Киши колунда бычак менен. Иллюстративдик сүрөт

Бишкекте эркек кишини бычактап салды деп 48 жаштагы аял кармалды. Сүрөт

193
(жаңыланган 17:29 24.05.2021)
Ыкчам-тергөө тобу 50-55 жаштагы эркек киши кыйналып өлтүрүлгөнүн аныктаган. Маркум Жалал-Абад облусунун 45 жаштагы тургуну жана үй-жайсыз экени белгилүү болду.

БИШКЕК, 24-май — Sputnik. Бишкекте 48 жаштагы аял өзүнөн үч жаш кичүү кишини бычактап салды деп кармалганын Биринчи май райондук ички иштер башкармалыгынын маалымат кызматы кабарлады.

Милицияга билдирүү 23-май күнү саат 19:26да түшкөн. Анда Тоголок Молдо көчөсүндөгү "Пишпек" ресторанынын жанындагы бак-дарактардын арасында эркек кишинин сөөгү жатканын айтышкан.

Подозреваемая в убийстве мужчины в лесопосадке возле ресторана Пишпек в Бишкеке
© Фото / пресс-служба УВД Первомайского района
Бишкекте 48 жаштагы аял өзүнөн үч жаш кичүү кишини бычактап салды деп кармалганын Биринчи май райондук ички иштер башкармалыгынын маалымат кызматы кабарлады

Окуя болгон жерге барган Биринчи май РИИБдин ыкчам-тергөө тобу 50-55 жаштагы эркек киши кыйналып өлтүрүлгөнүн, денесинде бычактын издери бар экенин аныктаган.

Аталган факт Кылмыш жана жоруктардын бирдиктүү реестрине Жазык кодексинин 130-беренеси ("Киши өлтүрүү") менен каттоого алынып, тергөө иштери башталган.

Маркум Жалал-Абад облусунун 45 жаштагы тургуну жана үй-жайсыз экени аныкталган. Аны өлтүрүүгө шектелип Ысык-Көл облусунда төрөлгөн 48 жаштагы аял колго түшүрүлүп, бычагы табылган. Шектүү бир нече ирет соттолгону маалым болду.

Учурда тергөө иштери жүрүп жатат.

193
Белгилер:
эркек, аял, кармоо, киши өлтүрүү, милиция, Бишкек
Тема боюнча
Улут аралык кастыкты козутууга шектелип Чүйдө эки аял кармалды
Кишендер. Архив

Төрт айдын ичинде Кыргызстанда 8 миң киши кылмышка барган

32
Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

БИШКЕК, 24-июн. — Sputnik. Үстүбүздөгү жылдын төрт айында республика боюнча кылмыштуулуктун саны 31 пайызга өстү. Январь-апрель айларында өлкөдө 8 миңге жакын адам кылмыш кылганын Башкы прокуратурага шилтеме берип Улуттук статистика комитети жазды.

"Төрт айда Кыргызстанда 17,5 миң кылмыш катталган. Бул 2020-жылдын ушул учуруна салыштырмалуу 31 пайызга көп дегенди түшүндүрөт. Кылмыштардын 60 пайызы Бишкек шаарында жана Чүй облусунда жасалган", — деп айтылат билдирүүдө.

Кылмыштын көбөйгөн түрлөрү:

  • алдамчылык — 1,7 эсеге;
  • уурулук — 30 пайызга;
  • тоноо – 10 пайызга;
  • адам өлтүрүү — 21 пайызга;
  • зордуктоо жана зордуктоо максатында кол салуу — 17 пайызга;
  • ден соолукка анча оор эмес зыян келтирүү – 11 пайызга;
  • кызмат абалынан кыянаттык менен пайдалануу — 21 пайызга;
  • ишенип берилген мүлктү ыйгарып алуу же чыгымдоо — 2,3 эсеге;
  • паракорлук — 14 пайызга;
  • баңгизаттарды мыйзамсыз жүгүртүү — 29 пайыз.

Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

32
Белгилер:
статистика, өсүү, кылмыш, Кыргызстан
Тема боюнча
Военно-Антоновкадагы балдар үйүндө көз жумган өспүрүм. Эки экспертиза дайындалды
Ошто студенттерден пара алууга шектелип камалган декан үй камагына чыкты
Чек арачы. Архив

Сөөк ашуусундагы жол кырсыкта бир чек арачы каза болду

115
(жаңыланган 12:28 24.06.2021)
Окуя кечээ, 23-июнь күнү, Ысык-Көл облусунда болгон. Айдоочу Сөөк ашуусунда бара жатканда рулду башкара албай, автоунаа оодарылып кеткен.

БИШКЕК, 24-июн. — Sputnik. УКМКнын Чек ара кызматынын аскери кызматтык милдетин аткарып жүрүп жол кырсыгынан каза болду. Бул тууралуу аталган мекемеден кабарлашты.

Кырсык кечээ, 23-июнь күнү, Ысык-Көл облусунда болгон.

"Коюлган тапшырманы аткаруу үчүн үч аскер жүк ташуучу автоунаа менен жүк алып бара жаткан. Алдын ала маалыматтарга караганда, айдоочу Сөөк ашуусунда рулду башкара албай, автоунаа оодарылып кеткен. Кесепетинде айдоочу ооруканага жетпей жолдо каза болуп, эки аскер ар кандай жаракат алды", — деп айтылат билдирүүдө.

Жол кырсыгы боюнча тергөө иштери башталып, окуя кандай жагдайда болгону такталып жатат.

115
Белгилер:
өлүм, жол кырсык, Аскер, чек ара, Ысык-Көл, Кыргызстан
Тема:
2021-жылдын башынан бери Кыргызстанда болгон жол кырсыктар
Тема боюнча
15 жаштагы бала айдап... Ноокаттагы 6 киши көз жумган кырсыктын чоо-жайы
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

0
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
0
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы