Бычак кармаган адам. Архив

Таарынычтан улам адам өлтүргөн. Түптө эки шектүү кармалды

201
(жаңыланган 15:48 14.06.2021)
Райондук сот шектүүлөрдүн бөгөт чарасын карап, эки айга камакка алуу чечимин чыгарды. Учурда сотко чейинки өндүрүштүн алкагында тергөө иштери уланып жатат.

БИШКЕК, 14-июн. — Sputnik. Ысык-Көл облусунун Түп районуна караштуу Кутургу айылында адам өлтүрүүгө шектелип эки адам кармалды. Бул тууралуу Ысык-Көл облустук ИИБдин маалымат кызматы кабарлады.

Ага ылайык, 3-июнь күнү Түп РИИБдин нөөмөт бөлүмүнө айылдагы эски тегирмендин жанынан азият улутундагы эркек адамдын сөөгү табылгандыгы тууралуу маалымат түшкөн.

Факты Түп райондук ИИБдин бирдиктүү реестрине Жазык кодексинин 130-беренеси ("Адам өлтүрүү") боюнча катталган.

"Окуя болгон жерге райондук милициянын ыкчам-тергөө тобу барып, эркек кишинин кыйноо жолу менен өлтүрүлгөнүн аныкташкан. Маркум 39 жаштагы Е.К. аттуу ошол эле айылдын тургуну экени маалым болгон. Кийинчерээк ыкчам-иликтөө иштеринин жыйынтыгында негизги шектүү колго түшүрүлгөн. Ал дагы ошол эле айылдын тургуну 36 жаштагы Б.Н. аттуу адам болуп чыкты. Сурак учурунда шектүү көптөн берки таарынычынан улам кылмышка барганын айткан. Кийинчерээк ага жардам берген деген айып менен Ак-Булуң айылынын 62 жаштагы тургуну кармалган. Колго түшүрүлгөн киши өлтүрүлгөн Е.К. аттуу адамды үйүнө чакырып бергенин айткан", — деп жазылат маалыматта.
Подозреваемые в убийстве мужчины в Тюпском районе Иссык-Кульской области
© Фото / пресс-служба УВД Иссык-Кульской области
Шектүүлөр

Райондук соттун чечими менен кармалгандардын баш коргоо чарасы каралып, экөө тең эки айга камалышкан. Сотко чейинки өндүрүштүн алкагында тергөө иштери уланып жатканы кошумчаланды.

201
Белгилер:
Ысык-Көл облусу, Түп, адам өлтүрүү, шектүү, факты, кылмыш
Тема боюнча
Унаасын алып, 300 миң сом талап кылган. Ошто Женгонун жакын адамы кармалды
Бишкекте энеси менен кызын өлтүрүүгө шектелип өспүрүм кармалды
Афганистандын Герат шаарындагы аскер кызматкерлер

ЖМК: талибдер Афганистандын Герат шаарынын борбордук райондорун баса баштады

58
Согушкерлердин басып алуу аракетинен улам Герат шаарынын жүздөгөн жашоочулары үйлөрүн таштап кетип жатканы айтылды.

БИШКЕК, 1-авг. — Sputnik. "Талибан" кыймылынын согушкерлери Афганистандын Герат шаарынын борбордук райондорун көздөй жылып баштады. Бул тууралуу РИА Новости Афганистандын телеканалдарына таянып кабарлады.

Өлкөнүн коопсуздук кызматындагы ишенимдүү маалымат булактары маалымдагандай, Герат шаарынын 17 районунун бири гана өкмөттүк күчтөрдүн көзөмөлүндө.

"Эки күндүк салгылашуунун жыйынтыгында талибдер шаардын түштүк бөлүгүндөгү Малан көпүрөсүн басып алышкан. Согушкерлердин мындай аракетинен улам Герат шаарынын жүздөгөн жашоочулары үйлөрүн таштап кетип жатышат. Ал арада Афганистандын Коргоо министрлигинин өкүлү Фавад Аман Twitter баракчасы аркылуу шаардын айланасында кырдаал турукташып калганын айткан", — деп жазылат маалыматта.

Эскерте кетсек, июнь айынан бери Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол сала баштаган.

