Апасы Россияга кеткен. Жети-Өгүздө үч жашар бала ур-токмоктон чарчап калды

© Sputnik / Табылды КадырбековБала айылда Ысык-Көл облусунда. Архив
Бала айылда Ысык-Көл облусунда. Архив - Sputnik Кыргызстан, 1920, 26.05.2021
Жазылуу
Иликтөө учурунда шектүүгө кудачасы үч жашар баласын таштап Россияга кеткени белгилүү болгон. Соттук-медициналык экспертизанын жыйынтыгы наристе башынан жаракат алганын аныктаган.
БИШКЕК, 26-май — Sputnik. Ысык-Көл облусунун Жети-Өгүз районунда үч жашар бала ур-токмоктон чарчап калды. Бул тууралуу облустук милициядан билдиришти.
Маалыматка ылайык, 15-май күнү аймактык ооруканага 38 жаштагы М.Д. жана 33 жаштагы М.Г. денесинде көгала тактары бар, эс-учун жоготкон үч жашар баланы алып келгени тууралуу милицияга билдирүү түшкөн.
Денесинен жаракат алган бала жандандыруу бөлүмүнө жаткырылып, көп узабай наристе эсине келбей чарчап калган.
Бул факт боюнча Жоруктар кодексинин 65-беренеси ("Уруп-сабоо") менен сотко чейинки өндүрүш иши башталып, соттук-медициналык экспертиза дайындалган.
"Күбөлөрдү сурамжылоодо баланы ооруканага алып келген 33 жаштагы М.Г. аттуу аялга кудачасы үч жашар баласын таштап, өзү Россияга иштегени кеткени белгилүү болгон. Баланы карап жүргөн аялдын айтымында, 15-май күнү болжол менен саат 12.00дөр чамасында наристенин талмасы кармап, тепкичтен кулап түшкөн. Ал эми денесиндеги көгала тактар бир нече жолу чымчып койгондуктан пайда болду деп көрсөтмө берген", — деп айтылат маалыматта.
Киши колунда бычак менен. Иллюстративдик сүрөт - Sputnik Кыргызстан, 1920, 24.05.2021
Бишкекте эркек кишини бычактап салды деп 48 жаштагы аял кармалды. Сүрөт
Соттук-медициналык экспертизанын жыйынтыгы боюнча, бала башынан туюк жаракат алган. Сотко чейинки өндүрүш иши Жазык кодексинин 138-беренесине ("Ден соолукка оор зыян келтирүүдөн улам этиятсыздыктан киши өлтүрүү") өзгөртүлгөн.
Факт боюнча шектүү катары 33 жаштагы М.Г. соттун чечими менен эки айга камакка алынган. Учурда тергөө жүрүп жатат.
Жаңылыктар түрмөгү
0