Кишен. Архивдик сүрөт

Бишкекте каржылык пирамидадан 35 миң долларга алдап кеткен. Шектүүлөр кармалды

90
(жаңыланган 17:29 09.07.2021)
Бул иш боюнча шектүүлөр кармалгандан кийин алардын үстүнөн дагы 10 адамдан арыз түшүп, алданып калганын билдиришкен.

БИШКЕК, 9-июл. — Sputnik. Бишкекте каржылык пирамида ыкмасын колдонуп адамдарды 35 миң долларга алдап кетти делген үч киши кармалды. Бул туурасында Ленин райондук милициянын маалымат кызматы билдирди.

Алгач С.К. аттуу калаа тургуну Ленин РИИБге арыз жазып, аны алдап кеткен үч кишиге чара колдонууну сураганы айтылат.

"Алар июнь айында Жал кичи районунда жайгашкан фирмалардын биринин офисинде Antares Trade деген каржылык пирамида уюштуруп, жабырлануучунун 35 миң долларын алдап алган. Каражатты алып жатканда кайра көбөйтүп берүүнү убадалаган. Бирок кийинчерээк из жашырып кетишкен", — деп айтылат маалыматта.

Аталган факты КЖБРге катталып, Жазык кодексинин 204-беренеси ("Алдамчылык") менен сотко чейинки өндүрүш ачылган.

Анын алкагында Ленин районунун криминалдык милициясы 45 жаштагы М.Д., 39 жаштагы Т.С. жана 57 жаштагы Х.Ч. аттуу адамды шектүү катары кармаган. Натыйжада соттун чечими менен үчөө тең эки айга №1 тергөө абагына киргизилген.

Мындан сырткары, кармалган жарандардын үстүнөн дагы 10 адамдан арыз түшүп, алданып калганын билдиришкен. Учурда алардын чыгымдары такталууда.

Ошондой эле милиция шектүүлөрдүн башка кылмыштарга да катыштыгы бар-жогун аныктап жатканы белгиленди.

90
Белгилер:
милиция, шектүү, кармоо, алдамчылык, Пирамида, каржылык
Тема боюнча
Бекер оокат жок! ИИМ финансылык пирамидаларды кантип аныктаса болорун айтты
Индияда басылбаган жаандын кесепети

Индияда басылбаган жаан менен жер көчкүдөн 138 киши каза болду

14
Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады.

БИШКЕК, 24-июл. — Sputnik. Индиянын Махараштра штатында нөшөрлөп жааган жамгырдан улам жер көчүп, каза болгондордун саны бери дегенде 138ге жетти. Бул тууралуу NDTV телеканалына шилтеме берип РИА Новости жазды.

"Нөшөрлөгөн жамгыр токтобой, жер көчкү жүргөндүктөн 138 жергиликтүү жаран каза тапты. Мындан тышкары, 84 миң киши коопсуз жайларга көчүрүлдү", — деп жазылат кабарда.

Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады. Басылбаган жаандан улам электр энергиясы менен таза суу шаардыктарга берилбей калды.

14
Белгилер:
жаан, өлүм, жаратылыш, Индия
Тема боюнча
Таласта сел көпүрөнү алып кетип, элди жүктөгүч менен алып чыгышты. Видео
Милиция кызматкерлери издөө учурунда. Архивдик сүрөт

Ак-Суу капчыгайынан табылган сөөк: милиция элге кайрылды. Фоторобот

143
(жаңыланган 18:33 24.07.2021)
10-июлда Москва районундагы Ак-Суу капчыгайында 55-60 жаш чамасындагы “Арапбай” аттуу адамдын кыйнап өлтүрүлгөн белгилери бар сөөгү табылган.

БИШКЕК, 24-июл. — Sputnik. Чүй облустук милиция фотороботу түзүлгөн маркумдун ким экендигин таануу максатында элге кайрылып, тааныгандар болсо кабарлоону суранды. 