Афганистандагы туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

58
Белгилер:
Афганистан, 'Талибан' кыймылы, кол салуу
Тема:
Афган бийлиги менен талибдердин тиреши
Тема боюнча
Россия Өзбекстан менен тажик-афган чек арасына жакын жерде машыгуу өткөрөт
Бычак кармаган киши. Архивдик сүрөт

Кыргызстанда кылмыш жасоо көбөйүүдө. Адам өлтүрүү фактысы 26 пайызга өстү

30
Январь-июнда республика аймагында 23,5 миң кылмыш катталып, 2020-жылдын ушул мезгилине салыштырганда 1,5 эсеге көбөйгөн.

БИШКЕК, 1-авг. — Sputnik. Кыргызстанда жыл башынан бери кылмыштуулуктун саны кескин өстү. Бул тууралуу Улуттук статистика комитети Башкы прокуратуранын берген маалыматына таянып билдирди.

Ага ылайык, январь-июнда өлкө аймагында 23,5 миң кылмыш катталып, 2020-жылдын ушул мезгилине салыштырганда 1,5 эсеге көбөйгөн. Ал эми жоруктардын саны 12 миңге жетип, былтыркыдан дээрлик 30 пайызга өскөн.

Кылмыштардын басымдуу бөлүгү (61 пайызы) Бишкек шаары менен Чүй облусунда жасалганы белгиленет. 2 миңден ашыгы же 11,6 пайызы оор жана өзгөчө оор кылмыштарга туура келген.

Түрлөрү боюнча жеке менчикке каршы кылмыш көбөйгөн. Былтыркыга караганда 1,6 эсеге, анын ичинде алдамчылык – 2,1 эсеге, уурдоо - 1,5 эсеге, тоноо 24,5 пайызга жогорулаган.

Адам өлтүрүү 26, зордуктоо жана зордуктоо максатында кол салуу 34, ден соолукка анча оор эмес зыян келтирүү 6 пайызга көбөйгөн.

Ал эми кызмат абалынан кыянаттык менен пайдалануу 36, ишенип берилген мүлктү ыйгарып алуу же чыгымдоо учурлары 2,2 эсеге жана паракорлук 1,4 эсеге өскөн.

30
Белгилер:
Кыргызстан, кылмыш, өсүү, уурулук
Тема боюнча
Кыргызстанда кайсы үлгүдөгү автоунаалар көп уурдалат?
Мамбетов Алмаз Ишенбекович

Мамбетов Алмаз Ишенбекович өмүр баяны

0
Алмаз Мамбетов 1976-жылдын 15-мартында борбор калаа Фрунзе (азыркы Бишкек) шаарында туулган.

Билими:

  • 1999-жылы Кыргызстан эл аралык университетин дипломатия жана эл аралык мамилелер адистиги боюнча аяктаган. Кийин КР президентинин алдындагы башкаруу академиясынын Мамлекеттик саясат жана башкаруу мектебинен билим алган.

Эмгек жолу:

  • 2000-2002 — Тышкы иштер министрлигинде катчы-референт;
  • 2002-2003 — Туризм менен спорт боюнча мамлекеттик комитетте байланыш жана маркетинг бөлүмүнүн башкы адиси;
  • 2004-2007 — Тышкы иштер министрлигинин мамлекеттик протокол кызматынын катчысы;
  • 2008-2010 — "Кыргыз темир жолу" мамлекеттик ишканасынын иш башкармалыгында алгач адис, кийинчерээк башкы адис;
  • 2011 — Бишкек мэриясынын эл аралык кызматташуу бөлүмүнүн жетекчисинин милдетин аткаруучу;
  • 2011-2014 — "Транс-Кыргызгаз Паплайн" компаниясынын филиалында PR-адис;
  • 2014 -2019 — Балыкчы шаарынын мэри;
  • 2019-2020 — Мамлекеттик каттоо кызматынын төрагасы;
  • 2020-жылдан бери КР президентинин иш башкармалыгынын башчысы.
0
Белгилер:
Алмаз Мамбетов, Өмүр баяны, билим, таржымал
Тема боюнча
Бишкек шаардык кеңешине төрага болгон Кубанычбек Конгантиевдин өмүр баяны