Сууга чөгүп кеткен адамдын сөөгүн издеп жаткан суучул. Архив

Чүйдө 21, Көлдө 15 жаштагы сууга чөккөн балдардын сөөгү табылды

83
(жаңыланган 10:41 28.06.2021)
Кара-Кулжа районунда алты күндөн бери Казык жайлоосундагы Казык суусуна түшүп кеткен 10 жаштагы бала изделип жатканы айтылды.

БИШКЕК, 28-июн. — Sputnik. Ысык-Көл облусунун Жети-Өгүз районунда көлгө чөгүп кеткен 15 жаштагы баланын сөөгү табылды. Бул тууралуу ӨКМдин маалымат кызматы кабарлады.

Ага ылайык, кырсык 26-июнь күнү райондогу Жеңиш айылында болгон. ӨКМдин куткаруучулары издөө иштерин 27-июнда баштап, ага 19 куткаруучу, ИИМден 10 кызматкер, 20 жергиликтүү тургун тартылган. Караңгы кирип кеткендиктен 20:30дар чамасында издөө иштери токтотулган.

"Бирок жергиликтүү тургундар баланы түн ичинде да издеп, анын сөөгүн суудан көрүп калып, суучулдарга кайрылышкан. Саат 02:10дор чамасында суучулдар каза болгон өспүрүмдүн сөөгүн суудан чыгарып, туугандарына өткөрүп беришкен", — деп айтылат маалыматта.

ӨКМ башка аймактарда да сууга чөккөндөр тууралуу маалымат берди.

Ага ылайык, Аламүдүн районунун Дачное айылындагы ГЭС-5 суу сактагычынан 21 жаштагы жигиттин сөөгү табылды.

ӨКМдин маалыматына караганда, ал сууга 27-июнь күнү түшкөн. Жерине издөө иштерин жүргүзүү үчүн үч куткаруучу тартылып, саат 17:02де анын сөөгүн таап, ӨКМге өткөрүп беришкен.

Оштун Кара-Кулжа районунда алты күндөн бери Казык жайлоосундагы Казык суусуна түшүп кеткен 10 жаштагы бала изделип жатканы кошумчаланды.

83
Белгилер:
Чүй облусу, Ысык-Көл облусу, Жалал-Абад, суу, сөөк, ӨКМ
Тема боюнча
Жолдошбаев: куткаруу иштери үчүн үч тик учакка тапшырык берилди
Көлдө катамаран менен 3 чакырым алыс сүзүп кеткен 17 киши куткарылды. Сүрөт
Кош бойлуу келин. Архив

Эжеси менен жездеси сабаган. Каракол милициясы кош бойлуу келин тууралуу үн катты

123
Бүгүн Акыйкатчы институту Ысык-Көлдө келинге эки милиционер жана бир тергөөчү кол салып, бул окуядан кийин беш айлык түйүлдүк боюнан түшүп калганын билдирген.

БИШКЕК, 23-сен. — Sputnik. Караколдо шаардык ички иштер бөлүмү милиция кызматкерлери кош бойлуу келинди сабаганга шектелүүдө деген маалыматты төгүндөдү. Бул тууралуу облустук милициянын маалымат кызматы кабарлады.

Бүгүн Акыйкатчы институту маалымат тараткан. Анда Омбудсмендин Ысык-Көл облусу боюнча ыйгарым укуктуу өкүлүнө келин кайрылып, эки милиционер жана бир тергөөчү кол салганын, бул окуядан кийин беш айлык түйүлдүк боюнан түшүп калганын айтып берген.

Каракол ИИБдин версиясы боюнча, 5-август күнү милицияга А.А. аттуу 22 жаштагы тургун арыз жазып, ошол күнү болжол менен саат 14:00дөр чамасында батирде чогуу жашаган бир тууган эжеси А.Г. жана жездеси Т. Н. аны сабаганын билдирген. Урушка анын паспортун экөө уруксатсыз күрөөгө коюп салгандан улам чыкканы айтылат. Арыз Жоруктар кодексинин "Үй-бүлөдөгү зомбулук" беренеси менен катталып, соттук-медициналык экспертиза дайындалган. Ал жабырлануучу жеңил жаракат алганын көрсөткөн.

"Сотко чейинки өндүрүш ишинин алкагында аялды 32 жаштагы А.Г. жана анын 32 жаштагы жолдошу Т.Н. сабаганы аныкталган. Аларга шектүү катары кабарлама берилип, соттун кароосуна жөнөтүлгөн", — деп жазылган маалыматта.

