Тапанча кармаган киши. Архивдик сүрөт

Талас: 18 жаштагы кыздын сөөгү табылса, ага шектүү өз жанын кыйганы айтылды

156
(жаңыланган 11:47 05.06.2021)
Милиция алгач Жаңы-Жер айылындагы токтоп турган автоунаадан октон каза болду деген кыздын сөөгүн тапкан. Окуяга шектелген улан асынып алса, шек жараткан дагы бир жаран кармалган.

БИШКЕК, 5-июн. — Sputnik. Таластын Кара-Буура районунда автоунаанын ичинен 18 жаштагы кыздын сөөгү табылды, аны өлтүрүүгө шектелген 19 жаштагы улан өз өмүрүнө кол салган. Бул тууралуу облустук милициянын маалымат кызматы кабарлады.

Ага ылайык, кечээ, 4-июнь күнү, болжол менен саат 15:20 чамасында Кара-Буура РИИБдин нɵɵмɵт бɵлүмүнɵ Тез жардам кызматы Жаңы-Жер айылында белгисиз адамдын сөөгү табылгандыгы тууралуу маалымат берген.

"Окуя болгон жерге барган милиционерлер токтоп турган автоунаанын ичинен болжолдуу түрдө октон жаракат алып көз жумган аялдын сөөгүн табышкан. Маркумдун Жаңы-Жер айылынын 18 жаштагы тургуну экени аныкталган", — деп айтылат маалыматта.

Машина райондук милициянын автоунаа токтотуучу жайына киргизилип, Жазык кодексинин 130-беренеси ("Киши өлтүрүү") менен кылмыш иши козголгон.

Тергөө-ыкчам иштеринин негизинде кылмышка шектүү бүгүн, 5-июнда, болжол менен саат 07:00дө табылып, ал милиционерлер барган учурда асынып каза болгондугу аныкталган.

"Шектүү А.Т. 19 жашта, Кара-Буура районунун Кара-Суу айылынын тургуну экендиги такталды. Андан тышкары райондук милициянын тергөө бөлүмүнө 18 жаштагы Р.Н. аттуу жаран алып келинип, анын кылмышка канчалык деңгээлде катыштыгы бар экендиги текшерилип жатат", — деп билдиришти облустук милициядан.

Учурда тергөө жана иликтөө иштери жүрүүдө.

156
Белгилер:
шектүү, өлүм, кыз, милиция, Кара-Буура, Талас
Тема боюнча
Чүй милициясы: күйөөсүнөн токмок жеген аял аны өлтүрүп тынды
УКМКнын эмлбемасы. Архив

Ошто мушташтан каза болгон 24 жаштагы жаран УКМКда иштегени белгилүү болду

207
(жаңыланган 16:19 21.06.2021)
Буга чейин Ош шаардык ички иштер башкармалыгы 1997-жылы туулган А.А. аттуу жаран мушташтын кесепетинен каза болгондугун кабарлаган.

БИШКЕК, 21-июн. — Sputnik. Ош шаарында мушташтын кесепетинен каза болгон 24 жаштагы бала УКМКнын кызматкери болгон. Бул тууралуу атайын кызмат кабарлады.

Мекеменин маалыматына караганда, маркум УКМКнын Ош шаардык жана Ош облустук башкы башкармалыгынын ыкчам кызматкери болгон.

"Факт боюнча Жазык кодексинин 130-беренесинин 4-бөлүмү ("Бейбаштык менен өлтүрүү") боюнча кылмыш иши козголуп, адам өлтүрүүгө шектелгендер кармалды", — деп жазылат маалыматта.

Буга чейин Ош шаардык ички иштер башкармалыгы 1997-жылы туулган А.А. аттуу жаран мушташтын кесепетинен каза болгондугун кабарлаган.

Укук коргоо органдарындагы ишенимдүү маалымат булак каза болгон жаран УКМКнын кызматкери болгонун билдирген.

207
Белгилер:
Ош, УКМК, кызматкер, өлүм, мушташ
Тема боюнча
Ошто киши өлтүрүүгө шектелип 22 жаштагы балдар кармалды
"Ысык-Ата" курортундагы мушташта кайгуул милициянын кызматкерлери да болгон
Мушташ. Иллюстративдүү сүрөт

Ошто киши өлтүрүүгө шектелип 22 жаштагы балдар кармалды

135
(жаңыланган 15:20 21.06.2021)
Укук коргоо органдарындагы ишенимдүү маалымат булагы билдиргендей, маркум УКМКнын Ош облустук башкармалыгынын кызматкери болгон.

БИШКЕК, 21-июн. — Sputnik. Ош шаарында 24 жаштагы бала мушташтын кесепетинен каза болду. Бул тууралуу маалыматты Ош шаардык ички иштер башкармалыгынын маалымат кызматы кабарлады.

Кечээ, 20-июнь күнү, саат 06:20 чамасында Ош ШИИБдин нөөмөт бөлүмүнө Ош облустар аралык бириккен клиникалык ооруканасынын дарыгери такси аркылуу 20-25 жаштар чамасындагы кишинин сөөгү жеткирилгендигин кабарлаган.

