Тапанчаны кармап турган киши. Архив

УКМКнын мас кызматкерлери эс алуучуларды сабаганбы? 

215
(жаңыланган 15:46 22.06.2021)
Улуттук коопсуздук мамлекеттик комитетинин Талас облусу боюнча башкармалыгынын кызматкерлери менен жергиликтүү тургундардын ортосунда пикир келишпестик болгон.

БИШКЕК, 22-июн. — Sputnik. Таласта УКМКнын мас кызматкерлери эс алуучуларды травматикалык тапанча колдонуу менен сабаган деген маалыматтар чындыкка дал келбейт. Бул тууралуу аталган комитеттен билдиришти. 

Маалыматка караганда, Улуттук коопсуздук мамлекеттик комитетинин Талас облусу боюнча башкармалыгынын кызматкерлери менен жергиликтүү тургундардын ортосунда пикир келишпестик болгон. Бирок тапанча колдонулган эмес. 

“УКМКнын кызматкерлери жергиликтүү тургунду коркутуу жолу менен көрсөтмөсүн өзгөртүүгө аракет кылышкан деген маалымат да чындыкка дал келбейт. Анткени тараптардын оозеки кайым айтышуусунан кийин окуя элдешүү жолу менен аяктаган”, – деди УКМКдан. 

Факты боюнча кызматтык иликтөө жүрүп жатат, анын жыйынтыгына жараша Талас облусу боюнча башкармалыктын кызматкерлерине тиешелүү чара көрүлөт.

215
Белгилер:
Талас, УКМК, кылмыш, тапанча
Тема боюнча
Сокулукта айдоочуга тил тийгизген инспектор кызматынан кол жууду
Ошто мушташтан каза болгон 24 жаштагы жаран УКМКда иштегени белгилүү болду
Кош бойлуу келин. Архив

Эжеси менен жездеси сабаган. Каракол милициясы кош бойлуу келин тууралуу үн катты

157
Бүгүн Акыйкатчы институту Ысык-Көлдө келинге эки милиционер жана бир тергөөчү кол салып, бул окуядан кийин беш айлык түйүлдүк боюнан түшүп калганын билдирген.

БИШКЕК, 23-сен. — Sputnik. Караколдо шаардык ички иштер бөлүмү милиция кызматкерлери кош бойлуу келинди сабаганга шектелүүдө деген маалыматты төгүндөдү. Бул тууралуу облустук милициянын маалымат кызматы кабарлады.

Бүгүн Акыйкатчы институту маалымат тараткан. Анда Омбудсмендин Ысык-Көл облусу боюнча ыйгарым укуктуу өкүлүнө келин кайрылып, эки милиционер жана бир тергөөчү кол салганын, бул окуядан кийин беш айлык түйүлдүк боюнан түшүп калганын айтып берген.

Каракол ИИБдин версиясы боюнча, 5-август күнү милицияга А.А. аттуу 22 жаштагы тургун арыз жазып, ошол күнү болжол менен саат 14:00дөр чамасында батирде чогуу жашаган бир тууган эжеси А.Г. жана жездеси Т. Н. аны сабаганын билдирген. Урушка анын паспортун экөө уруксатсыз күрөөгө коюп салгандан улам чыкканы айтылат. Арыз Жоруктар кодексинин "Үй-бүлөдөгү зомбулук" беренеси менен катталып, соттук-медициналык экспертиза дайындалган. Ал жабырлануучу жеңил жаракат алганын көрсөткөн.

"Сотко чейинки өндүрүш ишинин алкагында аялды 32 жаштагы А.Г. жана анын 32 жаштагы жолдошу Т.Н. сабаганы аныкталган. Аларга шектүү катары кабарлама берилип, соттун кароосуна жөнөтүлгөн", — деп жазылган маалыматта.

Милиция А.Г. өзүнүн жоопкерчилигин жашыруу максатында кызматкерлерди каралап жатканын белгиледи.

