Кадамжай районунун тургуну, буга чейин Россияда иштеп келген. Ал эми кыз учурда 18 жашта, Кызыл-Кыя шаарындагы окуу жайлардын биринде билим алат.

321
Белгилер:
уурдоо, кармоо, жабырлануучу, зордуктоо, Ош
Тема боюнча
13 жаштагы кыздын зордукталышы. Тоңдо акталгандар кайра соттолду
Ошто соцтармактан таанышкан окуучу кызды зордуктады деген балдар кармалды
Бала футбол ойноп жатат. Архив

Жалал-Абадда 13 жаштагы өспүрүм бала жоголду. Сүрөт

51
(жаңыланган 19:57 17.06.2021)
Өспүрүм Сузак районундагы чоң энесинин үйүнөн чыгып кеткен боюнча кайтып келген эмес. Ал үч күндөн бери изделип жатат.

БИШКЕК, 17-июн. — Sputnik. Жалал-Абадда 13 жаштагы Жоробек Акимжанов дайынсыз болуп жатат. Бул тууралуу Облустук ички иштер башкармалыгынан билдиришти.

Без вести пропавший в Джалал-Абадской области Жоробек Акимжанов
© Фото / пресс-служба УВД Джалал-Абадской области
Жалал-Абадда 13 жаштагы Жоробек Акимжанов дайынсыз болуп жатат

Маалыматка караганда, өспүрүм бала 14-июнь күнү саат 13:00дөр чамасында Сузак районунун Саты айылындагы чоң энесинин үйүнөн чыгып, Жалал-Абад шаарынын борбордук базарына барган. Ал ошол бойдон үйүнө кайтып келген эмес.

Белгилери: бою 150-155 сантиметр, ак жүздүү, чачы кыска, кара. Үстүндө боз түстөгү футболка, башында кызыл түстөгү кепка, бутунда ак түстөгү жайкы бут кийим болгон.

Акимжановду көргөн-билгендер болсо (03722) 102, 0555 10 23 05, 0771 93 60 70 номерлерине кабарлай алышат.

51
Белгилер:
Жоробек Акимжанов, милиция, өспүрүм, Жалал-Абад
Тема боюнча
Сокулук: 17 жаштагы алтын-ордолук Айжанат дайынсыз болуп жатат. Сүрөт
ИИМ Бишкекте сууга аккан 10 жашар кызды куткаргандарды сыйлады. Сүрөт
Кылмыш болгон жер. Иллюстративдүү сүрөт

Ат-Башы: келинин муунтуп өлтүргөн кайнага андан соң жанын кыйган

475
(жаңыланган 17:37 17.06.2021)
Агасы өлгөн жерге иниси чакыртылган. Ал бир күндөн бери аялын таппай жатканын айтып арыз жазган. Жубайынын сөөгү 500 метр ары жактан табылган.

БИШКЕК, 17-июн. — Sputnik. Нарындын Ат-Башы районунда 50 жаштагы киши 38 жаштагы келинин муунтуп өлтүрүп, андан кийин асынып алган деп шектелүүдө. Бул тууралуу Нарын ОИИБдин маалымат кызматы кабарлады.

Милицияга билдирүү 16-июнь күнү саат 06:30дар чамасында түшкөн. Анда жергиликтүү тургун Ат-Башы айылынын түштүк тарабындагы Дамбы участкасындагы токойдун жээгинде Женя аттуу адам асынып калганын кабарлаган.

"Окуя болгон жерге барган ыкчам-тергөө тобу 51 жаштагы Е. К. аттуу эркек кишинин сөөгүн тапкан. Кароо жүргүзгөн учурда маркумдун мойнунда жиптин издери жана оң колунун манжаларынын ички бети курч нерсе менен кесилгени аныкталган", — деп билдирди облустук милиция.

Ал жакка маркумдун 49 жаштагы бир тууган иниси А.К. чакыртылган. Ал 15-июнь күнү түштөн бери 38 жаштагы аялы К.Н. дайынсыз жок болуп жаткандыгын айтып, арыз берген.

"Окуя болгон жерден 500 метр аралыктан аял кишинин сөөгү табылып, өлгөн кишинин инисинин аялы экени такталган. Кароо учурунда денесинен күч колдонулган белгилер аныкталган. Алдын ала болжолдуу иликтөөлөргө ылайык, келинди кайнагасы таш менен чаап, учтуу курч нерсе менен сайып өлтүрүп, андан соң өз жанын кыйган", — деп айтылат маалыматта.

Кылмыш иши боюнча тийиштүү экспертизалар дайындалып, күбөлөр суракка алынган. Окуянын чоо-жайы териштирилүүдө.

475
Белгилер:
өлүм, келин, милиция, Ат-Башы, ОИИБ, Нарын
Тема боюнча
Таарынычтан улам адам өлтүргөн. Түптө эки шектүү кармалды
Айыл, суу чарба жана аймактарды өнүктүрүү министри Аскарбек Жаныбеков. Архив

Министр: Орто-Токой суу сактагычындагы суу бир айга гана жетет

0
(жаңыланган 00:11 18.06.2021)
Министр Орто-Токой суу сактагычында 224 миң куб суу калганын айтып, сууну эл өзү билемдикке салып колдонбошу керектигин эскертти.

БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.  

"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.  

Аткаминер эл сууну өзү билемдикке салып бөлүштүрбөшү керектигин эскертип, суу  чарбасы бөлүштүргөн графиктин негизинде гана иш алып барууну  белгиледи.  

Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.
© Sputnik / Акылбек Батырбеков , Эмиль Садыров
"Эгер суу бөлүштүрүү боюнча график сакталса, суу баарына жетет. Суу ресурстары боюнча агенттикте 4 600 адам иштейт. Көбүнүн айлыгы 4600-4800 сом. Ага карабай бул адамдар каналда күнү-түнү иштеп, аракет кылып жатышат", — деди Жаныбеков.  

Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.

0
Белгилер:
министр, бөлүштүрүү, айыл чарба, суу, Орто-Токой суу сактагычы
Тема боюнча
Сабиз менен картошканы сыртка сатууга тыюу салынат
Бийлик өкүлдөрү суу эмнеге кескин азайып кеткенин түшүндүрдү