Чүй облусунун Ысык-Ата районунда кечээ эки кыз сууга чөгүп кеткен

Ысык-Атада көлмөгө 16 жана 18 жаштагы кыздар чөгүп кетти. Сүрөт

61
(жаңыланган 10:33 10.07.2021)
Суудан кыздардын биринин сөөгү саат 19:30да, экинчисиники 21:10до табылган. Куткаруучулар маркумдарды милиция кызматкерлерине өткөрүп беришкен.

БИШКЕК, 10-июл. — Sputnik. Чүй облусунун Ысык-Ата районунда кечээ эки кыз сууга чөгүп кеткенин ӨКМдин маалымат кызматы кабарлады. 

Кечээ кечке жуук 102 кызматына Эпкин айылында жайгашкан көлмөгө 16 жана 18 жаштагы кыздар чөгүп кеткендиги тууралуу маалымат түшкөн.

  • Сотрудник МЧС во время поисков утонувших девушек в Ысык-Атинском районе в пруду села Эпкин
    Чүй облусунун Ысык-Ата районунда кечээ эки кыз сууга чөгүп кеткен
    © Фото / пресс-служба МЧС КР
  • В Ысык-Атинском районе в пруду села Эпкин утонули две девушки
    Кечээ кечке жуук 102 кызматына Эпкин айылында жайгашкан көлмөгө 16 жана 18 жаштагы кыздар чөгүп кеткендиги тууралуу маалымат түшкөн.
    © Фото / пресс-служба МЧС КР
1 / 2
© Фото / пресс-служба МЧС КР
Чүй облусунун Ысык-Ата районунда кечээ эки кыз сууга чөгүп кеткен

Кечки саат жетилерде издөө иштерин жүргүзүү үчүн үч куткаруучу барган. Суудан кыздардын биринин сөөгү саат 19:30да, ал эми экинчисиники саат 21:10до табылган.

Куткаруучулар маркумдарды милиция кызматкерлерине өткөрүп беришкен.

61
Белгилер:
Чүй ИИББ, Ысык-Ата, ӨКМ, көлмө, сууга чөгүү, кыз
Тема боюнча
Түптө суудан кызын куткарам деген киши кошо чөгүп кетти
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

13
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

13
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр
Ноутбук колдонуп жаткан кыз. Архив

УКМК Бишкектеги 15 вебкам-студияны басып кирди. Тинтүү учурундагы видео

244
(жаңыланган 13:30 05.08.2021)
Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган.

БИШКЕК, 5-авг. — Sputnik. УКМК Бишкек шаарында уюштурулган 15тен ашуун вебкам-студиянын ишин токтотту. Бул туурасында аталган органдын маалымат кызматы кабарлады.

Билдирүүгө ылайык, мындай иштерди Кыргызстандын жана КМШ өлкөлөрүнүн жарандары уюштуруп, интернет айдыңында онлайн интимдик кызмат көрсөтүү шарты менен жаш кыздарга жогорку маяна сунуштап келишкен.

"Ошол эле учурда бир эле вебкам-студиянын күнүмдүк көмүскө кирешеси 90-100 миң долларга жетип турган. Кызмат көрсөткөн кыздарга болгону анын 5-10 пайызын гана беришкен. 3-августта ыкчам-тергөө иштеринин алкагында бир жумалык акыны бөлүштүрүп жатканда кылмыштуу топтун негизги уюштуруучулары кармалды", — деп айтылат маалыматта.

Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган. Бул акча персоналга төлөөгө жана онлайн түрүндө интимдик кызмат көрсөтүү үчүн компьютердик жабдууларды сатып алууга жумшалмак.

Тергөө учурунда уюштуруучулар тапкан кирешесин кыймылсыз мүлк объектилери жана башка материалдык баалуулуктар менен адалдап жүргөнү аныкталды.

Сотко чейинки өндүрүштүн алкагында негизги уюштуруучу П.И. кылмыштуу кирешени адалдоого шектүү катары убактылуу кармоочу жайына киргизилген.

Учурда ишке тиешеси бар башка адамдарды да аныктоо иштери жүрүп жатат.

"Соңку жылдары вебкам индустриясы жаш муунду көп акча төлөө менен азгырууда. Акыр-аягы жаш кыздар кылмыштуу ишти уюштуруучулардын торуна түшүп, чыга албай калып жатат. Аларды интимдик видеолорун социалдык тармактарга таратам деп шантаж кылып кармап турат", — деп билдирди УКМК.

Атайын кызмат купуялуулукка жана коопсуздукка кепилдик берүү менен мындай кырдаалга тушуккан жарандарды УКМКнын нөөмөт кызматына чалууну суранат. Телефон номери: 0312 66-04-75.

244
Белгилер:
УКМК, вебкам, кармоо, тинтүү, кылмыш
Тема боюнча
УКМК: бир тонна катализаторду чыгарып кетүүгө аракет кылгандар кармалды