Жер титирөөлөрдү көрсөткөн сейсмограф. Архивдик сүрөт

Ош облусунда жер титиреди

2632
(жаңыланган 23:30 10.07.2021)
Маалыматта жер саат 22:05те силкинип, анын очогу бир чакырым тереңдикте жайгашканы айтылды. Кыйроолор жана жабыркагандар тууралуу расмий маалымат жок.

БИШКЕК, 10-июл. — Sputnik. Ош облусунун бир катар калктуу жайларынын жашоочулары мындан бир нече мүнөт мурда жер титирөөнү сезди. Европа-Жер Ортолук деңиз сейсмологиялык борборунун (EMSC) маалыматында анын магнитудасы 4,6га жеткени айтылды.

Маалыматтарга караганда, жер Бишкек убактысы боюнча саат 22:05те силкинди. Анын очогу бир чакырым тереңдикте жайгашканы айтылды.

Аталган сайтта анын эпиборбору Ош шаарынын түндүк-чыгышын карай 23 чакырым аралыктагы жерде экендиги кабарланды.

Азырынча Кыргызстандын тиешелүү органдары жердин силкинүүсү боюнча билдире элек. Кыйроолор жана жабыркагандар тууралуу расмий маалымат жок.

"Саат 22:05те Ош шаарында жер катуу титиреп, бирок силкинүү кыска жана кескин түрдө токтоду. Көпчүлүк жашоочулар байкабай калганын айтып жатышат. Катуу үн деле чыккан жок. Бирок стол, асма шам жана башка үй ичиндеги эмеректер  кыймылдады", — деп билдирди Sputnik Кыргызстандын Ош облусу боюнча кабарчысы.

Эске салсак, 10-июлда Тажикстандын түндүгүндө очогунда күчү 5,9 баллга жеткен жер титирөө катталып, беш киши көз жумган. Андан сырткары, үйлөр талкаланып, материалдык бир топ зыян келген.

2632
Белгилер:
жер титирөө, Ош облусу, Кыргызстан
Тема боюнча
Тажикстанда катуу жер титирөө болуп, беш киши көз жумду
Ошто эртең менен жер титиреди
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

288
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

288
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео
Калашников автоматы. Архив

Чек арачылар Баткендеги контрабандалык жүктү токтотуу үчүн асманга ок атышты

447
(жаңыланган 18:00 30.07.2021)
Чек арадагы аскерлер кызмат өтөп жатып Кожобакырган каналынын боюнда Тажикстан тарапты көздөй кетип бара жаткан, фарасы өчүрүлгөн кичи жүк ташуучу унааны байкап калышкан.

БИШКЕК, 30-июл. — Sputnik. Баткенде аткезчилик жол менен жүк алып бараткан автоунааны токтотуу үчүн чек арачылар асманга ок чыгарууга аргасыз болушту. Бул тууралуу УКМКнын Чек ара кызматы кабарлады.

  • Задержанный пограничниками мини-грузовик с контрабандой селитры в селе Жаштык Баткенской области. 30 июля 2021 года
    Баткенде аткезчилик жол менен жүк алып бараткан автоунааны токтотуу үчүн чек арачылар асманга ок чыгарууга аргасыз болушту
    © Фото / пресс-служба пограничной службы ГКНБ КР
  • Задержанный пограничниками мини-грузовик с контрабандой селитры в селе Жаштык Баткенской области. 30 июля 2021 года
    Билдирмеге караганда, чек арачылар 30-июлга караган түнү Тажикстан тарапты көздөй бара жаткан, фарасы өчүрүлгөн кичи жүк ташуучу унааны байкап калышкан
    © Фото / пресс-служба пограничной службы ГКНБ КР
1 / 2
© Фото / пресс-служба пограничной службы ГКНБ КР
Баткенде аткезчилик жол менен жүк алып бараткан автоунааны токтотуу үчүн чек арачылар асманга ок чыгарууга аргасыз болушту

Билдирмеге караганда, чек арачылар 30-июлга караган түнү Тажикстан тарапты көздөй бара жаткан, фарасы өчүрүлгөн кичи жүк ташуучу унааны байкап калышкан.

"Аскерлер автоунааны токтотууга аракет кылышкан, бирок айдоочу чек арада тургандардын талаптарын аткарбай жолун улаган. Мындан улам Чек ара кызматынын аскерлери эскертүү иретинде асманга ок чыгарганда айдоочу автоунаасын токтоткон", — деп айтылат маалыматта.

Кармалган адам 31 жаштагы Кыргызстандын тургуну болуп чыккан. Ал өткөрмө пунктунан сырткары Кыргызстандан Тажикстанга 3,5 тонна селитра алып өтүүгө аракет кылганы маалым болду.

447
Белгилер:
Кыргызстан, Тажикстан, чек ара, контрабанда, селитра
Тема боюнча
Москвада КРден барган 49,8 млн. сомдук контрабандалык iPhone аэропорттон кармалды
Чүйдө беш үйдү тоноого шектелип төрт адам кармалды, бирөө өспүрүм. Сүрөт