Айдоочу автоунааны айдап бара жатат. Иллюстративдик сүрөт

15 жаштагы бала айдап... Ноокаттагы 6 киши көз жумган кырсыктын чоо-жайы

519
(жаңыланган 12:30 14.06.2021)
Ош — Баткен — Исфана унаа жолунун 23-чакырымындагы кырсык тууралуу маалымат Ноокат РИИБине 13-июнда саат 11:53төр чамасында келип түшкөн.

БИШКЕК, 14-июн. — Sputnik. Ош облусунун ички иштер башкармалыгы Ноокат районундагы жол кырсыгынын чоо-жайын айтты.

Эске салсак, кечээ, 13-июнь күнү, Ноокат районунда өспүрүм балдар келе жаткан унаа аласалып, 6 адамдын өмүрү кыйылган.

Маалым болгондой, Ош — Баткен — Исфана унаа жолунун 23-чакырымындагы кырсык тууралуу маалымат Ноокат РИИБине 13-июнда саат 11:53төр чамасында келип түшкөн.

"Honda Fit үлгүсүндөгү автоунааны 15 жаштагы өспүрүм башкарып бара жаткан. Ал каршы тилкеде келе жаткан Daewoo Matiz автоунаасы менен кагышкан. Аны 32 жаштагы Баткен облусунун тургуну айдап бараткан. Кырсыктан Honda Fit үлгүсүндөгү автоунаадан бир адам, ал эми экинчи көлүктөн айдоочусу менен кошо төрт адам мерт болгон", — деп айтылат маалыматта.

Кырсыктан алты киши жабыркап Ош шаардык ооруканасына жеткирилген. Алар 17 (экөө), 16, 15, 7 жана 3 жаштагы балдар.

Жол кырсыгы катталган жерге куткаруучулар, милиционерлер жана медиктер тартылып, тиешелүү жардам көрсөтүшкөн.

519
Белгилер:
өлүм, айдоочу, жол кырсык, Ноокат, Ош
Тема:
2021-жылдын башынан бери Кыргызстанда болгон жол кырсыктар (112)
Тема боюнча
Көлдөгү жол кырсыктан 33 жаштагы келин эки кызы менен көз жумду
Дем алышта 15 киши мерт болду. Жапаров ИИМге жол кырсыгын алдын алууну тапшырды
Жүрөктү түшүрөт! Бишкек — Ош жолунда фура жеңил унааны коюп кете жаздаган видео
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

59
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

59
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Кыргыз мамлекеттик медициналык академиясынын проректору, профессор, нейрохирург Кеңешбек Ырысов

Ырысов: автоунаа кырсыгынан улам мээси жабыркаган бейтаптар көбөйдү

60
Кыргыз мамлекеттик медициналык академиясынын проректору, профессор, нейрохирург Кеңешбек Ырысов мээ шишиктерине күнүнө ондон операция жасалып жатканын айтты.

Мээнин шишиги эмнеден пайда болору дагы деле белгисиз. Бирок окумуштуулардын божомолуна караганда, тукум куучулук, радиация, экологиянын бузулушу, андан сырткары, химиялык заттар менен көп иштөө таасир этет. Бул тууралуу Кеңешбек Ырысов Sputnik Кыргызстан радиосунун эфиринде маек куруп жатып билдирди.

Ырысов: автоунаа кырсыгынан улам мээси жабыркаган бейтаптар көбөйдү

Анын айтымында, Кыргызстанда акыркы он жылда компьютердик томография жайылып, элге жеткиликтүү болуп калгандан кийин диагностика кыйла жеңилдеп калды.

"Адамдын мээси дагы деле толук изилденип бүтө элек табышмактуу орган. Ошондуктан мээ, жүлүн ооруларынын диагнозун коюу, дарылоо абдан татаал. Жыл өткөн сайын нейрохирургияга байланыштуу изилдөөлөр жүрүп, жыйынтыгын окумуштуулар жарыялап жатат. Ошентсе да булар органды толук таанып-билүү үчүн жетишсиздик кылат. Кыргызстанда акыркы он жылда нейрохирургиянын абалы жакшырды. Мээге операция жасоонун заманбап, жогорку технологиялык ыкмалары жайылууда. Бейтаптарга инвазивдик операция жасап жатабыз. Жыл өткөн сайын баш сөөгүнөн, мээсинен жаракат алгандар көбөйүп бара жатат. Өзгөчө автоунаа кырсыктарынын кесепетинен мээси жабыркаган бейтаптар көп болууда. Көпчүлүгү майып болуп калып же толук жакшы болуп кете албай жатышат. Андыктан бул маселеге да көңүл бурулушу керек. Ошону менен бирге мээ шишиктеринен жабыр тарткан бейтаптар да көп. Күнүнө ондон операция жасап жатабыз. Шишик негизги кан тамырды каптап өсүп калган учурлар болот. Ошондуктан мээдеги шишикти башка органдардагыдай кылып толук алып сала албайбыз. Убакыт өткөндөн кийин ал кайра өсө берет. Шишик мээдеги тамырларды кысканда бейтаптын бир капталы иштебей, шал болуп же сүйлөй албай калат. Азыр оорулуу 90 пайыз жакшы болуп кетсе,  биз үчүн чоң жеңиш", — деди Ырысов.

Нейрохирург мээдеги залалдуу шишикке караганда залалсызы өтө кооптуу экенин, себеби ал химиялык нур менен дарылоону тоготпой турганын кошумчалады.

Подкасттын толук вариантын төмөнкү видеодон көрүңүз:

60
Белгилер:
шишик, диагноз, мээ, Кеңешбек Ырысов
Тема боюнча
Мээни керексиз маалыматтардан кантип тазалоо керек. Адистин кеңеши