Факт Жазык кодексинин 130-беренеси ("Киши өлтүрүү") менен катталып, сотко чейинки өндүрүшкө алынган. Анын жүрүшүндө каза болгон киши 1997-жылы туулган А.А. аттуу жаран экени аныкталды.

Баланын өлүмүнүн себебин аныктоо үчүн соттук-медициналык экспертиза, кийимдериндеги тактарды аныктоо үчүн соттук-биологиялык экспертиза дайындалган. Өлүктү текшере келгенде жаракаты бар экени аныкталган.

Кылмышка шектүү катары Ош шаарынын 1999-жылы туулган Э.Ы., Г.Э. жана А.Э. аттуу тургундары кармалды.

Э.Ы. өзүнүн алгачкы көрсөтмөсүндө  эч бир себепсиз сөздөн-сөз чыгып А.А. менен уруша кеткенин айткан. Ошондой эле аны бетке бир урганда өзүн жоготуп жатып калганын, жасалма дем алдырып, бетине суу чачып, жардам көрсөтүп акырында такси аркылуу ооруканага жибергенин кошумчалаган.

Кармалгандар Ош ШИИБдин убактылуу кармоочу жайына киргизилип, иликтөө улантылып жатат.

Укук коргоо органдарындагы ишенимдүү маалымат булагы билдиргендей, маркум УКМКнын Ош облустук башкармалыгынын кызматкери болгон.

135
Белгилер:
кылмыш, адам өлтүрүү, милиция, Ош
Тема боюнча
Чүйдө 57 жаштагы кишини өлтүрүүгө шектелип 17 жаштагы бала кармалды
Таарынычтан улам адам өлтүргөн. Түптө эки шектүү кармалды
Россия президенти Владимир Путин. Архив

Путин мигранттар боюнча жарлык чыгарды. РФ элчилиги кыргызстандыктарга кайрылды

0
(жаңыланган 23:10 21.06.2021)
Россияда жүрүү мыйзамын бузган мигранттар 30-сентябрга чейин каттоого туруп, патент алуу үчүн миграция бөлүмдөрүнө кайрылышы керек.

БИШКЕК, 21-июн. — Sputnik. Россия элчилиги Владимир Путиндин коронавирустун тарап кеткен кесепеттерин жоюу маалында чет элдик жарандардын же жарандыгы жок жүргөн адамдардын укуктук абалын жөнгө салуу үчүн убактылуу чараларды караган жарлыгы боюнча кыргызстандыктарга кайрылды.

15-июнда президенттин мигранттардын Россияга келүүсү боюнча чыгарган жарлыгынын мөөнөтү бүтөт. Кеп мигранттардын эпидемиологиялык кырдаалдан улам РФте жүрүү боюнча документтерин узартууга болбой турган буйрук туурасында болуп жатат. Аталган жарлык 2020-жылдын апрель айында күчүнө кирип, 2021-жылдын 15-июнуна чейин иштеген.

Жарлык күчүндө турган учурда Россиядан чет элдиктерди миграциялык мыйзамдарды бузганы үчүн депортация кылынбайт. Бул учурда мигранттарга өлкөдө убактылуу жүргөнү үчүн документтерди (анын ичинде визаны) узартып зарылдыгы жок. Келген жерге каттоого туруу жана туруктуу жашап жатканы боюнча да кагаздарды узартуу ашыкча.

Россияда орнотулган тартипти бузган мигранттар 30-сентябрга чейин каттоого туруп, патент алуу үчүн миграция бөлүмдөрүнө кайрылышы керек.

Ал эми мурда башка бир максат менен келген чет элдиктер арызына жаңы максатты көрсөтүп, анысы менен Россияга чындыгында эмнеге келген себебин билдире алышат деп белгилеген элчилик.

Миграциялык каттоого туруу үчүн берген арызында иш берүүчү менен түзүлгөн расмий эмгек же укуктук-жарандык келишим болушу керек.

Эгерде мигранттын бул документи жок болсо, ага айып пул салынат. Эгерде эки ирет айыпка жыгылып, ал өлкөдөн чыгарыла турган болсо, анда өзү эле эртерээк, 30-сентябрда, Россиядан кетип калганы оң.

Уруксаты бар деген статуска ээ чет элдик жарандар жана туруктуу жашоого уруксат кагаз алгандар, 2020-жылдын 15-мартына чейин чыгып кеткендер 2021-жылдын 30-сентябрына чейин келип, аны узартып алуусу керек.

Элчилик кыргызстандыктарды Россияда мыйзамдуу жүрүүгө жол ачкан бардык процедураларды 30-сентябрга чейин бүтүрүп алууну суранган.

0
Белгилер:
мыйзам, айып пул, жарлык, Мигрант, Владимир Путин, Кыргызстан, Россия
Тема боюнча
Путин Россияда мигранттардын убактылуу жүрүү мөөнөтүн узартып берди