Болгон жерди тинтип, сурак да жүргүзүп жатабыз. ИИМ Инандыны издөө тууралуу

© Фото / ПРЕСС-СЛУЖБА МВД КРПоиски пропавшего Орхан Инанды в Бишкеке
Поиски пропавшего Орхан Инанды в Бишкеке - Sputnik Кыргызстан, 1920, 05.06.2021
Жазылуу
"Сапат" лицейлер тармагынын президенти, Кыргызстан жараны Орхан Инанды беш күндөн бери дайынсыз болууда. Укук коргоо органдары болгон аракетин көрүп жатканын айтты.
БИШКЕК, 5-июн. — Sputnik. "Сапат" билим берүү мекемесинин дайынсыз болуп жаткан жетекчиси Орхан Инандыны ыкчам-изилдөө иши күчөтүлгөн тартипте уланууда. Бул тууралуу ИИМдин маалымат кызматы кабарлады.
Ага ылайык, Жогорудагы факт боюнча тажрыйбалуу ыкчам кызматкерлер менен тергөөчүлөрдөн түзүлгөн топ мүмкүн болгон күбөлөрдү аныктап, сурак иштерин жүргүзүүдө.
"Активдүү издөө иштери тоо этектериндеги аймактарда, дарыялардын нугунда жана каналдарда, талааларда жана айыл чарба жерлеринде, таштанды төгүлүүчү жайларда жүргүзүлүп жатат. Курулуш аянтчалары, гараж кооперативдери, автоунаа токтотуучу жайлар, кароосуз калган имараттар, заводдор жана фабрикалар, токой тилкелери жана парк зоналары текшерүүгө алынууда", — деп айтылат маалыматта.
Жолугушуунун катышуучулары. Архив - Sputnik Кыргызстан, 1920, 03.06.2021
Орхан Инандынын жоголушу: Коопсуздук кеңешинин катчылыгы кеңешме өткөрдү
Эске салсак, "Сапат" лицейлер тармагынын президенти, Кыргызстан жараны Орхан Инанды 31-майдын түнүнөн бери дайынсыз. Бул маалыматтан кийин президент Садыр Жапаров аны издөө боюнча кошумча күч тартууну тапшырган. Инандынын автоунаасы Октябрь районундагы Малдыбаев көчөсүндө "Ала-Арча" суусунун жээгинде эшиги ачык калган тейде табылганы айтылып, атасынын жоголгону боюнча уулу арыз жазган.
Кийинчерээк УКМК Орхан Инандыны эки жыл мурда уюшкан кылмыштуу топтун мүчөлөрү издеген деген маалымат тараткан.
Жаңылыктар түрмөгү
0