Жол оңдогон техникасы. Архивдик сүрөт

Чүйдөгү жол кырсык. 18 жаштагы жигит ооруканада көз жумду

99
(жаңыланган 20:36 10.07.2021)
Жол кырсыктан кийин жабыркагандарды ооруканага Тез жардам кызматы жеткирген. Бирок алардын ичинен бирөө эки саатка жетпей каза тапкан.

БИШКЕК, 10-июл. — Sputnik. Чүйдүн Москва районунун Садовая айылындагы жол кырсыктан 18 жаштагы жигит ооруканадан үзүлдү. Маалыматты Sputnik Кыргызстан агенттигине Москва аймактык ооруканасынын жетекчиси Болот Шеримбаев тастыктады.

Эске салсак, буга чейин ӨКМ 10-июль күнү аталган айылда жол оңдогон техника менен Mercedes-Benz Vito үлгүсүндөгү автоунаа кагышып, кырсыктан сегиз киши жабыркаганын билдирген. Аларды Тез жардам кызматы алып кеткени маалым болгон.

Дарыгер Шеримбаевдин айтымында, жабыркаган сегиз кишинин ичинен 18 жаштагы жигит ооруканага жеткирилгенден кийин эки саатка жетпей үзүлгөн. Калган жетөө учурда ооруканада, анын ичинен бир жүргүнчү жандандыруу бөлүмүндө экени кайтылды.

99
Белгилер:
өлүм, оорукана, жол кырсык
Тема:
2021-жылдын башынан бери Кыргызстанда болгон жол кырсыктар (111)
Тема боюнча
Жалал-Абад: жол кырсыктарын алдын алуу үчүн баннерлер илинип, кеңештер айтылды
Ырчы Самара Каримова. Архив

Вице-мэр кырсыктаган унаада ырчы Самара Каримова күйөөсү менен бараткан

319
(жаңыланган 13:40 27.07.2021)
Милициянын маалыматы боюнча, кырсыкка кабылган ырчы Токтогул райондук ооруканасынын жандандыруу бөлүмүнө түшкөн.

БИШКЕК, 27-июл. — Sputnik. Бишкек — Ош жолунун Токтогул районунун аймагында автоунаа менен баратып кырсыктагандардын арасында ырчы Самара Каримова да болгон. Маалыматты Жалал-Абад облустук Жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады.

Автоунааны ырчынын күйөөсү Асан Мансуров айдап бара жаткан. Буга чейин аталган кырсыктан Бишкектин вице-мэри Жамалбек Ырсалиев жаракат алганы кабарланган эле.

Кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, жол четиндеги тосмону сүзүп алган. Алар Оштон Бишкекти көздөй бара жаткан.

Милициянын маалыматы боюнча, Самара Каримова жандандыруу бөлүмүнө түшкөн. Унаанын ичинде жалпы беш жүргүнчү болгон. Алар ар кандай жарааты менен Токтогул райондук ооруканасына жеткирилген.

Айдоочу эч кандай жаракат алган эмес. Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

319
Белгилер:
Токтогул району, жол кырсык, ырчы, Самара Каримова
Тема:
2021-жылдын башынан бери Кыргызстанда болгон жол кырсыктар (111)
Тема боюнча
Айтикул уулу: жол кырсыктарынын саны былтыркыга салыштырмалуу 30%га өстү
Ысык-Көлдө эки автоунаа кагышып, бир кыз каза болду. Сүрөттөр
 Бишкек шаарынын вице-мэри Жамалбек Ырсалиев. Архив

Вице-мэр Жамалбек Ырсалиев Бишкек Ош жолунда автокырсыкка кабылды

231
(жаңыланган 11:51 27.07.2021)
Унаанын ичинде вице-мэр жана дагы үч жүргүнчү бараткан. Алар ар кандай жарааты менен Токтогул райондук ооруканасына жеткирилген.

БИШКЕК, 27-июл. — Sputnik. Бишкек шаарынын вице-мэри Жамалбек Ырсалиев Бишкек — Ош жолунун 217-чакырымында жол кырсыгына кабылды. Маалыматты Жалал-Абад облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады. 

Анын айтымында, кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, Токтогул районунун аймагында жол четиндеги тосмону сүзүп алган.

Унаанын ичинде вице-мэр жана дагы үч жүргүнчү бараткан. Алар денесинен ар кандай жараат алып, Токтогул райондук ооруканасына жеткирилген. Жабырлануучулардын бири жандандыруу бөлүмүндө жатат.

Айдоочу эч кандай жараат алган эмес. 

Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

231
Белгилер:
Жамалбек Ырсалиев, жол кырсык, Токтогул району, вице-мэр
Тема:
2021-жылдын башынан бери Кыргызстанда болгон жол кырсыктар (111)
Тема боюнча
Министрдин орун басары Урмамбетов айдоочуларга жол эрежелерин түшүндүрдү. Сүрөт  
Ысык-Көлдө эки автоунаа кагышып, бир кыз каза болду. Сүрөттөр
Экс-премьер министр Өмүрбек Бабанов. Архив

Чет өлкөдөн дарыланат. Өмүрбек Бабановдун бөгөт чарасы өзгөртүлдү

0
(жаңыланган 18:17 27.07.2021)
Сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн.

БИШКЕК, 27-июл. — Sputnik. Биринчи май райондук сотунун чечими менен камактагы саясатчы Өмүрбек Бабановдун бөгөт чарасы өзгөртүлдү. Бул тууралуу УКМКдан билдиришти.

Маалыматка караганда, сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн. Анда саясатчынын ден соолугунун начарлашына байланыштуу чет өлкөдөгү ооруканаларга барып дарылануу муктаждыгы бар экени көрсөтүлгөн.

"Буга байланыштуу 27-июлда Биринчи май райондук соту Бабановдун бөгөт чарасын өзгөрттү. Ага чет өлкөдөн дарыланууга мүмкүнчүлүк берүү максатында эркиндикке бошотулду", - деп айтылат маалыматта.

Бабанов 31-майда кармалган. Ал Кумтөр кенин иштетүүдө коррупциялык иштерди жасаган деп айыпталып жатат. 2-июнь күнү Биринчи май райондук соту экс-премьерди эки айга камакка алуу чечимин чыгарган.

0
Белгилер:
кылмыш, коррупция, кен, Кумтөр, Өмүрбек Бабанов
Тема:
Өмүрбек Бабановдун камалышы
Тема боюнча
Сот Асылбек Жээнбековдун камактагы мөөнөтүн узартты. Видео