Милиция кызматкерлери. Архив

Ноокатта жоголгон 21 жаштагы жигиттин сөөгү өзүнүн автоунаасынан табылды

154
(жаңыланган 12:39 24.05.2021)
Киши колдуу болгон жигит 21-май күнү өзү жашаган үйдөн чыгып кеткен боюнча дайынсыз болуп жаткан. Агасы милицияга эки күндөн кийин кайрылганы айтылды.

ОШ, 24-май – Sputnik. Ноокат районунда үч күн мурда дайынсыз жоголуп кеткен 21 жаштагы жигиттин сөөгү өзүнүн автоунаасынын багажнигинен табылды. Бул тууралуу Ош облустук ички иштер башкармалыгынын маалымат катчысы Жеңишбек Аширбаев билдирди.

Анын айтымында, маркумдун агасы 23-май күнү Ноокат райондук милициясына кайрылып, иниси эки күн мурда өзүнүн Daewoo Lacetti үлгүсүндөгү унаасы менен Алашан айылындагы жашаган үйүнөн чыгып кеткен боюнча дайынсыз экендигин айткан.

Бул факт Ноокат РИИБи тарабынан Кылмыш жана жоруктардын бирдиктүү реестрине катталган.

"Дайынсыз жоголгон жигитти табуу үчүн Ноокат милициясынын ыкчам-тергөө тобу, Криминалдык милиция кызматы жана Көк-Жар айылдык милиция бөлүгү иликтөө иштерин жүргүзгөн. Ошол эле күнү анын автоунаасы Көк-Жар айылындагы чайканалардын биринин короосунда токтоп турган жеринен табылган. Текшерүү учурунда багажнигинен дайынсыз жоголгон жигиттин сөөгү чыккан. Ал күч колдонулуп өлтүрүлгөнү белгилүү болду", — деди Аширбаев.

Тергөө учурунда Көк-Жар айылынын тургундары 20 жаштагы Т.Ж. жана 17 жаштагы Т.А. шектүү катары кармалып, убактылуу кармоочу жайга киргизилген.

Окуянын чоо-жайы такталып жатат.

Задержанные по подозрению в убийстве В Ноокатском районе
© Фото / Зульфия Тургунова
Шектүүлөр
154
Белгилер:
милиция, издөө, сөөк, маркум, автоунаа, Ноокат
Тема боюнча
Өспүрүм кызды зордуктап жүргөн. Шектүү аны уурдай качканда кармалды
Доллар жана сом купюралары. Иллюстративдик сүрөт

Эсепсиз байыган. Бишкек мэриясынын жерине үй курду делген компания аныкталды

36
(жаңыланган 14:37 25.06.2021)
Юнусалиев жана Сухе-Батор көчөлөрүнүн кесилишиндеги кымбат баалуу муниципалдык 0,95 гектар жер тилкеси махинациялык жол менен жеке менчикке өтүп кеткен.

БИШКЕК, 25-июн. — Sputnik. Кымбат баалуу жер тилкеси коррупциялык жол менен берилгендиктен бюджетке 170 миллион сомдон ашык зыян келтирилгени аныкталды. Бул туурасында Башкы прокуратуранын маалымат кызматы билдирди.

Текшерүүнүн алкагында Бишкек шаардык мэриясынын 1999-жылдагы токтому менен Юнусалиев жана Сухе-Батор көчөлөрүнүн кесилишиндеги кымбат баалуу муниципалдык 0,95 гектар жер тилкеси Н.А. аттуу жаранга ден соолукту чыңдоо борборун куруу үчүн мөөнөтсүз пайдаланууга мыйзамсыз берилгени аныкталган.

Бирок 2002-жылы мэриянын токтому менен кайра 49 жылга ижарага берүү шартына өзгөртүлгөн. Ал эми 2005-жылы жердин багыты көп кабаттуу үй курууга которулуп "А" компаниясына 83 миллион 520 миң 200 сомго сатылганы кабарланды.