Милиция А.Г. өзүнүн жоопкерчилигин жашыруу максатында кызматкерлерди каралап жатканын белгиледи.

123
Белгилер:
Каракол, милиция, кош бойлуу, келин, арыз
Тема боюнча
Боюнан түшүп калган. Каракол милициясы кош бойлуу келинди сабады деп шектелүүдө
Кош бойлуу келин. Архив

Боюнан түшүп калган. Каракол милициясы кош бойлуу келинди сабады деп шектелүүдө

169
(жаңыланган 15:52 23.09.2021)
Келин Акыйкатчы аппаратына кайрылып, милиция кызматкерлерин жоопкерчиликке тартууга жардам берүүсүн суранып жатат.

БИШКЕК, 23-сен. — Sputnik. Каракол шаардык милициясынын кызматкерлери кош бойлуу келинди сабаган деп шектелүүдө. Бул тууралуу Акыйкатчы институтунан кабарлады.

Акыйкатчынын Ысык-Көл облусу боюнча ыйгарым укуктуу өкүлүнө келин кайрылып, эки милиционер жана бир тергөөчү кол салганын, бул окуядан кийин беш айлык түйүлдүк боюнан түшүп калганын кошумчалаган.

Арыздануучунун айтымында, ушул жылдын 5-августунда милиция кызматкерлери аны кармап алып, ур-тепкиге алышкан, ал тургай ичке тээп, өлтүрөбүз деп коркутушкан.

Келин Акыйкатчынын аппаратына кайрылып, милиция кызматкерлерин жоопкерчиликке тартууга жардам берүүсүн суранып жатат.

Омбудсмен Ысык-Көл облусунун прокуроруна кайрылуу жолдоп, жооп калды. Ал жактан жарандын кайрылуусу боюнча Жазык кодексинин 321-беренесине ("Бийликтен аша чабуу") негизинде сотко чейинки өндүрүш башталганын билдирди. Тергөө иштери УКМКнын аймактык башкармалыгына өткөрүп берилген.

УКМКдан Акыйкатчы институтуна иликтөө иштери жүрүп жатканын айтышкан.

169
Белгилер:
Акыйкатчы, Ысык-Көл, келин, милиция, арыз
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Энелеш эжесин өлтүргөн деп 16 жаштагы улан шектелүүдө. Кара-Кулжадагы окуя
Сыркоологон кыз. Архив

Сасык тумоолоп жатканда көздү кантип сактоо керек. Офтальмологдун сунушу

0
Дарыгердин айтымында, организм ууланганда, вирус жугузуп алганда же суук тийгенде көздөр абдан кыйналат. Өзгөчө мурун бүтүп, тамак ооруп турганда көздөргө кадимкидей күч келет.

БИШКЕК, 24-сен. — Sputnik. Суук тийгизип алганда же сасык тумоолоп жатканда гаджеттерди көп колдонбой, көздү эс алдырган туура. Ошондой эле нымдоочу каражаттарды тамчылатып туруу керектигин Sputnik радиосунун эфиринде офтальмолог, медицина илимдеринин доценти Ирина Лещенко билдирди.

Дарыгердин айтымында, организм ууланганда, вирус жугузуп алганда же суук тийгенде көздөр абдан кыйналат. Өзгөчө мурун бүтүп, тамак ооруп турганда көздөргө кадимкидей күч келет.

"Кишинин ооруп жатканы сыртынан билинбесе дагы айрымдар карап туруп эле "көзүң жаман", "көзүң анча эмес" деп анын кыйналып турганын билип коюшат эмеспи. Андыктан ооруп жатканда көздү кыйнап, гаджеттерди, өтө жарык нерселерди карабай койгон туура. Ошондой эле көздү нымдап турчу каражаттарды тамчылатуу зарыл", — деди Лещенко.

Ал эми ооруганда көздөрү кызарып кеткен адамдарга кан тамырларын бекемдөө үчүн дарылануу сунушталат. Анткени көз кыйналган учурда алсыз кан тамырлар жарылып кетет.

Сөзүнүн аягында дарыгер көзгө С витамини өтө пайдалуу экенин кошумчалады.

 

0
Белгилер:
сасык тумоо, көз, оору, витамин, дарыгер
Тема боюнча
Көрбөй, укпай каласың! Министрлик тамекинин зыянын эскертти
D витаминди көп ичүүнүн кесепети кандай болорун эндокринолог айтып берди
Начар иммунитеттин алты белгиси. Буларды тоготпой коюуга болбойт