Экстремист. Архив

Максатын билген эмеспиз. Көлдө эки киши диний-экстремисттик агымдан чыкты

128
(жаңыланган 14:10 15.06.2021)
Тыюу салынган уюмдан чыккандар "Йакын-Инкар" диний экстремисттик агымынын башка жактоочуларын туура эмес жолдо бара жаткандыгын эскертип кетишкен.

БИШКЕК, 15-июн. — Sputnik. Ысык-Көл облусуна караштуу Жети-Өгүз районунун Богатыровка айылынын 49 жана 46 жаштагы эки тургуну "Йакын-Инкар" диний-экстремисттик агымынын катарынан чыкканын жарыялашты. Бул тууралуу облустук милициянын маалымат кызматы кабарлады.

Ага ылайык, Ысык-Көл облусунун ички иштер башкармалыгынын экстремизмге жана мыйзамсыз миграцияга каршы күрөшүү кызматы менен казыяттын өкүлдөрү түшүндүрүү иштерин жүргүзүшкөн.

"Диний-экстремисттик агымынын катарынан чыккандардын айтымында, 2013-жылы "Йакын-Инкар" уюмуна ишмердүүлүгү жана максаты жөнүндө билбей кирип кетишкен. Кийин укук коргоо органдарынын кызматкерлери түшүндүрүү иштерин жүргүзгөндө анын идеологиясы салттуу исламга туура келбестигин түшүнүшкөн. Алар "Йакын-Инкар" диний экстремисттик агымынын башка жактоочуларын туура эмес жолдо бара жаткандыгын эскертишти", — деп айтылат маалыматта.

Эске салсак, 2017-жылы Бишкек шаарынын Октябрь райондук сотунун чечими менен Кыргызстандагы "Йакын-Инкар" диний агымынын ишмердүүлүгү экстремисттик деп табылган.

128
Белгилер:
Ысык-Көл, ИИМ, дин, экстремизм, агым, баш тартуу
Тема боюнча
Медетбеков: экстремизмдин бир нече түрү бар
Жаза аткаруу мамлекеттик кызматынын төрагасынын биринчи орун басары Таалайбек Нуралиев. Архивдик сүрөт

Коррупцияга шектелген ЖАМК жетекчисинин орун басары Нуралиев кызматтан алынды

84
(жаңыланган 16:02 25.09.2021)
Нуралиев августтун башында кармалган. Анын иш бөлмөсүнөн жана үйүнөн акча каражаты, курал-жарак жана соттолгондор жасаган буюмдар табылган.

БИШКЕК, 25-сен. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев кызматтан алынганын ЖАМКтын маалымат кызматы кабарлады.

Буйрукка 16-сентябрда юстиция министри Асел Чынбаеванын сунушу менен министрлер кабинетинин башчысы Улукбек Марипов кол койгон.

Нуралиев августтун башында кармалган. Ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылган.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Нуралиев УКМКнын убактылуу кармоочу жайына киргизилген.

84
Белгилер:
ЖАМК, Таалайбек Нуралиев, кызмат, бошотуу, коррупция
Тема боюнча
Туйгунаалы Абдраимов тергөөгө келип туруу милдеттемесин алып сурактан чыкты
Асмандагы бүркүт. Архивдик сүрөт

Кубада урунган эки бүркүттүн айынан учак кайра конууга мажбур болду. Видео

158
(жаңыланган 12:25 25.09.2021)
Окуяда эч бир жүргүнчү жабыркаган эмес. Деген менен чукул тормоз берилгендиктен учактын дөңгөлөгү жарылып кеткен.

БИШКЕК, 25-сен. — Sputnik. Кубада Azur Air авиакомпаниянын Boeing-767-300 учагы жерден көтөрүлгөндө эки бүркүт урунган окуя катталды. Бул тууралуу TourDom.ru порталына таянып "Известия" жазды.

Кырсыктын кесепетинен жалын чыгып, жүргүнчүлөр дүрбөлөңгө түшкөн. Экипаж аргасыздан кайра конгон.

Куштун бири аба кемесинин тумшук жагына урунса, экинчиси учактын оң жактагы кыймылдаткычына келип тийген. Эч бир жүргүнчү жабыркаган эмес. Деген менен чукул тормоз берилгендиктен учактын дөңгөлөгү жарылган.

"Коопсуздукту камсыздоо үчүн командачы учакты токтотуу чечимин кабыл алган. Аба кемеси кайрадан токтоочу жайына келип конгон", — деген авиакомпаниянын өкүлү.

Авиакомпания Кубага резервдеги учакты жиберген.

158
Белгилер:
Куба, бүркүт, учак
Тема боюнча
Подмосковьеде аскер учагынын кулаганы видеого түшүп калган
Эл аралык хоккей федерациясынын Азия жана Океания (ИИХФ) боюнча президенти Рене Фазель. Архивдик сүрөт

Кыйкырып жиберди... IIHF уюмуна вице-президент болгон Оморовдун реакциясы видеодо

0
Кыргызстандык спортчу эл аралык хоккей федерациясынын Азия жана Океания боюнча вице-президенти болуп шайланды.

БИШКЕК, 25-сен. — Sputnik. Интернет айдыңына эл аралык хоккей федерациясынын Азия жана Океания (ИИХФ) боюнча вице-президенти болуп шайланган Айваз Оморкановдун шайлоо жыйынтыгына кубанып кыйкырып жиберген видеосу тарады.

Шайлоо бүгүн, 25-сентябрда, Санкт-Петербург шаарында өткөн.

Спорттук порталдардын жазганына караганда, жеңишине кубанган Оморканов кыйкырып жиберип уюмдун мурдагы жетекчиси Рене Фазелди чочутту.

0
Белгилер:
федерация, хоккей
Тема боюнча
Кыргызстандык Оморканов эл аралык хоккей федерациясына вице-президент болуп шайланды
Сүрөй албасак да сүйө алдык. Спорт державасына айлануунун жолу