Милиция кызматкери. Архив

Милиция: Араванда 12 жаштагы өспүрүмдүн киши колдуу болгону аныкталды

165
(жаңыланган 19:45 26.06.2021)
Өспүрүмдү медицина кызматкерлерине таякеси жеткирген. Баланы ооруканага алып келгенде жансыз болгондуктан, дароо өлүкканага киргизишкен.

БИШКЕК, 26-июн. — Sputnik. Ош облусунун Араван районунда 12 жаштагы өспүрүм киши колдуу болуп каза тапты. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.

2021-жылдын 25-июнунда саат 10:25тер чамасында Араван районунун борбордук ооруканасынан Араван РИИБдин нөөмөт бөлүмүнө каза болгон өспүрүмдүн сөөгү алып келингендиги боюнча кабар түшкөн.

Аталган факт Араван РИИБге катталып, ыкчам-тергөө тобу жана райондук милициянын жетекчилиги барган. Ал жерден каза болгон өспүрүм Араван айылынын 12 жаштагы О. А. аттуу тургуну экендиги, аны саат 10:10дор чамасында таякеси алып келгендиги такталган. Баланы ооруканага алып келгенде жансыз болгондуктан, дароо өлүкканага киргизишкен.

"Баланын сөөгүн карап чыгуу үчүн соттук-медициналык экспертиза дайындалган. Араван райондук соттук-медициналык экспертизасынын экспертинин катышуусу менен текшере келгенде өспүрүмдүн киши колдуу болгону аныкталган", — деп айтылат маалыматта.

Аталган факт Жазык кодексинин 130-беренесинин 1-бөлүгүнүн негизинде Араван РИИБдин Кылмыш жана жоруктардын бирдиктүү реестрине катталып, сотко чейинки өндүрүш иши башталган. Милициядан кылмыштын бетин ачуу жана шектүүнү табуу боюнча тийиштүү ыкчам-тергөө иштери жүрүп жаткандыгын кабарлашты.

165
Белгилер:
Кыргызстан, Ош облусу, Араван району, өспүрүм, өлүм
Тема боюнча
Кеминде 16 жаштагы кызды өлтүрдү деп шектелип кошунасы кармалды
Ошто киши өлтүрүүгө шектелип 22 жаштагы балдар кармалды
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

62
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

62
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр
Ноутбук колдонуп жаткан кыз. Архив

УКМК Бишкектеги 15 вебкам-студияны басып кирди. Тинтүү учурундагы видео

253
(жаңыланган 13:30 05.08.2021)
Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган.

БИШКЕК, 5-авг. — Sputnik. УКМК Бишкек шаарында уюштурулган 15тен ашуун вебкам-студиянын ишин токтотту. Бул туурасында аталган органдын маалымат кызматы кабарлады.

Билдирүүгө ылайык, мындай иштерди Кыргызстандын жана КМШ өлкөлөрүнүн жарандары уюштуруп, интернет айдыңында онлайн интимдик кызмат көрсөтүү шарты менен жаш кыздарга жогорку маяна сунуштап келишкен.

"Ошол эле учурда бир эле вебкам-студиянын күнүмдүк көмүскө кирешеси 90-100 миң долларга жетип турган. Кызмат көрсөткөн кыздарга болгону анын 5-10 пайызын гана беришкен. 3-августта ыкчам-тергөө иштеринин алкагында бир жумалык акыны бөлүштүрүп жатканда кылмыштуу топтун негизги уюштуруучулары кармалды", — деп айтылат маалыматта.

Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган. Бул акча персоналга төлөөгө жана онлайн түрүндө интимдик кызмат көрсөтүү үчүн компьютердик жабдууларды сатып алууга жумшалмак.

Тергөө учурунда уюштуруучулар тапкан кирешесин кыймылсыз мүлк объектилери жана башка материалдык баалуулуктар менен адалдап жүргөнү аныкталды.

Сотко чейинки өндүрүштүн алкагында негизги уюштуруучу П.И. кылмыштуу кирешени адалдоого шектүү катары убактылуу кармоочу жайына киргизилген.

Учурда ишке тиешеси бар башка адамдарды да аныктоо иштери жүрүп жатат.

"Соңку жылдары вебкам индустриясы жаш муунду көп акча төлөө менен азгырууда. Акыр-аягы жаш кыздар кылмыштуу ишти уюштуруучулардын торуна түшүп, чыга албай калып жатат. Аларды интимдик видеолорун социалдык тармактарга таратам деп шантаж кылып кармап турат", — деп билдирди УКМК.

Атайын кызмат купуялуулукка жана коопсуздукка кепилдик берүү менен мындай кырдаалга тушуккан жарандарды УКМКнын нөөмөт кызматына чалууну суранат. Телефон номери: 0312 66-04-75.

253
Белгилер:
УКМК, вебкам, кармоо, тинтүү, кылмыш
Тема боюнча
УКМК: бир тонна катализаторду чыгарып кетүүгө аракет кылгандар кармалды
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды