Чек ара кызматынын директору Уларбек Шаршеев. Архивдик сүрөт

Чек ара кызматы Орхан Инандыны башкалар кантип чыгарып кеткенин билбейт

231
(жаңыланган 16:10 07.07.2021)
Эл өкүлү Орхан Инандынын өлкөдөн чыгарылып кетишине Чек ара кызматынын төрагасын күнөөлөп, иштен кетишин талап кылды.

БИШКЕК, 7-июл. — Sputnik. 1-июндан, Орхан Инанды жоголгон күндөн тарта эле анын сыртка чыгарылып кетишине бөгөт коюлуп, бардык чек араларга көзөмөлдү күчөтүү тапшырмасы берилген. Бул тууралуу Чек ара кызматынын директору Уларбек Шаршеев парламентте билдирди.

Эл өкүлү Абдывахап Нурбаев Инандынын өлкөдөн чыгарылып кетишине Шаршеевди күнөөлөдү.

"Кыргызстандын жараны чек арадан чыгарылып кетти. Сиз күнөөлүүсүз да. 1-июнда бөгөт койгон экенсиздер, бирок иш жүзүндө чыгып кетип жатпайбы...", — деди Нурбаев.

Чек ара кызматынын төрагасы бул иш боюнча Аскер прокуратурасы иликтеп жатканын айтты.

“1-июнда эле Орхан Инандыны сыртка чыгарылып кетишине бөгөт коюлуп, бардык чек араларга, кезметтерге көзөмөлдү күчөтүү тапшырмасы берилген. Ал кантип чыгып кеткени тууралуу иликтөө иши жүрүп атат. Жыйынтыгы менен белгилүү болот”, — деди Шаршеев.

Ал эми Нурбаев "бул калпыстык үчүн кечирим сурап, иштен кете аласызбы?" деп сурады.

Ага Шаршеев эгер буйрук берилсе кетүүгө даяр экенин айтты. Андан соң депутат буйрук берилишин күтпөй өзү арыз жазып кетишин сунуштады.

231
Белгилер:
кызматтан кетүү, Уларбек Шаршеев, Мамлекеттик чек ара кызматы, Абдывахап Нурбаев
Тема:
Орхан Инандынын Бишкекте жоголушу (46)
Тема боюнча
Инандынын иши. КР элчиси Түркиянын ТИМ жетекчисинин орун басары менен жолукту
Биз да Түркиядан бирөөнү уурдайлы. Депутат Инандыны алмашуу жолун сунуштады
Ырчы Самара Каримова. Архив

Вице-мэр кырсыктаган унаада ырчы Самара Каримова күйөөсү менен бараткан

319
(жаңыланган 13:40 27.07.2021)
Милициянын маалыматы боюнча, кырсыкка кабылган ырчы Токтогул райондук ооруканасынын жандандыруу бөлүмүнө түшкөн.

БИШКЕК, 27-июл. — Sputnik. Бишкек — Ош жолунун Токтогул районунун аймагында автоунаа менен баратып кырсыктагандардын арасында ырчы Самара Каримова да болгон. Маалыматты Жалал-Абад облустук Жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады.

Автоунааны ырчынын күйөөсү Асан Мансуров айдап бара жаткан. Буга чейин аталган кырсыктан Бишкектин вице-мэри Жамалбек Ырсалиев жаракат алганы кабарланган эле.

Кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, жол четиндеги тосмону сүзүп алган. Алар Оштон Бишкекти көздөй бара жаткан.

Милициянын маалыматы боюнча, Самара Каримова жандандыруу бөлүмүнө түшкөн. Унаанын ичинде жалпы беш жүргүнчү болгон. Алар ар кандай жарааты менен Токтогул райондук ооруканасына жеткирилген.

Айдоочу эч кандай жаракат алган эмес. Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

319
Белгилер:
Токтогул району, жол кырсык, ырчы, Самара Каримова
Тема:
2021-жылдын башынан бери Кыргызстанда болгон жол кырсыктар
Тема боюнча
Айтикул уулу: жол кырсыктарынын саны былтыркыга салыштырмалуу 30%га өстү
Ысык-Көлдө эки автоунаа кагышып, бир кыз каза болду. Сүрөттөр
 Бишкек шаарынын вице-мэри Жамалбек Ырсалиев. Архив

Вице-мэр Жамалбек Ырсалиев Бишкек Ош жолунда автокырсыкка кабылды

231
(жаңыланган 11:51 27.07.2021)
Унаанын ичинде вице-мэр жана дагы үч жүргүнчү бараткан. Алар ар кандай жарааты менен Токтогул райондук ооруканасына жеткирилген.