157
Белгилер:
Каракол, милиция, кош бойлуу, келин, арыз
Тема боюнча
Боюнан түшүп калган. Каракол милициясы кош бойлуу келинди сабады деп шектелүүдө
Кош бойлуу келин. Архив

Боюнан түшүп калган. Каракол милициясы кош бойлуу келинди сабады деп шектелүүдө

174
(жаңыланган 15:52 23.09.2021)
Келин Акыйкатчы аппаратына кайрылып, милиция кызматкерлерин жоопкерчиликке тартууга жардам берүүсүн суранып жатат.

БИШКЕК, 23-сен. — Sputnik. Каракол шаардык милициясынын кызматкерлери кош бойлуу келинди сабаган деп шектелүүдө. Бул тууралуу Акыйкатчы институтунан кабарлады.

Акыйкатчынын Ысык-Көл облусу боюнча ыйгарым укуктуу өкүлүнө келин кайрылып, эки милиционер жана бир тергөөчү кол салганын, бул окуядан кийин беш айлык түйүлдүк боюнан түшүп калганын кошумчалаган.

Арыздануучунун айтымында, ушул жылдын 5-августунда милиция кызматкерлери аны кармап алып, ур-тепкиге алышкан, ал тургай ичке тээп, өлтүрөбүз деп коркутушкан.

Келин Акыйкатчынын аппаратына кайрылып, милиция кызматкерлерин жоопкерчиликке тартууга жардам берүүсүн суранып жатат.

Омбудсмен Ысык-Көл облусунун прокуроруна кайрылуу жолдоп, жооп калды. Ал жактан жарандын кайрылуусу боюнча Жазык кодексинин 321-беренесине ("Бийликтен аша чабуу") негизинде сотко чейинки өндүрүш башталганын билдирди. Тергөө иштери УКМКнын аймактык башкармалыгына өткөрүп берилген.

УКМКдан Акыйкатчы институтуна иликтөө иштери жүрүп жатканын айтышкан.

174
Белгилер:
Акыйкатчы, Ысык-Көл, келин, милиция, арыз
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Энелеш эжесин өлтүргөн деп 16 жаштагы улан шектелүүдө. Кара-Кулжадагы окуя
Медициналык кызматкер COVID-19дан көз жумган адамдын жанында. Архив

COVID статистикасы: 500дөн ашык киши ооруканада жатат

8
(жаңыланган 09:40 24.09.2021)
Бир сутка ичинде эки киши көз жумду. Аларды кошкондо Кыргызстан боюнча коронавирус башталгандан бери көзү өткөндөрдүн саны 2 597ге жетти.

БИШКЕК, 24-сен. — Sputnik. Өткөн суткада Кыргызстанда 87 кишиден коронавирус аныкталып, 92 киши оорудан айыкты. Бул тууралуу Республикалык штаб кабарлады.

Жуктургандар:

  • Бишкек шаары – 41;
  • Чүй облусу – 16;
  • Ош облусу – 4;
  • Талас облусу – 2;
  • Нарын облусу – 5;
  • Ысык-Көл облусу – 12;
  • Жалал-Абад облусу – 4;
  • Баткен облусу – 3.

Өлкөдө илдет илештиргендердин жалпы саны 178 123кө жетип, анын ичинен 172 657 киши дартты жеңген.

Бир суткада эки киши көз жумду. Аларды кошкондо Кыргызстан боюнча коронавирус башталгандан бери көзү өткөндөрдүн саны 2 597ге жетти.

Стационарда 535 жана амбулатордук шартта 858 адам дарыланып жатканы кабарланды.

8
Белгилер:
Кыргызстан, коронавирус, статистика
Тема:
Кыргызстандагы коронавирус жуктуруп алгандар
Тема боюнча
Токаев: Казакстан элинин 31 пайызы COVID-19га каршы эмделип бүттү