"2013-жылы аталган компания Бишкек райондор аралык сотунун негизсиз чечими менен көрсөтүлгөн жерди муниципалдыктан жеке менчикке өткөрүп, көп кабаттуу үйлөрдү курган. Андагы батирлерди жарандарга кымбат баада сатып, мыйзамсыз түрдө эбегейсиз пайда тапкандыгы такталды. Жогорудагыдай татаалдаштырылган коррупциялык схема аркылуу муниципалдык кызматкерлердин, сот органдарынын жана жеке адамдардын мыйзамсыз аракеттеринен улам мамлекетке 173 миллион сомдук ири өлчөмдө зыян келтирилген", — деп айтылат маалыматта.

Бул факт боюнча материалдар Башкы прокуратура тарабынан Жазык кодексинин 319 ("Коррупция") жана 329-беренелери ("Кызматтык жасалмачылык") менен сотко чейинки өндүрүш иши башталды.

36
Белгилер:
Башкы прокуратура, сатуу, сот, коррупция, жер тилкеси, Бишкек
Тема боюнча
Чүйдө 23 миллион сомдук социалдык объект Шопоков мэриясына өттү
Прокуратура 731 миң сомдук жер тилкеси ит бекер сатылганын аныктады
Жол кырсыгынан жабыркаган унаа. Архив

Эч нерсеси калбаптыр. Бишкекте унаа бакты сүзүп, бир аял жабыркады

51
(жаңыланган 15:00 25.06.2021)
Чүй проспекти менен 7-Апрель көчөлөрүнүн кесилишинен айдоочу рулду башкара албай калып жолдон чыгып кеткен.

БИШКЕК, 25-июн. — Sputnik. Бишкекте Toyota Aristo үлгүсүндөгү автоунаа кырсыктап, бир адам жаракат алды. Бул тууралуу ӨКМден билдиришти.

Маалыматка караганда, Чүй проспекти менен 7-Апрель көчөлөрүнүн кесилишинен айдоочу рулду башкара албай калып жолдон чыгып кеткен. Натыйжда бакты сүзүп, кырсыктын кесепетинен 27 жаштагы аял жабыркаган.

На пересечении проспекта Чуй и улицы 7 апреля в Бишкеке, водитель легковой машины “Toyota Aristo” не справился с управлением и врезался в дерево.
© Фото / пресс-служба МЧС КР
Бишкекте Toyota Aristo үлгүсүндөгү автоунаа кырсыктап, бир адам жаракат алды

Жерине беш куткаруучу барып, унаадагыларды чыгарган. Жабыркагандарды Тез жардам кызматы алып кетти.

51
Белгилер:
жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Жалал-Абад: жол кырсыктарын алдын алуу үчүн баннерлер илинип, кеңештер айтылды
Министр здравоохранения КР Алымкадыр Бейшеналиев на пресс-конференции о лечении коронавируса настойкой иссык-кульского корня (ядовитое растение)

Элчи менен сүйлөшкөнбүз. Министр Бейшеналиев QazVac вакцинасы тууралуу

0
Буга чейин Бейшеналиев өлкөгө казакстандык QazVac вакцинасы алып келинерин айткан. Көп өтпөй коңшу өлкөнүн өкмөтү бул маалыматты төгүндөгөн.

БИШКЕК, 25-июн. — Sputnik. Саламаттык сактоо жана социалдык өнүктүрүү министри Алымкадыр Бейшеналиев Казакстандын коронавируска каршы QazVac вакцинасы боюнча боюнча түшүндүрмө берди.

"Биз Казакстандын Кыргызстандагы элчиси менен сүйлөшкөнүбүздө вакцина берилет деп айткан", — деди министр.

Эске салсак, Бейшеналиев өтүп бара жаткан жуманын ичинде өлкөгө казакстандык QazVac вакцинасы алып келинерин айткан. Болгондо дагы жума же ишемби күнү вакцинанын 50 миң дозасы гумжардам катары келерин баса белгилеген.

Көп өтпөй коңшу өлкөнүн вице-премьери Ералы Тугжанов менен саламаттык сактоо министри Алексей Цой бул маалыматты төгүндөгөн. Алар Казакстан жакынкы айларда эч бир өлкөгө коронавируска каршы QazVac вакцинасын бербей турганын, бул тууралуу сөз дагы болбогонун билдиришкен.

0
Белгилер:
вакцина, Казакстан, коронавирус, Алымкадыр Бейшеналиев