БИШКЕК, 27-июл. — Sputnik. Бишкек шаарынын вице-мэри Жамалбек Ырсалиев Бишкек — Ош жолунун 217-чакырымында жол кырсыгына кабылды. Маалыматты Жалал-Абад облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады. 

Анын айтымында, кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, Токтогул районунун аймагында жол четиндеги тосмону сүзүп алган.

Унаанын ичинде вице-мэр жана дагы үч жүргүнчү бараткан. Алар денесинен ар кандай жараат алып, Токтогул райондук ооруканасына жеткирилген. Жабырлануучулардын бири жандандыруу бөлүмүндө жатат.

Айдоочу эч кандай жараат алган эмес. 

Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

231
Белгилер:
Жамалбек Ырсалиев, жол кырсык, Токтогул району, вице-мэр
Тема:
2021-жылдын башынан бери Кыргызстанда болгон жол кырсыктар
Тема боюнча
Министрдин орун басары Урмамбетов айдоочуларга жол эрежелерин түшүндүрдү. Сүрөт  
Ысык-Көлдө эки автоунаа кагышып, бир кыз каза болду. Сүрөттөр

Бишкектеги батирлердин июль айына карата ижара акысы. Инфографика

0
Бишкек шаарында июль айында бир жана эки бөлмөлүү батирлердин ижара акысы арзандады. Ал эми үч бөлмөлүүлөр бир ай мурдагыга салыштырмалуу кымбаттады.
Бишкектеги батирлердин июль айына карата ижара акысы

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 608 жарнама каралды. Июль айында деле өткөндөгүдөй эмереги бар жана мейманкана тибиндеги батирлерди изилдеп чыктык.

Бул айда эмереги бар дээрлик бардык типтеги бир жана эки бөлмөлүү батирлердин ижарасы арзандаган. Бир бөлмөлүү “элиталык” батирдин ижара акысы 2 800 сомго төмөндөгөн.

Бул айда эмереги бар бардык типтеги үч бөлмөлүү батирлердин ижарасы кымбаттады. 105 жана 106-сериядагы үч бөлмөлүү батирлер үчүн орто эсеп менен 2 500 сомго көбүрөөк төлөш керек болот. Ал эми 104-сериядагылар 800 сомго өскөн.

Жеке типтеги бир бөлмөлүү батирлердин ижара акысы болсо 600 сомго кымбаттаган.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо баасынын диапазонун көрсөтүп бердик.

Ачык маалымат булактарына караганда, июль айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 14 100 сом (12 000ден 17 000ге чейин);
  • 105-серия — 13 800 (10 000ден 18 000ге чейин);
  • 106-серия — 14 300 (10 000ден 20 000ге чейин);
  • Жеке типтегилер — 15 900 (9 000ден 25 400гө чейин);
  • "Элитка" — 21 400 (15 000ден 29 600гө чейин);
  • Мейманкана тибиндеги батирлер — 6 600 (5 000ден 8 500гө чейин).

Эмереги бар эки бөлмөлүү батирлердин орточо баасы:

  • 104-серия — 17 400 сом (12 000ден 23 000ге чейин);
  • 105-серия — 17 700 (12 000ден 29 700гө чейин);
  • 106-серия — 19 600 (14 000ден 28 000ге чейин);
  • Жеке типтегилер — 22 000 (12 000ден 35 000ге чейин);
  • "Элитка" — 36 400 (20 000ден 59 300гө чейин).

Эмереги бар үч бөлмөлүү батирлердин орточо баасы:

  • 104-серия — 22 600 сом (17 500дөн 29 700гө чейин);
  • 105-серия — 24 500 (15 000ден 35 000ге чейин);
  • 106-серия — 27 700 (16 900дөн 33 900гө чейин);
  • Жеке типтегилер — 28 900 (19 000ден 63 300гө чейин);
  • "Элитка" — 58 100 (25 400дөн 110 200гө чейин).
0
Белгилер:
инфографика, акы, ижара, батир, Бишкек