Фоторобот мужчины, труп которого был найдет в ущелье Ак-Суу на пастбище Жорголот Ак-Сууйского айыл-окмоту Московского района
© Фото / пресс-служба ГУВД Чуйской области
Маркумдун фотороботу
"10-июлда болжол менен 09:00 чамасында Ак-Суу капчыгайындагы Жорголот жайлоосунда (Москва районундагы Ак-Суу айыл өкмөтү) азия тектүү, 55-60 жаш чамасындагы “Арапбай” аттуу адамдын кыйнап өлтүрүлгөн белгилери бар сөөгү табылган", — деп айтылат маалыматта.

Бул иш боюнча Москва райондук милициясы Жазык кодексинин 130-беренесинин негизинде (“Адам өлтүрүү” ) кылмыш ишин козгогон.

Милициядан маркумдун ким экени такталбагандыктан, аны өлтүрүүгө шектелип жаткан киши кармалбагандыгын билдирди.

Андыктан милиция элге кайрылып, фотороботтогу кишини тааныгандар болсо, байланышууну өтүндү.

Белгилери: бою 165-170 см., орточо дене түзүлүштөгү, бети тегерек, чачы кыска, ак аралаган. Өзгөчө белгиси — сол көзү чалыр. Кийими: көк түстөгү күрмө, боз өңдүү, кызыл боолуу спорттук бут кийим. Милиция бул адам тууралуу мурда билгендер болсо Москва райондук милициясына же болбосо 0(707) 54-21-71, 0(550) 22-17-17, 0(551) 35-53-17, 0(702) 00-78-79 телефондоруна кабарлап коюуну суранган.

143
Белгилер:
фоторобот, сөөк, милиция, Ак-Суу, Чүй облусу, Кыргызстан
Тема боюнча
Аламүдүн: сууга чөгүп кеткен эки кыз менен бир баланын сөөгү табылды
Ош: куткаруучулар терезеден кирип, үйдөн 93 жаштагы кемпирдин сөөгүн тапты
Президент Садыр Жапаров менен УКМКнын жетекчиси Камчыбек Ташиев. Архивдик сүрөт

Жапаров менен Ташиевдин жаратылыштагы сүрөтү: бири сүйлөп, экинчиси берилип угуп...

25
(жаңыланган 21:24 24.07.2021)
Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет.

БИШКЕК, 24-июл. — Sputnik. Интернет айдыңында президент Садыр Жапаров менен УКМКнын жетекчиси Камчыбек Ташиевдин жаратылыш койнунда отуруп, бири кеп салып, экинчиси өтө көңүл коюп угуп жаткан сүрөт тарады.

Аны президенттин коомдук башталыштагы жардамчысы Адинай Марипова өзүнүн Facebook тармагындагы баракчасына койду. 

Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет. Жапаровдун айтымында, алар 15 жыл мурда таанышып, бирге иштешкен. Жогорку Кеңештин эки жолку чакырылышына депутат болушкан.

Кумтөр маселеси боюнча митингди чогуу уюштурушкан, андан соң бийликти күч менен басып алуу аракети боюнча ишке шектелишкен. Жапаровго бийликтин жогорку тепкичине чыгууга Ташиев көмөктөшкөнү эч кимге жашыруун эмес. Саясатчы Өмүрбек Текебаевдин аны "дос-секретарь" деп атаганы бар. Эске салсак, мурда өлкөдө идеологияга жооп берчү – мамлекеттик катчы (госсекретарь) кызматы болгон. Ташиев Жапаров абактан чыгарылган күндөн тарта жанында коштоп жүргөндүктөн, ЖК төрагасы Текебаев ага ушундай ылакап ысым ыйгарган. 

25
Белгилер:
Камчыбек Ташиев, Садыр Жапаров, Кыргызстан
Тема боюнча
Жапаров Мирзиёевди туулган күнү менен куттуктап, Кыргызстанга чакырды