Гаити президент Жовенел Моиздин өлүмүнө шектүүлөр

Гаити президентинин өлүмү: кармалгандар кол салуунун максатын айтып беришкен

313
(жаңыланган 12:40 09.07.2021)
Эки күн мурда Гаити башчысынын резиденциясына кол салуу болуп, президент көз жумуп, алган жаракаттан улам жубайы оор абалда ооруканага жеткирилген. Кылмышка 30га жакын киши шектелүүдө.

БИШКЕК, 9-июл. — Sputnik. Гаитинин президенти Жовенель Моизди өлтүрүүгө шектелип кармалган америкалыктар сурак учурунда жалданган адамдарга мамлекет башчысын жок кылуу милдети жүктөлбөгөнүн билдиришти. Бул тууралуу РИА Новости аймактык басылмаларга таянып жазды.

Акыркы маалыматтарга караганда, камакка алынган шектүүлөрдүн арасында гаити тектүү эки америкалык Жеймс Солаж жана Жозеф Венсан бар.

"Алар котормочулук кылганбыз дешти. Жалданма аскерлердин максаты президент Моизди өлтүрүү эмес, тергөөчү, соттун буйругу менен камакка алуу болгон", — деп басылмага кармалгандардын көрсөтмөсүнө таянып судья Клеман Ноэль билдирген.

Солаж "бул жумушту интернеттен таптым" деп айткан. Ал Гаитиге бир ай, ал эми жалданган кишилер үч ай мурда келген.

Судья шектүүлөрдүн автоунаасынан ок атуучу курал менен долларлардан тышкары Моиздин үйүндө орнотулган видеобайкоо камерасынын серверин жана анын аялынын чектерди эсептеген китепчесин табышкан.

Эске салсак, 7-июлга караган түнү Гаити башчысынын резиденциясына кол салуу болуп, натыйжада мамлекет жетекчиси жубайы менен алган жараатынан улам каза болгону кабарланган. Кийин Гаитинин Доминикан Республикасындагы элчилиги биринчи айым көз жумду деген маалыматты төгүндөгөн. Бирок аялдын ооруканада жатканы, абалы оор экени, үч жерине ок тийгени маалымдалган.

Гаитинин укук коргоо органдары кылмышка шектүү 28 адамдын аты-жөнүн тактап, алардын 26сы Колумбиянын жараны экендигин аныкташкан. Анын 17си кармалып, жетөө жок кылынган.

313
Белгилер:
Гаити, президент, кол салуу, өлүм, шектүү, көрсөтмө
Тема боюнча
Казань шаарындагы мектепте өспүрүм ок чыгарып, 8 киши каза болду. Видео
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

28
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

28
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Жаалданган куруучу өнбөгөн карызы үчүн өзү курган тамды талкалап салды. Видео

269
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

269
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео